വിമർശിച്ചവർക്ക് കിടിലൻ മറുപടി നൽകി ബ്ലാസ്റ്റേഴ്‌സ് താരത്തിന്റെ മിന്നും പ്രകടനം| Kerala Blasters

സച്ചിൻ സുരേഷ്. ഇത്തവണ ബ്ലാസ്റ്റേഴ്‌സ് നിരയിൽ ഏറ്റവും കൂടുതൽ വിമർശനം നേരിട്ട താരം. ഇക്കഴിഞ്ഞ സൂപ്പർ കപ്പിലും ഡ്യുറണ്ട് കപ്പിലും ബ്ലാസ്റ്റേഴ്‌സിന്റെ വല കാത്തത് സച്ചിനായിരുന്നു. അന്ന് നടത്തിയ മോശം പ്രകടനം തന്നെയാണ് സച്ചിനെതിരെ വിമർശനം ഉയരാനുള്ള പ്രധാന കാരണം.

ഐഎസ്എല്ലിൽ സച്ചിന് പകരം ലാറ ശർമയോ, കരൺജിത്തോ ഗോൾ വല കാക്കുമെന്ന് പ്രതീക്ഷിക്കുമ്പോഴാണ് ആദ്യ മത്സരത്തിൽ വീണ്ടും സച്ചിനെ തന്നെ ബ്ലാസ്റ്റേഴ്‌സ് ഗോൾ വല എൽപ്പിക്കുന്നത്. ഉദ്ഘാടന മത്സരത്തിൽ ആദ്യ ഇലവനിൽ സച്ചിന്റെ പേര് കണ്ടതോടെ ചില ബ്ലാസ്റ്റേഴ്‌സ് ആരാധകരുടെ നെറ്റി ചുളിഞ്ഞു.

എന്നാൽ, തന്റെ പേര് കണ്ടപ്പോൾ നെറ്റി ചുളിച്ചവർക്കും വിമർശനം ഉയർത്തിയവർക്കുനെതിരെ വായടപ്പിക്കുന്ന മറുപടി നൽകിയിരുക്കുകയാണ് സച്ചിൻ സുരേഷ്. ഇന്നലെ ജംഷദ്പൂരിനെതിരെ ബ്ലാസ്റ്റേഴ്‌സ് വിജയം നേടിയപ്പോൾ സച്ചിന്റെ പ്രകടനവും എടുത്ത് പറയേണ്ടതാണ്. അവസാന നിമിഷങ്ങളിൽ ജംഷദ്പൂർ തിരിച്ചടിക്കാനുള്ള ശ്രമങ്ങൾ നടത്തിയപ്പോൾ അതിനെ നേരിടാൻ സച്ചിൻ സുരേഷിനായി. ലൂണ, ഐമൻ, ഡ്രിങ്കിച്ച്, എന്നിവർക്കൊപ്പം ബ്ലാസ്റ്റേഴ്‌സ് നിരയിൽ മികച്ച പ്രകടനം കാഴ്ച വെയ്ക്കാൻ സച്ചിനും സാധിച്ചു.

ഇന്നലെ ഗോൾ കൂടാരത്തിന് മുന്നിൽ മികച്ച പ്രകടനം കാഴ്ച വെച്ച സച്ചിൻ ഐഎസ്എല്ലിൽ തന്റെ ആദ്യ ക്ലീൻ ഷീറ്റ് സ്വന്തമാക്കുകയും ചെയ്തു.അതെ സമയം, ഇന്നലെത്ത വിനയത്തോടെ 6 പോയിന്റുമായി ബ്ലാസ്റ്റേഴ്‌സ് പോയിന്റ് പട്ടികയിൽ രണ്ടാം സ്ഥാനത്തെത്തി. ഇനി ഒക്ടോബർ 8 ന് മുംബൈ സിറ്റിക്കെതിരെയാണ് ബ്ലാസ്റ്റേഴ്‌സിന്റെ അടുത്ത മത്സരം.