സൗദി പ്രോ ലീഗിൽ അൽ നസ്‌റിനായി ക്രിസ്റ്റ്യാനോ റൊണാൾഡോ നേടിയ മനോഹരമായ ഗോൾ |Cristiano Ronaldo

സൗദി പ്രോ ലീഗിൽ അൽ-അദാലയ്‌ക്കെതിരായ അൽ നാസറിന്റെ 5-0 വിജയത്തിൽ രണ്ട് തകർപ്പൻ ഗോളുകൾ നേടിയ ഇതിഹാസ ഫുട്ബോൾ താരം ക്രിസ്റ്റ്യാനോ റൊണാൾഡോ തന്റെ കഴിവ് ഒരിക്കൽ കൂടി തെളിയിച്ചു. മത്സരത്തിൽ റൊണാൾഡോ നേടിയ അതിശയിപ്പിക്കുന്ന ലെഫ്റ്റ് ഫൂട്ടർ എല്ലാവരുടെയും ശ്രദ്ധ പിടിച്ചുപറ്റുകയും തന്റെ സുവർണ്ണ നാളുകളിലേക്ക് മടങ്ങിപോവുന്നതിന്റെ സൂചനകൾ നല്കുന്നതുമായിരുന്നു.

38 കാരനായ താരം തന്റെ എതിർ താരത്തെ ഡ്രിബിൾ ചെയ്യുകയും ഗോൾകീപ്പർക്ക് ഒരു അവസരം കൊടുക്കാതെ ടൈറ്റ് ആംഗിളിൽ നിന്നും ശക്തമായ ഇടത് കാൽ ഷോട്ട് വഴിയാണ് ഗോൾ കണ്ടെത്തിയത്. മത്സരം തുടങ്ങി 40 ആം മിനുട്ടിൽ തന്നെ റൊണാൾഡോ സ്‌കോറിങ്ങിന് തുടക്കമിട്ടു. സൗദി പ്രോ ലീഗിലെ സീസണിലെ 10, 11 ഗോളുകളായിരുന്നു ഇന്നലെ പിറന്നത്.ബ്രസീലിയൻ വിങ്ങർ താലിസ്കയും ഇരട്ട ഗോളുകൾ നേടി. അധികസമയത്ത് അയ്മാൻ യഹ്യയാണ് അഞ്ചാം ഗോൾ നേടിയത്.2023 കലണ്ടർ വർഷത്തിൽ 15 ഗോളുകൾ നേടിയ റൊണാൾഡോ എർലിംഗ് ഹാലൻഡ് (15), മാർക്കസ് റാഷ്‌ഫോർഡ് (14) എന്നിവരെക്കാൾ മുന്നിലാണ്.

വിജയത്തോടെ അൽ ഇത്തിഹാദിന് ഒരു പോയിന്റ് മാത്രം വ്യത്യാസത്തിൽ അൽ നാസർ പോയിന്റ് പട്ടികയിൽ രണ്ടാം സ്ഥാനത്തെത്തി. ടീമിന് എട്ട് മത്സരങ്ങൾ കൂടി ബാക്കിയുണ്ട്, ശേഷിക്കുന്ന മത്സരങ്ങളിൽ അൽ ഇത്തിഹാദിനെ വഴുതി വീഴ്ത്താൻ അവർ ആഗ്രഹിക്കുന്നു, അതിലൂടെ അവർക്ക് പത്താം സൗദി പ്രോ ലീഗ് കിരീടം നേടാനാകും.റൊണാൾഡോയുടെ അസാധാരണമായ ഫോം ലോകമെമ്പാടുമുള്ള ഫുട്ബോൾ ആരാധകർക്ക് ഒരു വിരുന്നാണ്. വെറ്ററൻ സ്‌ട്രൈക്കർ യുവ കളിക്കാർക്ക് പ്രചോദനമാണ്, കൂടാതെ തന്റെ പ്രകടനത്തിലൂടെ റെക്കോർഡുകൾ തകർക്കുന്നത് തുടരുന്നു.

റൊണാൾഡോയുടെ കഴിവും നിശ്ചയദാർഢ്യവും കഠിനാധ്വാനവും അദ്ദേഹത്തെ എക്കാലത്തെയും മികച്ച ഫുട്ബോൾ കളിക്കാരിൽ ഒരാളാക്കി മാറ്റി. ഏപ്രിൽ 9 ന് അൽ ഫെയ്ഹയ്‌ക്കെതിരെ നടക്കാനിരിക്കുന്ന മത്സരത്തിൽ താരത്തെ കാണാൻ ആരാധകർ ആകാംക്ഷയോടെ കാത്തിരിക്കുകയാണ്.അൽ ഇത്തിഹാദിനെക്കാൾ ഒരു പോയിന്റ് മാത്രം വ്യത്യാസത്തിൽ അൽ നാസർ പോയിന്റ് പട്ടികയിൽ രണ്ടാം സ്ഥാനത്താണ്. 22 കളികളിൽ നിന്ന് 52 പോയിന്റാണ് അൽ നാസറിനുള്ളത്. ലീഗിൽ റൊണാൾഡോയ്ക്കും കൂട്ടർക്കും എട്ട് മത്സരങ്ങൾ കൂടി ബാക്കിയുണ്ട്.