ഈസ്റ്റ് ബംഗാളിനെതിരെയുള്ള ബ്ലാസ്റ്റേഴ്സിന്റെ സ്റ്റാർട്ടിങ് ലൈൻ അപ്പ് , മുന്നേറ്റ നിരയിലെ രണ്ട് വിദേശ താരങ്ങൾക്ക് അരങ്ങേറ്റം

ഇന്ത്യന്‍ സൂപ്പര്‍ ലീഗിന്റെ ഒന്‍പതാം സീസണിലെ ആദ്യമത്സരത്തിൽ കേരള ബ്ലാസ്റ്റേഴ്സ് ഈസ്റ്റ് ബംഗാളിനെ നേരിടും. രാത്രി ഏഴരയ്ക്ക് കൊച്ചിയിലെ ജവഹര്‍ലാല്‍ നെഹൃ സ്റ്റേഡിയത്തിലാണ് മത്സരം. ജയത്തോടെ സീസണ്‍ തുടങ്ങുക എന്ന ലക്ഷ്യമായിരിക്കും ഇവാന്‍ വുകുമനോവിച്ചിനും കൂട്ടര്‍ക്കുമുള്ളത്.കോവിഡ് മൂലമുണ്ടായ രണ്ട് വര്‍ഷത്തെ ഇടവേളയ്ക്ക് ശേഷം സ്റ്റേഡിയങ്ങളില്‍ ആരാധകർ തിരിച്ചെത്തിയിരിക്കുകയാണ്.

ഇന്നത്തെ മത്സരത്തിനുള്ള ബ്ലാസ്റ്റേഴ്‌സ് ടീമിനെ പരിശീലകൻ ഇവാൻ പ്രഖ്യാപിച്ചു.കഴിഞ്ഞ സീസണിൽ പരീക്ഷിച്ച വിജയിച്ച മുന്നേറ്റനിരയിലെ രണ്ട് വിദേശികൾ എന്ന ശൈലി നിലനിർത്തിയാണ് ഇവാൻ വുകോമനോവിച്ച് ഈസ്റ്റ് ബം​ഗാളിനെതിരായ ആദ്യ മത്സരത്തിന് ടീമിനെ ഇറക്കുന്നത്.ഡിമിട്രിയോസ് ഡയമന്റകോസിനോസും അപ്പോസ്‌തോലോസ് ജിയന്നൗവും ആദ്യ ഇലവനിൽ സ്ഥാനം പിടിച്ചു.ലെസ്‌കോവിക് ലൂണയുമാണ് ശേഷിക്കുന്ന വിദേശ താരങ്ങൾ.

പ്രഭ്സുഖാൻ ​ഗിൽ ഗോൾ വലയം കാക്കുമ്പോൾ ഖബ്ര, റൂയിവ ഹോർമിപാം, മാർക്കോ ലെസ്കോവിച്ച്, ജെസ്സൽ കാർനെയ്റോ എന്നിവർ പ്രതിരോധത്തിൽ അണിനിരക്കും.ജീക്സൻ സിങ്, പ്യൂയ്റ്റിയ, അഡ്രിയാൻ ലൂണ, സഹൽ അബ്ദുൾ സമദ് എന്നിവർ മധ്യനിരയിൽ കളി മെനയുമ്പോൾ ഗ്രീക്ക് -ഓസ്‌ട്രേലിയൻ ജോഡി മുന്നേറ്റ നിരയിൽ അണിനിരക്കും.

പ്രഭ്സുഖാൻ ​ഗിൽ :ഖബ്ര, റൂയിവ ഹോർമിപാം, മാർക്കോ ലെസ്കോവിച്ച്, ജെസ്സൽ കാർനെയ്റോ :ജീക്സൻ സിങ്, പ്യൂയ്റ്റിയ, അഡ്രിയാൻ ലൂണ, സഹൽ അബ്ദുൾ സമദ് :ഡിമിട്രിയോസ് ഡയമന്റകോസിനോസും അപ്പോസ്‌തോലോസ് ജിയന്നൗവും