സൗദി പ്രോ ലീഗിലേക്ക് മാറുന്നതിന് പിന്നിലെ കാരണങ്ങൾ വെളിപ്പെടുത്തി അൽ നാസർ താരം സാദിയോ മാനെ|Sadio Mane 

മുൻ ലിവർപൂൾ ടീമംഗങ്ങൾ സൗദി പ്രോ ലീഗിൽ ചേരാൻ തന്നെ പ്രോത്സാഹിപ്പിച്ചതായി പുതിയ അൽ നാസർ താരം സാദിയോ മാനെ വെളിപ്പെടുത്തി. എന്നാൽ താൻ സൗദി അറേബ്യയിലേക്ക് മാറാനുള്ള പ്രധാന കാരണം അമ്മയാണെന്നും സെനഗൽ താരം പറഞ്ഞു.ബയേൺ മ്യൂണിക്കിൽ നിന്ന് അൽ നാസറിലേക്ക് ചേക്കേറിയ മുൻ ലിവർപൂൾ സ്‌ട്രൈക്കർ സൗദി അറേബ്യയിലേക്കുള്ള തന്റെ നീക്കത്തിന് പിന്നിലെ കാരണങ്ങളെക്കുറിച്ച് ആദ്യമായി സംസാരിച്ചു.

ജിദ്ദയിൽ നടന്ന ഔദ്യോഗിക സൗദി പ്രോ ലീഗ് ലോഞ്ച് ഇവന്റിൽ സെനഗൽ സ്‌ട്രൈക്കർ പഴയ ലിവർപൂൾ ടീമംഗം ജോർദാൻ ഹെൻഡേഴ്‌സണുമായി നേരിൽ കണ്ടിരുന്നു.ലിവർപൂൾ ഇതിഹാസം സ്റ്റീവൻ ജെറാർഡ് ഹെൻഡേഴ്സൻ കളിക്കുന്ന അൽ ഇത്തിഫാക്കിന്റെ പരിശീലകനായി തിരഞ്ഞെടുത്തു, മാനെയുടെ മുൻ സ്‌ട്രൈക്ക് പങ്കാളി റോബർട്ടോ ഫിർമിനോ അൽ അഹ്‌ലിക്ക് വേണ്ടിയും മിഡ്‌ഫീൽഡർ ഫാബീഞ്ഞോ ചാമ്പ്യൻമാരായ അൽ ഇത്തിഹാദിനു വേണ്ടിയും ഒപ്പുവച്ചു.

ഫിർമിനോയും ഫാബീഞ്ഞോയും തങ്ങളുടെ പുതിയ ക്ലബ്ബുകളിൽ ചേരാൻ തന്നെ പ്രോത്സാഹിപ്പിച്ചതെങ്ങനെയെന്ന് മാനെ പറഞ്ഞു.“അതേ സമയം ഞാൻ ഫാബിഞ്ഞോയുമായി സംസാരിച്ചു, കാരണം അവൻ എന്നോട് വളരെ അടുത്തയാളായിരുന്നു, മാത്രമല്ല ഞാൻ അൽ ഇത്തിഹാദിലേക്ക് വരണമെന്ന് അവനും ആഗ്രഹിച്ചിരുന്നു, എന്നാൽ ആ സമയത്ത് ഞാൻ അൽ നാസറിനെ തിരഞ്ഞെടുത്തു” മാനെ പറഞ്ഞു.

“എനിക്ക് അവസരം ലഭിച്ചതിനാൽ ഞാൻ എന്റെ കുടുംബത്തോട് സംസാരിച്ചു, അവർ തീർച്ചയായും സന്തോഷിച്ചു, കാരണം ഇതൊരു മുസ്ലീം രാജ്യമാണ്. പോകാൻ അമ്മ എന്നെ പ്രത്യേകം പ്രോത്സാഹിപ്പിച്ചു.ഞാൻ ഇവിടെ വരാൻ എന്റെ കുടുംബം മുഴുവൻ ആവേശത്തിലായിരുന്നു, അതിനാൽ ഇത് ബുദ്ധിമുട്ടുള്ള കാര്യമല്ല – ഇത് എന്റെ വിശ്വാസത്തിന് പ്രധാനമാണ്. ഈ പ്രോജക്റ്റിന്റെ ഭാഗമാകുന്നതിൽ ഞാൻ സന്തുഷ്ടനാണ്” മാനെ പറഞ്ഞു.റൊണാൾഡോയുമായുള്ള ആക്രമണ കൂട്ടുകെട്ടിന്റെ പ്രതീക്ഷയും മാനെയുടെ തീരുമാനത്തിൽ വലിയ പങ്കുവഹിച്ചു.2023/24 സൗദി പ്രോ ലീഗ് സീസൺ ആഗസ്റ്റ് 11 വെള്ളിയാഴ്ച ജിദ്ദയിൽ ആരംഭിക്കും.