വിദേശ സൂപ്പർ താരം ബ്ലാസ്റ്റേഴ്‌സുമായി കരാർ പുതുക്കി ,ആരാധകർ ഏറെ ആഗ്രഹിച്ച കാര്യം

കേരള ബ്ലാസ്റ്റേഴ്‌സ് ആരാധകർക്ക് സന്തോഷ വാർത്ത, ഗ്രീക്ക് ഫോർവേഡ് ഡിമിട്രിയോ ഡയമന്റകോസ് ബ്ലാസ്റ്റേഴ്സിന് വേണ്ടി ഇനിയും ഗോളുകൾ നേടും.കഴിഞ്ഞുപോയ സീസണിൽ തകർപ്പൻ പ്രകടനം നടത്തിയ ദിമിത്രിയോസ് ഡയമന്റികോസിന്റെ കരാർ ഇപ്പോൾ കേരള ബ്ലാസ്റ്റേഴ്സ് പുതുക്കിയിട്ടുണ്ട്. ഒരു വർഷത്തേക്കാണ് അദ്ദേഹം പുതിയ കരാറിൽ ഒപ്പു വെച്ചിട്ടുള്ളത്.

നേരത്തെ കരാർ പുതുക്കിയതായി വാർത്തകൾ ഉണ്ടായിരുന്നുവെങ്കിലും ഇപ്പോഴാണ് കേരള ബ്ലാസ്റ്റേഴ്സ് ഒഫീഷ്യലായിക്കൊണ്ട് പ്രഖ്യാപിച്ചിട്ടുള്ളത്.എല്ലാ വർഷവും പ്രധാനപ്പെട്ട വിദേശ താരങ്ങളെ നഷ്ടപ്പെടുന്നതിൽ മഞ്ഞപ്പടയുടെ ആരാധകർ നിരന്തരം അതൃപ്തി പ്രകടിപ്പിച്ചിരുന്നു. എന്നാൽ കഴിഞ്ഞ വർഷം അഡ്രിയാൻ ലൂണയ്ക്കും മാർക്കോ ലെസ്‌കോവിച്ചിനുമായി മൾട്ടി-ഇയർ കരാറുകൾ നീട്ടുന്നതിൽ ബ്ലാസ്റ്റേഴ്‌സ് വിജയിച്ചിരുന്നു.

കഴിഞ്ഞ സീസണിൽ അൽവാരോ വാസ്‌ക്വസിനേയും ജോർജ് ഡയസിനെയും നഷ്ടമായെങ്കിലും ഡിമിട്രിയോസിന്റെ സേവനം നിലനിർത്താൻ ബ്ലാസ്റ്റേഴ്‌സിന് ഇപ്പോൾ കഴിഞ്ഞു. തനിക്ക് നേരെ ഉയർന്ന സംശയങ്ങൾ തെറ്റാണെന്ന് തെളിയിച്ചുകൊണ്ട് ഇന്ത്യയിലെ അരങ്ങേറ്റ വർഷത്തിൽ തന്നെ മികച്ച പ്രകടനം നടത്തുകയും ചെയ്തു.ഇന്ത്യൻ സൂപ്പർ ലീഗിൽ 20 മത്സരങ്ങളിൽ നിന്ന് 10 ഗോളുകളും മൂന്ന് അസിസ്റ്റുകളും നേടിയ അദ്ദേഹം ഈ ക്യാമ്പയിനിൽ കേരള ബ്ലാസ്റ്റേഴ്സിന്റെ ടോപ് സ്കോററായിരുന്നു.

ബ്ലാസ്റ്റേഴ്സിന് വേണ്ടി ഏറ്റവും കൂടുതൽ ഗോളുകളും ഏറ്റവും കൂടുതൽ ഗോൾ പങ്കാളിത്തകളും നേടിയ താരം ഈ ഗ്രീക്ക് സൂപ്പർ താരം തന്നെയാണ്.കഴിഞ്ഞ സീസണിൽ ബ്ലാസ്റ്റേഴ്‌സ് വിജയങ്ങളിൽ നിർണായക പങ്കു വഹിച്ച ഡയസിന്റെയു വസ്ക്വസിന്റെ അഭാവം നികത്തുന്ന പ്രകടനമാണ് ഗ്രീക്ക് താരം ഈ സീസണിൽ പുറത്തെടുത്തത് . തന്റെ വേഗതയും, ശാരീരിക ക്ഷമതയും കൊണ്ട് എതിര്‍ ഡിഫെന്‍സിനെ തകര്‍ത്തെറിയാന്‍ ഗ്രീക്ക് സ്‌ട്രൈക്കര്‍ക്ക് അനായാസം കഴിയുന്നുണ്ട്.