അർജന്റീന താരം ഡിമരിയയെ കുറിച്ച് ചോദിച്ചപ്പോൾ ക്രിസ്റ്റ്യാനോ റൊണാൾഡോ പറഞ്ഞ മറുപടി|Cristiano Ronaldo

അർജന്റീനയുടെ ഫിഫ വേൾഡ് കപ്പ്‌ ചാമ്പ്യനായ ഡി മരിയ തന്റെ പുതിയ തട്ടകമായി പോർച്ചുഗീസ് ക്ലബ്ബ് ബെൻഫികയെ തിരഞ്ഞെടുത്തതിനെ കുറിച്ച് ക്രിസ്റ്റ്യാനോ റൊണാൾഡോയുടെ അഭിപ്രായം എന്താണെന്ന് അറിയാൻ മാധ്യമപ്രവർത്തകൻ ചോദ്യം ചോദിച്ചപ്പോൾ വ്യക്തമായ മറുപടി നൽകി സൂപ്പർ താരം ക്രിസ്റ്റ്യാനോ റൊണാൾഡോ.

കഴിഞ്ഞ ദിവസം പോർച്ചുഗലിൽ വെച്ച് നടന്ന അൽ നസ്റിന്റെ മത്സരശേഷം ക്രിസ്റ്റ്യാനോ റൊണാൾഡോയോട് തന്റെ മുൻ സഹതാരമായ ഡി മരിയ പോർച്ചുഗീസ് ക്ലബ്ബായ ബെൻഫികയിൽ സൈൻ ചെയ്തതിനെ കുറിച്ച് ചോദിച്ചപ്പോൾ തനിക്കു പ്രത്യേകിച്ച് ഒന്നും പറയാനില്ല എന്നായിരുന്നു ക്രിസ്റ്റ്യാനോ റൊണാൾഡോയുടെ മറുപടി.

“ഡി മരിയ ബെൻഫിക്കയിലേക്ക്? അതിനെക്കുറിച്ച് ഞാൻ അഭിപ്രായം പറയുന്നില്ല. സ്‌പോർടിങ്ങ് ലിസബനെ കുറിച്ച് നിങ്ങൾ എന്നോട് ഒരു ചോദ്യം ചോദിച്ചാൽ ഞാൻ നിങ്ങൾക്ക് ഉത്തരം നൽകും, പക്ഷേ ഇക്കാര്യത്തിൽ ഞാൻ അഭിപ്രായം പറയുന്നില്ല. ഇവിടെ പോർച്ചുഗലിൽ കളിക്കാൻ വരുന്ന താരങ്ങളെല്ലാം വളരെയധികം സന്തോഷത്തിലാണ്. പ്രത്യേകിച്ച് അറബ് താരങ്ങൾ, അവർക്ക് വളരെ വിത്യസ്തമായ മികച്ച അന്തരീക്ഷം ഇവിടെ ലഭിക്കുന്നുണ്ട്.” – ക്രിസ്റ്റ്യാനോ റൊണാൾഡോ പറഞ്ഞു.

പോർച്ചുഗലിലെ സ്പോർട്ടിങ് ലിസ്ബൻ ക്ലബിലൂടെ തന്റെ കൗമാരം വളർത്തിയെടുത്ത ക്രിസ്റ്റ്യാനോ റൊണാൾഡോയെ പോർച്ചുഗീസ് ക്ലബ്ബിൽ നിന്നാണ് സർ അലക്സ്‌ ഫെർഗൂസൻ തന്റെ ടീമിലേക്ക് വിളിക്കുന്നത്. മാഞ്ചസ്റ്റർ യുണൈറ്റഡിന് വേണ്ടി അന്ന് അരങ്ങേറ്റം കളിച്ചുതുടങ്ങിയ ക്രിസ്റ്റ്യാനോ റൊണാൾഡോ പിന്നീട് ലോകം കീഴടക്കുന്നതിന് നാം സാക്ഷ്യം വഹിച്ചു.