കിരീടപോരാട്ടത്തിൽ വീര്യം ചോരാതെ യൂറോപ്പിലെ വമ്പൻമാർ ഫൈനലിൽ ഇന്ന് നേർക്കുനേർ

യൂറോപ്പ്യൻ ഫുട്ബോളിലെ പ്രധാന ലീഗായ ഇംഗ്ലീഷ് പ്രീമിയർ ലീഗിലെ കരുത്തരായ രണ്ട് ടീമുകൾ തമ്മിൽ ഏറ്റുമുട്ടുന്ന കമ്മ്യൂണിറ്റി ഷീൽഡിന്റെ ഫൈനൽ മത്സരം ഇന്ന് ഇംഗ്ലണ്ടിലെ വെമ്ബ്ലി സ്റ്റേഡിയത്തിൽ വച്ച് അരങ്ങേറാൻ ഒരുങ്ങുകയാണ്, പ്രീമിയർ ലീഗിന്റെ നിലവിലെ ആദ്യ രണ്ടു സ്ഥാനക്കാരായ മാഞ്ചസ്റ്റർ സിറ്റിയും ആഴ്‌സനലും തമ്മിലാണ് ഫൈനലിൽ ഏറ്റുമുട്ടുന്നത്.

ഇന്ത്യൻ സമയം ഇന്ന് രാത്രി 8:30ന് നടക്കുന്ന മത്സരത്തിൽ പുതിയ കിരീടം നേടി പുതിയ സീസണിന് വേണ്ടി ഒരുങ്ങാൻ ലക്ഷ്യം വെച്ചുകൊണ്ടാണ് പെപ് ഗാർഡിയോളയുടെയും മൈക്കൽ ആർടേറ്റയുടെയും സംഘം കളത്തിലിറങ്ങുന്നത്. നിലവിലെ ട്രെബിൾ ചാമ്പ്യൻസായ മാഞ്ചസ്റ്റർ സിറ്റി അതിന്റെ തലയെടുപ്പോട് കൂടിയാണ് ഫൈനലിനെ സമീപിക്കുന്നത്.

അതേസമയം കഴിഞ്ഞ സീസണിൽ നടന്ന കമ്മ്യൂണിറ്റി ഷീൽഡിന്റെ ഫൈനൽ മത്സരത്തിൽ ലിവർപൂളിനോട് ഒന്നിനെതിരെ മൂന്നു ഗോളുകൾക്ക് പരാജയപ്പെട്ട മാഞ്ചസ്റ്റർ സിറ്റി ഇത്തവണ കിരീടമാണ് ലക്ഷ്യമിടുന്നത്. കരുത്തരായ ടീമുമായാണ് മാഞ്ചസ്റ്റർ സിറ്റി വരുന്നതെങ്കിൽ ഒട്ടും മോശമാക്കാതെയാണ് ആഴ്‌സനലും കരുത്തുറ്റ പോരാട്ടവീര്യവുമായി കളത്തിലേക്ക് വരുന്നത്.

ഇരു ടീമുകളും തമ്മിൽ അവസാനമായി ഏറ്റുമുട്ടിയ അഞ്ച് മത്സരങ്ങളിൽ അഞ്ചിലും വിജയം ആവർത്തിച്ചത് മാഞ്ചസ്റ്റർ സിറ്റിയാണ്. എങ്കിലും ഫൈനൽ മത്സരത്തിലേക്ക് വരുമ്പോൾ മാഞ്ചസ്റ്റർ സിറ്റിയെ നിസ്സാരമായി തോൽപ്പിക്കാനുള്ള ശക്തിയും കരുത്തുമെല്ലാം ആഴ്‌സനലിനുണ്ട്. ഇന്നത്തെ മത്സരം കാണാനുള്ള ലൈവ് ലിങ്ക് ഗോൾ മലയാളം ടെലിഗ്രാം ചാനലിൽ കൊടുത്തിട്ടുണ്ട്.