2023 -2024 സീസൺ ഐ എസ് എല്‍ തീയതികൾ പ്രഖ്യാപിച്ചു |ISL

ഇന്ത്യൻ സൂപ്പർ ലീഗിന്റെ 2023 -2024 സീസൺ സെംപ്റ്റംബറിൽ തുടക്കമായേക്കും. സെപ്റ്റംബർ 22 മുതൽ 24 വരെയുള്ള തിയതികളിലൊന്നിൽ ഐഎസ്എൽ സീസൺ തുടങ്ങാനാണ് സാധ്യത.2023 ഡ്യൂറന്റ് കപ്പ് ഫുട്‌ബോള്‍ പോരാട്ടത്തോടെ ആണ് 2023 – 2024 സീസണ്‍ ഇന്ത്യന്‍ ക്ലബ് സീസണിന് തുടക്കമാവുന്നത്.

12 ടീമുകളാണ് അടുത്ത ഐഎസ്എല്ലിൽ പങ്കെടുക്കുക. കഴിഞ്ഞ ഐഎസ്എല്ലിലുണ്ടായിരുന്ന പതിനൊന്ന് ടീമുകൾക്ക് പുറമെ അടുത്ത തവണ റൗണ്ട് ​ഗ്ലാസ് പഞ്ചാബും ഒന്നാം ഡിവിഷൻ ടൂർണമെന്റിന്റെ ഭാ​ഗമാകും. കഴിഞ്ഞ ഐ-ലീ​ഗ് സീസണിൽ കിരീടമുയർത്തിയാണ് പഞ്ചാബ് ഐഎസ്എല്ലിലേക്ക് സ്ഥാനക്കയറ്റം നേടിയെത്തുന്നത്.

കഴിഞ്ഞ സീസണിലെ ഉത്ഘാടന മത്സരം കൊച്ചിയിൽ ആയിരുന്നു. ഈ സീസണിലും ആദ്യ മത്സരം കൊച്ചിയിൽ ആയിരിക്കുമോ എന്നത് തീരുമാനം ആയിട്ടില്ല.കഴിഞ്ഞ തവണ ഒക്ടോബർ ആദ്യമാണ് ഐഎസ്എൽ തുടങ്ങിയത്. വാര്യന്തങ്ങൾ കേന്ദ്രീകരിച്ചായിരുന്നു കഴിഞ്ഞ ഐഎസ്എൽ. ആറ് ടീമുകൾ പ്ലേ ഓഫിലെത്തുന്ന തരത്തിൽ ക്രമീകരിച്ച ലീ​ഗിൽ എടികെ മോഹൻബ​ഗാനാണ് കിരീടമുയർത്തിയത്.

വലിയ പ്രതീക്ഷയോടെയാണ് കേരള ബ്ലാസ്റ്റേഴ്‌സ് പുതിയ സീസണിനെ നോക്കികാണുന്നത്. കഴിഞ്ഞു പോയ സീസണിൽ പ്ലെ ഓഫിൽ പുറത്തായ ബ്ലാസ്റ്റേഴ്‌സ് വരുന്ന സീസണിൽ കകിരീടം തന്നെയാണ് ലക്‌ഷ്യം വെക്കുന്നത്.