“ചെൽസിയുടെ അചഞ്ചലമായ പ്രതിരോധത്തിനെതിരെ ക്രിസ്റ്റ്യാനോ റൊണാൾഡോ ഇറങ്ങുമ്പോൾ”

ഇംഗ്ലീഷ് പ്രീമിയർ ലീഗിൽ ഏവരും ആകാംഷയോടെ ഉറ്റു നോക്കുന്ന മത്സരമാണ് ഞായറാഴ്ച നടക്കുന്ന മാഞ്ചസ്റ്റർ യുണൈറ്റഡ് ചെൽസി പോരാട്ടം. സോൾഷ്യറെ മാഞ്ചസ്റ്റർ യുണൈറ്റഡിൽ നിന്നും പുറത്താക്കിയതിന് ശേഷം ആദ്യ മത്സരത്തിനിറങ്ങുകയാണ് മാഞ്ചസ്റ്റർ യുണൈറ്റഡ്.ഓരോ മത്സരത്തിലും പുതിയ റെക്കോർഡുകൾ സ്വന്തമാക്കുന്ന ക്രിസ്റ്റ്യാനോ റൊണാൾഡോ ചെൽസിക്കെതിരെ പുതിയൊരു നാഴികക്കല്ല് പിന്നിടാനുള്ള ഒരുക്കത്തിലാണ്. ചെൽസിക്കെതിരെ റൊണാൾഡോ ഗോൾ നേടിയാൽ കരിയറിൽ 800 ഗോൾ തികക്കും.വില്ലാറിയലിനെതിരായ പോർച്ചുഗീസിന്റെ സ്‌ട്രൈക്ക് ക്ലബ്ബുകൾക്കും രാജ്യത്തിനുമായി 799-മത്തെ ഗോൾ നേടിയിരുന്നു.

തന്റെ അവസാന ആറ് പ്രീമിയർ ലീഗ് മത്സരങ്ങളിൽ ഒരു ഗോൾ മാത്രമാണ് റൊണാൾഡോക്ക് നേടാനായത്. കരുത്തുറ്റ ചെൽസി പ്രതിരോധത്തിനെതിരെ റൊണാൾഡോക്ക് ഗോൾ നേടാനാവുമോ എന്ന് കണ്ടറിഞ്ഞു കാണണം.റൊണാൾഡോയേക്കാൾ പ്രായമുള്ള ഈ സീസണിലെ പ്രീമിയർ ലീഗിലെ ഏക ഔട്ട്‌ഫീൽഡ് കളിക്കാരനായ തിയാഗോ സിൽവയെയും പുതുമുഖ താരം ട്രെവോ ചലോബയെയും ചെൽസി പ്രതിരോധത്തിൽ ശക്തി പകരും. ഈ പ്രീമിയർ ലീഗ് സീസണിൽ 12 മത്സരങ്ങളിൽ നാല് ഗോളുകൾ മാത്രമാണ് ചെൽസി വഴങ്ങിയത്.ഈ സീസണിൽ എഡ്വാർഡ് മെൻഡിയെക്കാൾ കൂടുതൽ ഗോളുകൾ യുവന്റസിന്റെ വോയ്‌സിക് ഷ്‌സെസ്‌നി സ്റ്റാംഫോർഡ് ബ്രിഡ്ജിൽ വഴങ്ങിയിട്ടുണ്ട് എന്നത് അവരുടെ പ്രതിരോധത്തിന്റെ ശക്തിയെയാണ് എടുത്തു കാണിക്കുന്നത്.

എന്നാൽ മാഞ്ചസ്റ്റർ യൂണൈറ്റഡാവട്ടെ ഈ സീസണിൽ മോശ പ്രതിരോധ റെക്കോർഡാണുള്ളത്. ലീഗിലെ ആദ്യ മൂന്നു സ്ഥാനക്കാരായ ചെൽസി, ലിവർപൂൾ, മാഞ്ചസ്റ്റർ സിറ്റി എന്നീ മൂന്നു ടീമുകൾ വഴങ്ങിയ ഗോളുകൾക്കൊപ്പമാണ് യുണൈറ്റഡ് വഴങ്ങിയ ഗോളുകൾ (21 ഗോളുകൾ). ഗോൾ വഴങ്ങുന്നതിൽ പുതിയൊരു റെക്കോർഡ് സ്ഥാപിക്കാനുള്ള ഒരുക്കത്തിലാണ് ചെൽസി. ജോസ് മൗറീഞ്ഞോയുടെ 2004-05 ചെൽസി ടീം 15 തവണ മാത്രമാണ് ഗോൾ വഴങ്ങിയത്.ജനുവരിയിൽ ഫ്രാങ്ക് ലാംപാർഡിനെ പുറത്താക്കിയപ്പോൾ, ചെൽസി ബേൺലിയെക്കാൾ കൂടുതൽ ഗോൾ വഴങ്ങിയിരുന്നു.തുടർന്നുള്ള 10 മാസങ്ങൾ തുച്ചലിന്റെ കോച്ചിംഗിന്റെ മിഴിവ്, 3-4-3 ഫോർമേഷന്റെ ഫലപ്രാപ്തി, കളിക്കാരെ അകത്തും പുറത്തും മാറ്റുന്നതിന്റെ അനായാസത, പ്രതിരോധത്തെ പുനരുജ്ജീവിപ്പിച്ച അന്റോണിയോ റൂഡിഗറിന്റെ മികവ് എന്നിവ ചെൽസിയെ പുതിയൊരു തലത്തിലെത്തിച്ചു.

ഈ സീസണിൽ ചെൽസി നിരയിൽ ഗോൾ കീപ്പർ മെൻഡിയുടെ പ്രകടനം എടുത്തു പറയേണ്ടതാണ്.ഒരു മികച്ച ഗോൾകീപ്പർ ഉണ്ടായിരിക്കുക, ഒരു മികച്ച ഗോൾ സ്‌കോറർ ഉള്ളത് പോലെയാണ് .ഒരു മത്സരം ജയിക്കാൻ ഗോൾകീപ്പറുടെ പ്രകടനം പലപ്പോഴും സഹായകമാവാറുണ്ട്. യുണൈറ്റഡിന്റെ കെയർടേക്കർ മാനേജർ മൈക്കൽ കാരിക്ക് ടുച്ചലിന്റെ തന്ത്രങ്ങൾക്കെതിരെ റൊണാൾഡോയെ എങ്ങനെ വിന്യസിക്കും എന്ന് കണ്ടറിഞ്ഞു കാണാം.വിയ്യാറയലിനെതിരെ ഇടതുവശത്താണ് റൊണാൾഡോ തുടങ്ങിയത്.ഇത് ചെൽസിയുടെ വലതുപക്ഷ സെന്റർ ബാക്കിന്റെ റോളിനെ കൂടുതൽ പ്രാധാന്യമുള്ളതാക്കുന്നു.യുവന്റസിനെ പരാജയപ്പെടുത്തി തന്റെ ആദ്യ ചാമ്പ്യൻസ് ലീഗ് ഗോൾ നേടുകയും ചെയ്ത 22 കാരനായ ചലോബയാണ് ആ സ്ഥാനത്ത് എത്തുന്നത്.

എന്നാൽ ശരിയായ ഗെയിമുകൾക്കായി ശരിയായ കളിക്കാരെ തിരഞ്ഞെടുക്കുന്നതിൽ തുച്ചൽ പ്രാവീണ്യം തെളിയിച്ചിട്ടുണ്ട്.ചെൽസിയുടെ വിംഗ് ബാക്കുകൾ ഈ സീസണിൽ ഒമ്പത് ഗോളുകൾ നേടിയിട്ടുണ്ട്, അവരുടെ സെന്റർ ബാക്ക് ഏഴ് ഗോളുകൾ കൂടി. പ്രീമിയർ ലീഗിലും (നാല്), ചാമ്പ്യൻസ് ലീഗിലും (ഒന്ന്) ചെൽസി വഴങ്ങിയ അത്രയും ഗോളുകൾ റീസ് ജെയിംസ് നേടിയിട്ടുണ്ട്.ചെൽസിയും യുണൈറ്റഡും ഒന്നാം സ്ഥാനത്തും എട്ടാം സ്ഥാനത്തും ഇരിക്കാൻ ഇതും ഒരു കാരണമാണ്.