സൗദിയിലേക്ക് താരങ്ങൾ പോവാനുള്ള കാരണം റൊണാൾഡോയല്ല; ബെൻസീമയാണ്; തുറന്നടിച്ച് പരിശീലകൻ
ഇന്ന് ലോകഫുട്ബോളിന്റെ ശ്രദ്ധാ കേന്ദ്രമായി മാറിയിരിക്കുകയാണ് സൗദി അറേബ്യ. ഈ വർഷം തുടക്കത്തിൽ സൂപ്പർ താരം ക്രിസ്റ്റ്യാനോ റൊണാൾഡോയെ ടീമിലെത്തിച്ച് ഞെട്ടിച്ച അൽ നസ്റിലൂടെയാണ് സൗദി ലോകശ്രദ്ധ നേടുന്നത്. ശേഷം ഈ ട്രാൻസ്ഫർ വിൻഡോയിൽ ഒരു പിടി മികച്ച തരങ്ങളെയും സൗദി ക്ലബ്ബുകൾ സ്വന്തമാക്കി.
എന്നാൽ ഇപ്പോൾ സൗദിയിലേക്ക് താരങ്ങൾ ഒഴുകാനുള്ള കാരണം ക്രിസ്റ്റ്യാനോ റൊണാൾഡോയല്ല എന്ന് വ്യക്തമാക്കിയിരിക്കുകയാണ് ജർമ്മൻ ക്ലബ്ബ് മെയിൻസിന്റെ പരിശീലകനായ ബോ സ്വൻസൺ. കരീം ബെൻസിമ കാരണമാണ് യൂറോപ്പിൽ നിന്ന് നിരവധി താരങ്ങൾ സൗദി പ്രൊ ലീഗിലേക്ക് എത്തിയതെന്നാണ് സ്വൻസന്റെ അഭിപ്രായം.
നിലവിലെ ബാലൻഡിയോർ ജേതാവായ ബെൻസിമ റയൽ മാഡ്രിഡിൽ തുടരാനുള്ള ഓഫർ നിരസിച്ചാണ് സൗദി ക്ലബ്ബായ അൽ ഇതിഹാദിൽ ചേരുന്നത്. 14 വർഷക്കാലം റയൽ മാഡ്രിഡിനായി കളിച്ച ബെൻസിമ അവർക്കായി 439 മത്സരങ്ങളിലും കളിച്ചിട്ടുണ്ട്. റയൽ മാഡ്രിഡിൽ ഒരു വർഷം കൂടി തുടരാനുള്ള ഓഫർ നിരസിച്ചാണ് ബെൻസിമ അൽ ഇത്തിഹാദിലെത്തുന്നത്. ഇതിനോടകം തന്നെ തന്റെ സൗദി അരങ്ങേറ്റം ഗംഭീരമാക്കിയിരിക്കുകയാണ് ബെൻസീമ.
Mainz head coach Bo Svensson believes that Karim Benzema's decisive transfer to Al-Ittihad was the catalyst for other big name players moving to the Saudi Pro League, not Cristiano Ronaldo.https://t.co/DzzrTdeZ1w
— Get German Football News (@GGFN_) July 31, 2023