നെയ്മർ ജൂനിയറിനെ റാഞ്ചാൻ ഒരുങ്ങി പ്രീമിയർ ലീഗ് വമ്പന്മാർ ശക്തമായി രംഗത്ത് |Neymar

ബ്രസീൽ സൂപ്പർ താരം നെയ്മർ നിലവിൽ ഫ്രഞ്ച് ക്ലബായ പി എസ് ജി യിലാണ് കളിക്കുന്നത്. എന്നാൽ താരം അടുത്ത സീസണിൽ പാരിസിൽ ഉണ്ടാകുമോ എന്നുള്ള കാര്യവും സംശയമാണ്. കഴിഞ്ഞ സീസണിൽ പി എസ് ജി ആരാധകർ നടത്തിയ പ്രതിഷേധം താരത്തെ മനംമടിപ്പിച്ചിട്ടുണ്ട്.

കഴിഞ്ഞ സീസണിൽ ക്ലബ്ബിന്റെ മോശം ഫോമിൽ നെയ്മറുടെ വീടിനു മുന്നിൽ പി എസ് ജി ആരാധകർ പ്രതിഷേധവും തെറിവിളികളും നടത്തിയിരുന്നു. ഇതിനു പിന്നാലെ താരത്തിന് പി എസ് ജി മടുത്തു എന്ന റിപ്പോർട്ടുകളും പുറത്തുവന്നിരുന്നു. പി എസ് ജിയും താരത്തെ വിൽക്കാനുള്ള ശ്രമത്തിലാണ്. നേരത്തെ താഴത്തെ വിൽക്കാൻ പി എസ് ജി ശ്രമങ്ങൾ നടത്തിയിരുന്നുവെങ്കിലും അന്നൊന്നും ആ നീക്കം വിജയിച്ചിരുന്നില്ല.

എന്നാൽ ഇപ്പോൾ നെയ്മർക്ക് വേണ്ടി നീക്കങ്ങൾ ശക്തമാക്കുകയാണ് പ്രീമിയർ ലീഗ് ക്ലബ്ബായ ചെൽസി. നേരത്തെയും ചെൽസി നെയ്മർക്ക് വേണ്ടി ശ്രമങ്ങൾ നടത്തിയിരുന്നു. എന്നാൽ അന്ന് നെയ്മർക്ക് പി എസ് ജി വിടാൻ താല്പര്യം ഉണ്ടായിരുന്നില്ല. എന്നാൽ പി എസ് ജി യിലെ നിലവിലെ പ്രശ്നങ്ങൾ പരിഗണിച്ച് നെയ്മർ ചെൽസിയിലേക്ക് കൂടുമാറാനുള്ള സാധ്യതകളുമുണ്ട്. ഈ സാധ്യതകളാണ് ഇപ്പോൾ ചെൽസി മുതലെടുക്കാൻ ശ്രമിക്കുന്നത്. ചെൽസിയുടെ പുതിയ പരിശീലകൻ താരത്തെ ക്ലബ്ബിലെത്തിക്കാൻ ആഗ്രഹമുണ്ട്. എന്നാൽ ചാമ്പ്യൻസ് ലീഗ് യോഗ്യതയില്ലാത്തത് ഈ നീക്കത്തെ വിഫലമാക്കിയേക്കും. പക്ഷേ ഉയർന്ന വേതനവും ആനുകൂല്യങ്ങളും നൽകി നെയ്മറുടെ മനസ്സ് മാറ്റാനാണ് ചെൽസിയുടെ ശ്രമങ്ങൾ.

നെയ്മർക്ക് പിന്നാലെ അർജന്റീന താരം ഡിബാലയെയും സ്വന്തമാക്കാൻ ചെൽസി നീക്കങ്ങൾ നടത്തുന്നുണ്ട്. കഴിഞ്ഞ സീസണിൽ സമീപകാലത്ത് ഏറ്റവും മോശം പ്രകടനം കാഴ്ചവെച്ച ചെൽസിക്ക് ഈ സീസണിൽ ഒരു തിരിച്ചുവരവ് അത്യാവശ്യമാണ്.