ഇന്ത്യൻ ഫുട്ബാളിന്റെ പുതിയ മുഖം : “11000 അടി ഉയരത്തിലുള്ള മനോഹരമായ ഫുട്ബോൾ സ്റ്റേഡിയം”

പ്രകൃതി ഭംഗിയാൽ ചുറ്റപ്പെട്ട രാജ്യത്തെ മനോഹരമായ സ്റ്റേഡിയങ്ങളിലൊന്നായാണ് ധർമശാലയിലെ ക്രിക്കറ്റ് സ്റ്റേഡിയം കണക്കാക്കപ്പെടുന്നത്. എന്നിരുന്നാലും ഉയർന്ന ഉയരത്തിൽ പർവതങ്ങൾക്കിടയിൽ സ്ഥിതി ചെയ്യുന്ന ഒരു സ്റ്റേഡിയത്തിനുള്ളിൽ ഉടൻ തന്നെ ആരാധകർക്ക് ഒരു മത്സരം കാണാൻ കഴിയും. ഇത് ഒരു ക്രിക്കറ്റ് സ്റ്റേഡിയമല്ല, ഒരു മൾട്ടി പർപ്പസ് ഫുട്ബോൾ സ്റ്റേഡിയമാണ്, ഇതിന്റെ ചിത്രം ജനുവരി 15 ശനിയാഴ്ച കേന്ദ്ര കായിക മന്ത്രി അനുരാഗ് താക്കൂർ തന്റെ സോഷ്യൽ മീഡിയ അക്കൗണ്ടിൽ പങ്കു വെക്കുകയും ചെയ്തു.

ലേയിലെ സ്പിറ്റുകിൽ നിർമ്മിച്ച ഫുട്ബോൾ സ്റ്റേഡിയത്തിന്റെ ആകാശക്കാഴ്ച അനുരാഗ് താക്കൂർ ട്വിറ്ററിൽ പങ്കുവെച്ചത്.ഖേലോ ഇന്ത്യ സ്‌പോർട്‌സ് ഇൻഫ്രാസ്ട്രക്ചറിന്റെ ഭാഗമായ ഫുട്‌ബോൾ സ്റ്റേഡിയം സമുദ്രനിരപ്പിൽ നിന്ന് 11000 അടി ഉയരത്തിലാണ് നിർമ്മിച്ചിരിക്കുന്നത്. പർവതങ്ങളാലും തെളിഞ്ഞ ആകാശത്താലും ചുറ്റപ്പെട്ട ഭൂമിയുടെ കാഴ്ച വളരെ മനോഹരമാണ്. കഴിഞ്ഞ വർഷം സെപ്റ്റംബറിൽ മുൻ കായിക മന്ത്രി കിരൺ റിജിജുവാണ് ഫുട്ബോൾ സ്റ്റേഡിയത്തിന് കല്ലിട്ടത്. ഫുട്ബോൾ സ്റ്റേഡിയത്തിൽ സിന്തറ്റിക് ട്രാക്കിനാൽ ചുറ്റപ്പെട്ട ഒരു ആസ്ട്രോടർഫ് ഫുട്ബോൾ പിച്ച് ഉൾപ്പെടുന്നു.

സ്പിറ്റുകിലെ ജനങ്ങൾക്കും പ്രൊഫഷണൽ ഫുട്ബോൾ കളിക്കാരാകാൻ ആഗ്രഹിക്കുന്ന കുട്ടികൾക്കും സ്റ്റേഡിയം ഒരു മുതൽക്കൂട്ട് തന്നെയാവും.സ്റ്റേഡിയം പൊതുജനങ്ങൾക്കായി തുറന്നുകൊടുത്ത് മനോഹരമായ ഭൂപ്രകൃതിക്ക് നടുവിൽ ഫുട്ബോൾ മത്സരങ്ങൾ നടത്താൻ തുടങ്ങുമ്പോൾ ലഡാക്കിന്റെ തൊപ്പിയിൽ മറ്റൊരു തൂവൽ കൂടി ചേർക്കപ്പെടും.

മുൻ കായിക മന്ത്രി കിരൺ റിജിജുവും സ്റ്റേഡിയം സംബന്ധിച്ച് ഒരു ട്വീറ്റ് പങ്കിട്ടു, പദ്ധതി പൂർത്തീകരിച്ചതിൽ സംതൃപ്തിയുണ്ട്. “പകർച്ചവ്യാധിക്കിടയിലും രണ്ട് വർഷത്തിനുള്ളിൽ ലഡാക്കിൽ സ്പോർട്സ് പ്രോജക്ടുകൾ പൂർത്തീകരിക്കുന്നത് കാണുന്നതിൽ വളരെ സംതൃപ്തിയുണ്ട് എന്ന് അദ്ദേഹം പറഞ്ഞു.