ഫൈനലിനു മുന്നേ ലയണൽ മെസ്സി പറഞ്ഞ വാക്കുകൾ കേട്ടപ്പോൾ എതിരാളികളെ തരിപ്പണമാക്കാനുള്ള ആവേശം കൈവന്നു : അർമാനി

ഒരു അന്താരാഷ്ട്ര ട്രോഫിയുടെ പേരിൽ ഏറ്റവും കൂടുതൽ പഴികേട്ട ലയണൽ മെസ്സി വളരെ ചുരുങ്ങിയ കാലയളവ് കൊണ്ട് എല്ലാ വിമർശകരുടെയും വായ മൂടി കെട്ടുന്ന കാഴ്ചയാണ് ഫുട്ബോൾ ലോകത്തുനിന്നും സമീപകാലത്ത് നമുക്ക് കാണാൻ സാധിച്ചത്. ആദ്യം കോപ്പ അമേരിക്ക കിരീടമായിരുന്നു മെസ്സി സ്വന്തമാക്കിയിരുന്നത്. ഫൈനലിൽ ബ്രസീലിനെ നേരിടുന്നതുമായി ബന്ധപ്പെട്ട കൊണ്ട് മെസ്സി ഡ്രസിങ് റൂമിൽ നടത്തിയ പ്രസംഗമൊക്കെ വളരെയധികം ശ്രദ്ധ നേടിയ ഒരു കാര്യമാണ്.

ഈ വേൾഡ് കപ്പിലും ലയണൽ മെസ്സിയുടെ നായകത്വത്തിലാണ് അർജന്റീന കിരീടം നേടിയത്.ആദ്യ മത്സരത്തിൽ അർജന്റീന പരാജയപ്പെട്ടപ്പോഴും ആരാധകരെയും സഹതാരങ്ങളെയും പ്രചോദിപ്പിച്ചത് ലയണൽ മെസ്സിയായിരുന്നു. അതിന്റെ ഫലമായി കൊണ്ട് തന്നെയാണ് വേൾഡ് കപ്പ് കിരീടം ഇപ്പോൾ അർജന്റീനയുടെ ഷെൽഫിൽ എത്തിയത്.

ലയണൽ മെസ്സി എന്ന ലീഡറുടെ ക്വാളിറ്റികളെ കുറിച്ച് അർജന്റീന ഗോൾ കീപ്പറായ ഫ്രാങ്കോ അർമാനി ഇപ്പോൾ സംസാരിച്ചിട്ടുണ്ട്. എല്ലാം തികഞ്ഞ ഒരു ലീഡറാണ് മെസ്സി എന്നാണ് അർമാനി പറഞ്ഞത്. ഫൈനലിനു മുന്നേ ലയണൽ മെസ്സി സഹതാരങ്ങൾക്ക് നൽകിയ മോട്ടിവേഷനെ കുറിച്ചും അർമാനി സംസാരിച്ചു.

‘ ഡ്രസ്സിംഗ് റൂമിന് അകത്തും പുറത്തും ലയണൽ മെസ്സി ഒരു യഥാർത്ഥ ലീഡറാണ്.ഫ്രാൻസിനെതിരെയുള്ള ഫൈനലിനു മുന്നേ ലയണൽ മെസ്സി തന്റെ സഹതാരങ്ങൾക്ക് മോട്ടിവേഷൻ നൽകാൻ വേണ്ടി സംസാരിച്ച വാക്കുകളൊക്കെ എനിക്ക് ഇപ്പോഴും ഓർമ്മയുണ്ട്. ആ വാക്കുകൾ കേട്ടപ്പോൾ എതിരാളികളെ തരിപ്പണമാക്കാനുള്ള ആവേശം എല്ലാ താരങ്ങൾക്കും കൈവരികയായിരുന്നു.മറ്റുള്ള എല്ലാവരെക്കാളും കൂടുതൽ ഈ കിരീടം അർഹിച്ചിരുന്നത് ലയണൽ മെസ്സി തന്നെയാണ് ‘ അർജന്റീന ഗോൾകീപ്പർ പറഞ്ഞു.

കഴിഞ്ഞ വേൾഡ് കപ്പിലും ഒരല്പം അഗ്രസീവായ മെസ്സിയെ തന്നെയായിരുന്നു നമുക്ക് കാണാൻ കഴിഞ്ഞിരുന്നത്. പ്രത്യേകിച്ച് ഹോളണ്ടിനെതിരെയുള്ള മത്സരത്തിലൊക്കെ അത് വളരെ വ്യക്തമായിരുന്നു. ടീമിനെ കൂടുതൽ മുന്നിട്ട് നിന്ന് നയിക്കാനുള്ള പ്രവണത ഈയിടെ ലയണൽ മെസ്സി കൂടുതൽ കാണിക്കുന്നുണ്ട് എന്നുള്ളത് വളരെ വ്യക്തമാണ്.