ഇനി കളി മാറും ! കാർലോ ആൻസെലോട്ടിക്കൊപ്പം ബ്രസീലിനെ കളി പഠിപ്പിക്കാൻ ഇതിഹാസ താരം കക്കയും |kaka

2024-ലെ കോപ്പ അമേരിക്കയിൽ കാർലോ ആൻസലോട്ടി ബ്രസീലിന്റെ കടിഞ്ഞാൺ ഏറ്റെടുക്കുമെന്ന് ബ്രസീലിയൻ ഫുട്ബോൾ ഫെഡറേഷൻ പ്രസിഡന്റ് എഡ്നാൾഡോ റോഡ്രിഗസ് ബുധനാഴ്ച പ്രഖ്യാപിചിരുന്നു.

2022-ൽ ഖത്തറിൽ നടന്ന ഫിഫ ലോകകപ്പിൽ ക്രൊയേഷ്യയോട് ക്വാർട്ടർ തോൽവിക്ക് ശേഷം സ്ഥാനം വിട്ട ടിറ്റെയ്ക്ക് പകരക്കാരനായി 64 കാരനായ ആൻസലോട്ടി തന്റെ പരിശീലക ജീവിതത്തിൽ ആദ്യമായി ഒരു ദേശീയ ടീമിന്റെ ചുമതല വഹിക്കും.ടീമിന്റെ ഇടക്കാല പരിശീലകനായി ഫ്ലുമിനെൻസ് ഹെഡ് കോച്ച് ഡിനിസ് ചുമതലയേൽക്കും. ടീമിന്റെ ഇടക്കാല പരിശീലകനായി ഈ വർഷമാദ്യം മൂന്ന് സൗഹൃദ മത്സരങ്ങളിൽ രണ്ടിലും തോറ്റ ബ്രസീലിന്റെ അണ്ടർ 20 മാനേജർ റാമോൺ മെനെസെസിനെ മാറ്റിയാണ് ഡിനിസിനെ ചുമതലയേൽപ്പിച്ചത്.

ലാ ഗസറ്റ ഡെല്ലോ സ്‌പോർട്ടിന്റെ റിപ്പോർട്ട് അനുസരിച്ച് ആൻസെലോട്ടിയുടെ ടെക്‌നിക്കൽ സ്റ്റാഫിൽ അംഗമായി ബ്രസീൽ ഇതിഹാസം കാക്കയും ചേരും.മുൻ ബാലൺ ഡി ഓർ ജേതാവ് കാക്കയുമായും കഫുവുമായും ആൻസലോട്ടി വരുന്നതിനെക്കുറിച്ചുള്ള റോഡ്രിഗസ് ചർച്ച നടത്തിയിരുന്നു.എസി മിലാനിൽ ഒരുമിച്ച് ചെലവഴിച്ച സുവർണ്ണ വർഷങ്ങളുടെ ഓർമ്മകൾ പുനരുജ്ജീവിപ്പിക്കാൻ കാക്കയും ആൻസലോട്ടിയും തമ്മിലുള്ള സഹകരണത്തിന് കഴിയും.

ആൻസലോട്ടിയുടെ കീഴിൽ കക്ക ക്ലബിനായി തന്റെ 270 മത്സരങ്ങളിൽ നിന്ന് 95 ഗോളുകൾ നേടി, ഒരു സ്കുഡെറ്റോയും ഒരു ചാമ്പ്യൻസ് ലീഗും ഉൾപ്പെടെ അഞ്ച് പ്രധാന കിരീടങ്ങൾ നേടി.2024 ജൂൺ വരെ എസ്‌റ്റാഡിയോ ബെർണബ്യൂവിൽ ആൻസലോട്ടി കരാറിലായതിനാൽ സ്പാനിഷ് തലസ്ഥാനത്ത് കരാർ അവസാനിച്ചതിന് ശേഷം ആൻസെലോട്ടി ബ്രസീലിയൻ ദേശീയ ടീമിൽ ചേരും.