മെസ്സി ചെയ്യുന്ന കാര്യങ്ങൾ അവിശ്വസനീയം, ഫുട്ബോൾ ചരിത്രത്തിലെ ഏറ്റവും മികച്ച താരം : വെറാറ്റി

ഈ സീസണിൽ അസാമാന്യ ഫോമിലാണ് ലയണൽ മെസ്സി ഇപ്പോൾ കളിച്ചുകൊണ്ടിരിക്കുന്നത്.അവസാനമായി കളിച്ച ആറു മത്സരങ്ങളിലും ഗോൾ നേടാൻ മെസ്സിക്ക് കഴിഞ്ഞിട്ടുണ്ട്. ഏറ്റവും ഒടുവിൽ പോർച്ചുഗീസ് ക്ലബ്ബായ ബെൻഫിക്കക്കെതിരെയാണ് ലയണൽ മെസ്സി അതിസുന്ദരമായ ഒരു ഗോൾ നേടിയത്.

ഈ സീസണിൽ ഇപ്പോൾ തന്നെ 12 ഗോളുകളും 8 അസിസ്റ്റുകളും നേടാൻ മെസ്സിക്ക് സാധിച്ചിട്ടുണ്ട്. ഏറ്റവും കൂടുതൽ ഗോൾ കോൺട്രിബ്യൂഷൻസ് നേടിയ താരങ്ങളുടെ പട്ടികയിൽ മുൻപന്തിയിൽ തന്നെ ലയണൽ മെസ്സിയുണ്ട് എന്നുള്ളതാണ്. കഴിഞ്ഞ സീസണിൽ മെസ്സിയെ വിമർശിച്ചവർക്കെല്ലാം ഈ സീസണിന്റെ തുടക്കത്തിൽ തന്നെ മെസ്സി ബൂട്ട് കൊണ്ട് മറുപടി നൽകുകയായിരുന്നു.

ഏതായാലും ലയണൽ മെസ്സിയെ വാഴ്ത്തിക്കൊണ്ട് അദ്ദേഹത്തിന്റെ പിഎസ്ജി സഹതാരമായ മാർക്കോ വെറാറ്റി ചില കാര്യങ്ങൾ ഇപ്പോൾ പറഞ്ഞിട്ടുണ്ട്. മെസ്സി ചെയ്യുന്ന കാര്യങ്ങൾ അവിശ്വസനീയമാണ് എന്നാണ് വെറാറ്റി പറഞ്ഞത്. ഫുട്ബോൾ ചരിത്രത്തിലെ ഏറ്റവും മികച്ച താരമാണ് ലയണൽ മെസ്സിയെന്നും ഈ ഇറ്റാലിയൻ താരം കൂട്ടിച്ചേർത്തു.

‘ മെസ്സി ചെയ്യുന്ന കാര്യങ്ങൾ അവിശ്വസനീയമാണ്.നമുക്ക് അങ്ങനെ ചെയ്യാൻ ഒരിക്കലും സാധിക്കില്ല.മെസ്സിയെ സംബന്ധിച്ചിടത്തോളം വളരെ ലളിതമായി കൊണ്ടാണ് അദ്ദേഹം ഇതെല്ലാം ചെയ്യുന്നത്. അദ്ദേഹം ബെൻഫിക്കക്കെതിരെ നേടിയ ഗോൾ കണ്ടാൽ മാത്രം മതി, അദ്ദേഹവുമായി നിങ്ങൾ ഇഷ്ടത്തിലാവും. ഫുട്ബോൾ ചരിത്രത്തിലെ എക്കാലത്തെയും മികച്ച താരം ലയണൽ മെസ്സിയാണ് ‘ വെറാറ്റി പറഞ്ഞു.

ലയണൽ മെസ്സിയെ കഴിഞ്ഞ മത്സരത്തിനു ശേഷം വാഴ്ത്തിക്കൊണ്ട് ഒരുപാട് പേർ മുന്നോട്ടു വന്നിട്ടുണ്ട് എന്നുള്ളതാണ്. ഇതിഹാസങ്ങളായ ജാമി കാരഗറും ഗാരി ലിനെക്കറുമൊക്കെ മെസ്സിയെ പുകഴ്ത്തിയിട്ടുണ്ട്. ചരിത്രത്തിലെ ഏറ്റവും മികച്ച താരമാണ് മെസ്സി എന്ന് തന്നെയാണ് കാരഗർ പറഞ്ഞിട്ടുള്ളത്.