എഎഫ്‌സി ചാമ്പ്യൻസ് ലീഗിൽ നെയ്മർ അൽ ഹിലാലിനായി മുംബൈയിൽ തന്നെ കളിക്കും |Neymar

നെയ്മറുടെ അൽ-ഹിലാലിനെതിരായ മുംബൈ സിറ്റി എഫ്‌സിയുടെ എഎഫ്‌സി ചാമ്പ്യൻസ് ലീഗ് ഗ്രൂപ്പ്-സ്റ്റേജ് ഹോം ഏറ്റുമുട്ടൽ പൂനെയിൽ നിന്ന് നവി മുംബൈയിലെ ഡി വൈ പാട്ടീൽ സ്റ്റേഡിയത്തിലേക്ക് മാറ്റി. നവംബർ ആറിനാണ് മത്സരം നടക്കുക.സുരക്ഷാ കാരണങ്ങളും ടിക്കറ്റിന്റെ വൻ ആവശ്യവുമാണ് മാറ്റത്തിന് കാരണമായി പറയുന്നത്.

മുംബൈ സിറ്റി എഫ്‌സിയുടെ ഹോം സ്‌റ്റേഡിയമായ അന്ധേരി സ്‌പോർട്‌സ് കോംപ്ലക്‌സിൽ നിന്ന് പൂനെയിലെ ബാലെവാഡി സ്‌പോർട്‌സ് കോംപ്ലക്‌സിലേക്ക് വേദി നേരത്തെ മാറ്റിയിരുന്നു.2023/24 എഎഫ്‌സി ചാമ്പ്യൻസ് ലീഗിന്റെ ഗ്രൂപ്പ് ഡിയിൽ സൗദി അറേബ്യൻ ടീമായ അൽ-ഹിലാൽ, ഇറാന്റെ എഫ്‌സി നസാജി മസന്ദരൻ, ഉസ്‌ബെക്കിസ്ഥാന്റെ നവബഹോർ എന്നിവർക്കൊപ്പം മുംബൈ സിറ്റി എഫ്‌സി ഇടം പിടിച്ചത്.സെപ്തംബർ 18 ന് നസ്സാജി മസന്ദരനെതിരെ 0-2 തോൽവിയോടെയാണ് മുംബൈ സിറ്റി തങ്ങളുടെ എഎഫ്‌സി ചാമ്പ്യൻസ് ലീഗ് കാമ്പെയ്‌ൻ ആരംഭിച്ചത്.

കഴിഞ്ഞ സീസണിൽ എഎഫ്‌സി ചാമ്പ്യൻസ് ലീഗ് ഫൈനലിൽ ജപ്പാന്റെ ഉറവ റെഡ് ഡയമണ്ട്‌സിനോട് സൗദി അറേബ്യയുടെ അൽ-ഹിലാൽ പരാജയപ്പെട്ടു. എന്നാൽ ഈ സീസണിൽ കിരീടം നേടാം എന്നുറച്ചാണ് അൽ ഹിലാൽ ഇറങ്ങുന്നത്.പ്രത്യേകിച്ച് പാരീസ് സെന്റ് ജെർമെയ്‌നിൽ നിന്നുള്ള ബ്രസീലിയൻ സൂപ്പർ താരം നെയ്മർ കൂടി ടീമിൽ ചേർന്നതോടെ.നാല് തവണ എഎഫ്‌സി ചാമ്പ്യൻസ് ലീഗ് ചാമ്പ്യൻമാരായ അൽ-ഹിലാൽ നാപ്പോളിയുടെ സെർബിയൻ മിഡ്ഫീൽഡർ സെർജി മിലിങ്കോവിച്ച്-സാവിച് ഇംഗ്ലീഷ് പ്രീമിയർ ലീഗിൽ നിന്ന് വോൾവർഹാംപ്ടൺ വാണ്ടറേഴ്സിന്റെ പോർച്ചുഗീസ് മിഡ്ഫീൽഡ് ഡൈനാമോ റൂബൻ വ്സ് എന്നിവരെയും സൈൻ ചെയ്തിട്ടുണ്ട്.

എഎഫ്‌സി ചാമ്പ്യൻസ് ലീഗിന്റെ 21-ാം പതിപ്പിന്റെ ഗ്രൂപ്പ് ഘട്ടങ്ങൾ 40 ടീമുകളെ 10 ഗ്രൂപ്പുകളായി തിരിച്ചിരിക്കുന്നു.ഓരോ ഗ്രൂപ്പിലെയും മുൻനിര ടീമുകളും ഓരോ സോണിൽ നിന്നുമുള്ള മികച്ച രണ്ടാം സ്ഥാനക്കാരായ മൂന്ന് ടീമുകളും നോക്കൗട്ടിലേക്ക് മുന്നേറും.2023-24 എഎഫ്‌സി ചാമ്പ്യൻസ് ലീഗിന്റെ ഗ്രൂപ്പ് ഘട്ടങ്ങൾ സെപ്റ്റംബർ 18ന് ആരംഭിക്കും.അടുത്ത വർഷം ഫെബ്രുവരിയിൽ ആരംഭിക്കുന്ന നോക്കൗട്ടിൽ ഓരോ ടീമും തങ്ങളുടെ ഗ്രൂപ്പിലെ മറ്റ് മൂന്ന് ടീമുകളുമായി രണ്ട് തവണ മത്സരിക്കും.ഈ വർഷം ആദ്യം ഇന്ത്യൻ സൂപ്പർ ലീഗ് ഷീൽഡ് നേടിയ മുംബൈ സിറ്റി എഫ്‌സി തുടർച്ചയായ രണ്ടാം സീസണിലും എഎഫ്‌സി ചാമ്പ്യൻസ് ലീഗിൽ മത്സരിക്കുന്നത്.