‘തങ്ങളുടെ വംശജരായ കളിക്കാരെ അവരുടെ രാജ്യത്തെ പ്രതിനിധീകരിക്കാൻ അനുവദിക്കാത്ത മറ്റേതെങ്കിലും രാജ്യമുണ്ടോ എന്ന് എനിക്ക് അറിയില്ല’ : ഇഗോർ സ്റ്റിമാക് | Igor Stimac

ഏഷ്യൻ കപ്പിലെ നിർണായകമായ അവസാന ഗ്രൂപ്പ് മത്സരത്തിൽ ഇന്ത്യ ഇന്ന് സിറിയയെ നേരിടും. കഴിഞ്ഞ രണ്ടു മത്സരങ്ങളിൽ ഓസ്‌ട്രേലിയയോടും ഉസ്ബെകിസ്താനോടും തോൽവി വഴങ്ങിയ ഇന്ത്യക്ക് ഇന്നത്തെ മത്സരത്തിൽ വിജയം അനിവാര്യമാണ്.കഴിഞ്ഞ മത്സരത്തില്‍ പുറത്തിരുന്ന മലയാളി താരം സഹല്‍ അബ്ദുള്‍ സമദിന് ടീം ഇന്ത്യ സ്റ്റാര്‍ട്ടിംഗ് ഇലവനില്‍ അവസരം നല്‍കിയേക്കും. അൽ ബൈത്ത് സ്റ്റേഡിയത്തിൽ വൈകിട്ട് അഞ്ചു മണിക്കാണ് മത്സരം ആരംഭിക്കുന്നത്.

മത്സരത്തിന് മുന്നോടിയായി സംസാരിച്ച പരിശീലകൻ ഇഗോർ സ്ടിമാക്ക് ഇന്ത്യൻ വംശജരായ കളിക്കാരെ ദേശീയ ടീമിനെ പ്രതിനിധീകരിക്കാൻ അനുവദിക്കുന്നത് ഇന്ത്യൻ ഫുട്ബോളിന് വലിയ സഹായമാകും എന്ന് അഭിപ്രായപ്പെട്ടു.2022ലെ ഫിഫ ലോകകപ്പിൽ നാലാമതായി ഫിനിഷ് ചെയ്തപ്പോൾ ആ 26 അംഗ ടീമിലെ 14 അംഗങ്ങൾ രാജ്യത്തിന് പുറത്ത് ജനിച്ചവരായിരുന്നു.ഇന്ത്യൻ വംശജരായ കളിക്കാരെയും ദേശീയ ടീമിനെ പ്രതിനിധീകരിക്കാൻ രാജ്യം അനുവദിക്കണമെന്ന് സ്റ്റീമക്ക് നിർദ്ദേശിക്കുന്നു.

“അവരുടെ വംശജരായ കളിക്കാരെ അവരുടെ രാജ്യത്തെ പ്രതിനിധീകരിക്കാൻ അനുവദിക്കാത്ത മറ്റേതെങ്കിലും രാജ്യമുണ്ടോ എന്ന് എനിക്ക് അറിയില്ല” സ്ടിമാക്ക് പറഞ്ഞു.”ഇന്ത്യൻ വംശജരായ നിരവധി മികച്ച കളിക്കാർ യൂറോപ്പിലെ മുൻനിര ലീഗുകളിൽ കളിക്കുന്നുണ്ട്. അതിനാൽ വലിയ നേട്ടങ്ങളെക്കുറിച്ച് നമ്മൾ സംസാരിക്കുകയാണെങ്കിൽ അത് വലിയ സഹായമായിരിക്കും” പരിശീലകൻ കൂട്ടിച്ചേർത്തു.ഇന്ത്യ ഇപ്പോൾ കളിക്കുന്ന എഎഫ്‌സി ഏഷ്യൻ കപ്പിലും 2023-ലും ചില രാജ്യങ്ങൾ ഈ നീക്കത്തിൽ നിന്ന് വളരെയധികം പ്രയോജനം നേടിയിട്ടുണ്ട്.

ഗ്രൂപ്പ് ഘട്ടത്തിൽ ജപ്പാനെ അമ്പരപ്പിച്ച ഇറാഖ് ടീമിൽ 11 ഇറാഖി വംശജർ ഉണ്ടായിരുന്നു.ജപ്പാനെതിരെ കളിച്ച 16 പേരിൽ (അഞ്ച് പകരക്കാർ ഉൾപ്പെടെ), ആറ് പേർ യൂറോപ്യൻ രാജ്യങ്ങളെ പ്രതിനിധീകരിക്കാൻ അവസരം ലഭിച്ചവരായിരുന്നു.ഹുസൈൻ അലി (സ്വീഡൻ), ഫ്രാൻസ് പുട്രോസ് (ഡെൻമാർക്ക്), അലി അൽ-അമ്മാരി (സ്വീഡൻ), യൂസഫ് അമിൻ (ജർമ്മനി). ), മെർച്ചാസ് ഡോസ്കി (ജർമ്മനി), ഒമർ റാഷിദ് (നെതർലാൻഡ്സ്). ഇന്ത്യയുടെ ക്യാപ്റ്റനും എക്കാലത്തെയും ഉയർന്ന ഗോൾ സ്‌കോററുമായ സുനിൽ ഛേത്രിയുടെ വേരുകൾ നേപ്പാളിലാണ്.

നിലവിലുള്ള നിയമങ്ങൾ അനുസരിച്ച്, 2008 മുതൽ ഇന്ത്യൻ ഗവൺമെന്റ് ഓവർസീസ് സിറ്റിസൺസ് ഓഫ് ഇന്ത്യ (ഒസിഐ), പേഴ്സൺസ് ഓഫ് ഇന്ത്യൻ ഒറിജിൻ (പിഐഒ) എന്നിവരെ അന്താരാഷ്ട്രതലത്തിൽ ഇന്ത്യയെ പ്രതിനിധീകരിക്കുന്നതിൽ നിന്ന് വിലക്കി.കൂടാതെ, ഇന്ത്യൻ ഭരണഘടനയും 1955 ലെ പൗരത്വ നിയമവും അനുസരിച്ച് ഇന്ത്യയിൽ ഇരട്ട പൗരത്വം അനുവദനീയമല്ല. അതിനാൽ, OCI, PIO കാർഡ് ഉടമകൾ അവരുടെ പാസ്‌പോർട്ടുകൾ സറണ്ടർ ചെയ്യുകയും ഒരു ഇന്ത്യൻ പാസ്‌പോർട്ടിന് അപേക്ഷിക്കാൻ കുറഞ്ഞത് 12 മാസമെങ്കിലും രാജ്യത്ത് തുടരുകയും വേണം.

ഇതിനൊരു പരിഹാരം കണ്ടെത്തിയാൽ, യാൻ ദണ്ഡ (റോസ് കൗണ്ടി, സ്‌കോട്ട്‌ലൻഡ്), ജോഷ്വ പിനാദത്ത് (ജോങ് എസെഡ്, നെതർലൻഡ്‌സ്), ദിലൻ മാർക്കണ്ഡേ (ബ്ലാക്ക്‌ബേൺ റോവേഴ്‌സ്, ഇംഗ്ലണ്ട്) തുടങ്ങിയ ഫുട്‌ബോൾ താരങ്ങൾക്ക് ഇന്ത്യയെ പ്രതിനിധീകരിക്കാൻ അവസരം ലഭിക്കും.ഓൾ ഇന്ത്യ ഫുട്ബോൾ ഫെഡറേഷൻ (എഐഎഫ്എഫ്) ഇതിനോടകം സാധ്യതകൾ നോക്കുന്നതായി തോന്നുന്നു. കഴിഞ്ഞ വർഷം ഓഗസ്റ്റിൽ പ്രസിഡന്റായ കല്യാൺ ചൗബേ, ഇന്ത്യയെ പ്രതിനിധീകരിക്കാൻ അനുവദിക്കുന്നതിനായി ഇന്ത്യൻ വംശജരുടെ സാധ്യതയുള്ള കളിക്കാരുടെ പട്ടിക തയ്യാറാക്കാൻ ഒരു ടാസ്‌ക് ഫോഴ്‌സിന് രൂപം നൽകി.

“ഞങ്ങൾ ആദ്യം ലോകമെമ്പാടുമുള്ള OCI, PIO ഫുട്ബോൾ കളിക്കാരെ കുറിച്ച് സമഗ്രമായ ഒരു ഡാറ്റാബേസ് ഉണ്ടാക്കും, തുടർന്ന് ഇന്ത്യൻ ഫുട്ബോളിനെ മുന്നോട്ട് കൊണ്ടുപോകാൻ അത്തരം കളിക്കാരെ ഉപയോഗിക്കുന്നതിനുള്ള ഏറ്റവും മികച്ച മാർഗങ്ങൾ തേടും,” AIFF പ്രസിഡന്റ് കൂട്ടിച്ചേർത്തു.പഞ്ചാബ് ഫുട്ബോൾ അസോസിയേഷൻ പ്രസിഡന്റ് സമീർ ഥാപ്പർ അധ്യക്ഷനായ ടാസ്‌ക് ഫോഴ്‌സ് ഈ മാസം അവസാനം റിപ്പോർട്ട് സമർപ്പിക്കും.