വിശ്രമമില്ല ,ഇന്റർ മായാമിയുടെ അടുത്ത മത്സരത്തിലും ലയണൽ മെസ്സി കളിക്കും |Lionel Messi

ഇന്റർ മയാമിക്ക് വേണ്ടി സൂപ്പർ താരം ലയണൽ മെസ്സി കഴിഞ്ഞ ഒരു മാസത്തിനിടയിൽ ഏഴു മത്സരങ്ങൾ തുടർച്ചായി കളിച്ചത്. ആ ഏഴു മത്സരങ്ങളിൽ മയാമി വിജയിക്കുകയും എല്ലാ മത്സരത്തിലും മെസ്സി ഗോൾ നേടുകയും ചെയ്തിരുന്നു.മയാമിക്ക് ചരിത്രത്തിലെ ആദ്യ കിരീടം നേടികൊടുക്കാനും മെസ്സിക്ക് സാധിച്ചിരുന്നു.

ടൂർണമെന്റിലെ ടോപ് സ്കോററും മികച്ച കളിക്കാരനും മെസ്സി തന്നെയായിരുന്നു. തുടർച്ചയായ മത്സരങ്ങൾ കളിക്കുന്നതിനിടയിൽ മെസ്സിക്ക് വിശ്രമം അനുവദിക്കണമെന്ന ആവശ്യം പലരും ഉന്നയിച്ചിരുന്നു.ബുധനാഴ്ച എഫ്‌സി സിൻസിനാറ്റിക്കെതിരായ ഇന്റർ മിയാമിയുടെ യുഎസ് ഓപ്പൺ കപ്പ് സെമിഫൈനലിൽ ലയണൽ മെസ്സി ആരംഭിക്കുമെന്ന് മിയാമി ഹെഡ് കോച്ച് ടാറ്റ മാർട്ടിനോ തിങ്കളാഴ്ച മാധ്യമപ്രവർത്തകരോട് പറഞ്ഞു.

“ചില സമയങ്ങളിൽ മെസ്സി വിശ്രമിക്കാൻ ആഗ്രഹിച്ചേക്കാം.മൂന്നോ നാലോ ദിവസം കൂടുമ്പോൾ കളിക്കുമ്പോൾ വിശ്രമം ആവശ്യമാണ് എന്നാൽ ബുധനാഴ്ച ആ ദിവസമാകില്ലെന്ന് വ്യക്തമാണ്. മെസ്സിക്ക് കളിക്കാൻ എത്രമാത്രം ഇഷ്ടപ്പെടുന്നുവെന്ന് എല്ലാവർക്കുമറിയാം.എന്നോട് എന്തെങ്കിലും പറയുന്നതുവരെ മെസ്സി മൈതാനത്ത് തന്നെ തുടരും” പരിശീലകൻ മാർട്ടിനോ പറഞ്ഞു.മേജർ ലീഗ് സോക്കറിൽ അടുത്ത ശനിയാഴ്ച ന്യൂയോർക്ക് റെഡ് ബുൾസുമായി ഇന്റർ മിയാമിയ്ക്ക് മത്സരമുണ്ടെങ്കിലും മെസ്സി ആ മത്സരത്തിൽ ഇന്റർ മിയാമിയ്ക്ക് വേണ്ടി അരങ്ങേറ്റം നടത്താനുള്ള സാധ്യതകൾ കുറവാണ്. മിയാമി പരിശീലകൻ ടാറ്റാ മാർട്ടിനോ തന്നെയാണ് ഇക്കാര്യവുമായി ബന്ധപ്പെട്ട സൂചനകൾ നൽകിയിരിക്കുന്നത്.

തുടർന്ന് അടുത്ത ബുധനാഴ്ച മിയാമിയിലേക്ക് നാഷ്‌വില്ലെക്കെതിരെ നടക്കുന്ന മത്സരത്തിലാവും മെസ്സിയുടെ എംഎസ്എസ് അരങ്ങേറ്റം.യുണൈറ്റഡ് സ്റ്റേറ്റ്സിലെ ഏറ്റവും പഴക്കമുള്ള ഫുട്ബോൾ മത്സരമാണ് ഓപ്പൺ കപ്പ്. 1914 മുതൽ തുടർച്ചയായി കളിക്കുന്ന ഒന്നാണിത്.നോക്കൗട്ട് ടൂർണമെന്റിൽ രാജ്യത്തെമ്പാടുമുള്ള അമേച്വർ, പ്രൊഫഷണൽ ടീമുകളെ പരസ്പരം മത്സരിപ്പിക്കുന്നു.