“കൈലിയനെതിരെ കളിക്കുന്നത് സവിശേഷമാണ്” : പിഎസ്ജി താരം ഒരു ദിവസം റയൽ മാഡ്രിഡിൽ എത്തുമെന്ന് കരിം ബെൻസെമ

പാരീസ് സെന്റ് ജെർമെയ്ൻ (പിഎസ്ജി) മുന്നേറ്റ നിര സൂപ്പർ താരം കൈലിയൻ എംബാപ്പെക്കെതിരെ കളിക്കുന്നതിനെക്കുറിച്ച് തുറന്ന് പറഞ്ഞ് റയൽ മാഡ്രിഡ് ഫോർവേഡ് കരീം ബെൻസെമ.രണ്ട് ഫ്രഞ്ച് അന്താരാഷ്‌ട്ര താരങ്ങൾ സമീപ വർഷങ്ങളിൽ അതത് ക്ലബ്ബുകളുടെ പ്രധാന താരങ്ങളായിരുന്നു.2018-ൽ ക്രിസ്റ്റ്യാനോ റൊണാൾഡോയുടെ വിടവാങ്ങലിന് ശേഷം ബെൻസെമ മാഡ്രിഡിന്റെ മുഖ്യ താരമായി മാറിയപ്പോൾ പിഎസ്ജിയിൽ നെയ്മർ, ലയണൽ മെസ്സി എന്നിവരെ പിന്തള്ളുന്ന പ്രകടനമാണ് എംബപ്പേ പുറത്തെടുക്കുന്നത്.

ഇന്ന് രാത്രി പാരീസിൽ നടക്കുന്ന ചാമ്പ്യൻസ് ലീഗ് റൗണ്ട് ഓഫ് 16 ഫസ്റ്റ് ലെഗ് പോരാട്ടത്തിൽ റയൽ മാഡ്രിഡും പിഎസ്ജിയും തമ്മിൽ ഏറ്റുമുട്ടാനൊരുങ്ങുകയാണ്. സ്പാനിഷ് തലസ്ഥാനത്തേക്കുള്ള നീക്കവുമായി ഏറെ ബന്ധപ്പെട്ടിരിക്കുന്നതിനാൽ ഈ മത്സരം എംബാപ്പെയ്ക്ക് കൂടുതൽ പ്രാധാന്യമുള്ളതാണ്.”ഇത് വളരെ വലിയ ഗെയിമാണ്, കൈലിയനെതിരെ കളിക്കുന്നത് പ്രത്യേകമാണ്, കാരണം ഞങ്ങൾ ഒരുമിച്ച് ദേശീയ ടീമിൽ കളിക്കുന്നു. നിങ്ങൾക്കറിയാവുന്നതുപോലെ അയാൾക്ക് ഒരു ദിവസം മാഡ്രിഡിലേക്ക് വരും.എന്നാൽ ഇപ്പോൾ ഞങ്ങൾ രണ്ടുപേരും ഗെയിം ജയിക്കാൻ ഇവിടെയുണ്ട്” എംബാപ്പെക്കെതിരെ കളിക്കുന്നതിനെക്കുറിച്ചും ഫ്രഞ്ച് യുവതാരം റയൽ മാഡ്രിഡിലേക്ക് വരാനുള്ള സാധ്യതയെക്കുറിച്ചും ബെൻസിമ പറഞ്ഞു.

180 മില്യൺ യൂറോയ്‌ക്കും ആഡ് ഓണുകൾക്കും ഒപ്പം കൈലിയൻ എംബാപ്പെ 2017-ൽ മൊണാക്കോയിൽ നിന്ന് പിഎസ്ജിയിൽ ചേർന്നു.മറ്റ് ആഭ്യന്തര ബഹുമതികൾക്കൊപ്പം മൂന്ന് ലീഗ് 1 കിരീടങ്ങൾ നേടാൻ ഫ്രഞ്ച്കാരൻ പാരീസിയക്കാരെ സഹായിച്ചു. എന്നാൽ ചാമ്പ്യൻസ് ലീഗ് കിരീടത്തിലേക്ക് പിഎസ്ജിയെ നയിക്കുന്നതിൽ അദ്ദേഹം പരാജയപ്പെട്ടു.ഫ്രഞ്ച് ഭീമന്മാരുമായുള്ള അദ്ദേഹത്തിന്റെ നിലവിലെ കരാർ സീസണിന്റെ അവസാനത്തോടെ അവസാനിക്കും.

റയൽ മാഡ്രിഡിന് ഫ്രഞ്ച് താരത്തിനോട് ശക്തമായ താൽപ്പര്യമുണ്ട് . ലോസ് ബ്ലാങ്കോസ് എംബാപ്പെയെ സൈൻ ചെയ്യാനുള്ള അവരുടെ ആഗ്രഹത്തെക്കുറിച്ച് നിരവധി പരസ്യ അഭിപ്രായങ്ങൾ നടത്തുകയും ചെയ്തു.പി‌എസ്‌ജി തങ്ങളുടെ സ്റ്റാർ മാന്റെ കരാർ നീട്ടാൻ തീവ്രമായി ശ്രമിച്ചു കൊണ്ടിരുന്നു.2018 മുതൽ ക്രിസ്റ്റ്യാനോ റൊണാൾഡോയ്ക്ക് പകരക്കാരനെ കണ്ടെത്താൻ കഴിയാത്ത മാഡ്രിഡിന് ഫ്രഞ്ച് താരം വലിയ കൂട്ടിച്ചേർക്കലായിരിക്കും.23 വയസ്സ് മാത്രമുള്ള എംബാപ്പെയ്ക്ക് മെസ്സിയുടെയും റൊണാൾഡോയുടെയും പോലെയുള്ള ഇതിഹാസങ്ങൾ പോലെയാവാനുള്ള ശക്തിയുണ്ട്.