‘മെസ്സിയെ എങ്ങനെ തടയണമെന്ന് എനിക്കറിയില്ല, എനിക്ക് ഒരിക്കലും തടയാൻ കഴിയില്ല’ : ഫെഡറിക്കോ വാൽവെർഡെ |Lionel Messi

മറ്റൊരു ഇന്റർനാഷണൽ ബ്രേക്ക് മിന്നിലെത്തിയിരിക്കുകയാണ്. . വരാനിരിക്കുന്ന CONMEBOL FIFA ലോകകപ്പ് യോഗ്യതാ മത്സരങ്ങളിൽ വെള്ളിയാഴ്ച ലാ ബൊംബോനേരയിൽ ഉറുഗ്വേ അർജന്റീനയെ നേരിടും.നിലവിൽ ലാറ്റിനമേരിക്കക്കാരുടെ ലോകകപ്പ് യോഗ്യത റൗണ്ടിൽ കളിച്ച നാല് മത്സരങ്ങളിലും വിജയിച്ച് അർജന്റീന ഒന്നാമതാണ്. . 4 മത്സരങ്ങളിൽ നിന്ന് രണ്ട് വിജയവും ഒരു സമനിലയും തോൽവിയും നേരിട്ട ഉറുഗ്വ പോയിന്റ് പട്ടികയിൽ രണ്ടാമതാണ്.

ഉറുഗ്വായ് ദേശീയ ടീം ക്യാപ്റ്റൻ ഫെഡറിക്കോ വാൽവെർഡെ അർജന്റീനയ്‌ക്കെതിരായ ക്ലാസിക് മത്സരത്തെക്കുറിച്ചും ലയണൽ മെസ്സിയെ തടയുന്നതിനെക്കുറിച്ചും ലൂയിസ് സുവാരസിന്റെ തിരിച്ചുവരവിലെ സന്തോഷത്തെക്കുറിച്ചും സംസാരിച്ചു.ബ്രസീലിനെതിരായ അവസാന യോഗ്യതാ മത്സരത്തിൽ വിജയിച്ചാണ് ഉറുഗ്വേ അര്ജന്റീനയെ നേരിടാനെത്തുന്നത്.

ലയണൽ മെസ്സിയുടെ അർജന്റീനയ്‌ക്കെതിരായ വരാനിരിക്കുന്ന മത്സരത്തെക്കുറിച്ച് ഉറുഗ്വേ മിഡ്ഫീൽഡർ സംസാരിച്ചു. മെസ്സിയുടെ ടീമിനെതിരെ സങ്കീർണ്ണമായ മത്സരമാണ് താൻ പ്രതീക്ഷിക്കുന്നതെന്നും അദ്ദേഹം പറഞ്ഞു.“ഇത് വളരെ ബുദ്ധിമുട്ടുള്ള കാര്യമാണ്, അർജന്റീന ഏതുതരം ടീമാണെന്ന് ഞങ്ങൾക്കറിയാം. അവർക്ക് മെസ്സിയുണ്ട്, അവൻ നേടിയ എല്ലാ കാര്യങ്ങളും ഞങ്ങൾക്കെല്ലാം അറിയാം. അവനോട് ബഹുമാനം വേണം എങ്കിലും, എപ്പോഴും എന്നപോലെ വിനയത്തോടെ പ്രതിരോധിക്കാൻ പോകുന്നു.ബ്രസീലിനെ തോൽപ്പിച്ച് ഞങ്ങൾ ഒന്നും നേടിയിട്ടില്ല, ഞങ്ങൾ ഒരു പ്രധാന മത്സരം വിജയിച്ചു, പക്ഷേ ഞങ്ങൾ ഒന്നും നേടിയില്ല”വാൽവെർഡെ പറഞ്ഞു.

“മെസ്സിയെ എങ്ങനെ തടയണമെന്ന് എനിക്കറിയില്ല, എനിക്ക് ഒരിക്കലും മെസ്സിയെ തടയാൻ കഴിയില്ല. ബാഴ്‌സലോണയിൽ കളിക്കുമ്പോൾ ഞാൻ മെസ്സിലേക്കെതിരെ കളിച്ചിട്ടുണ്ട്.നിങ്ങൾ അദ്ദേഹത്തെ ബഹുമാനിക്കണം, കാരണം അവൻ ലോകത്തിലെ ഏറ്റവും മികച്ചവരിൽ ഒരാളാണ്, ”വാൽവെർഡെ പറഞ്ഞു.മുൻ ബാഴ്‌സലോണ സ്‌ട്രൈക്കർ ലൂയിസ് സുവാരസിനെ അടുത്ത രണ്ട് യോഗ്യതാ മത്സരങ്ങൾക്കുള്ള ഉറുഗ്വായ് ടീമിലേക്ക് വിളിച്ചു. സുവാരസ് ടീമിനൊപ്പം ഉണ്ടാകുന്നത് തനിക്ക് ഇഷ്ടമാണെന്ന് വാൽവെർഡെ പറഞ്ഞു.