‘റിംഗ്-എ-റിംഗ്-എ റോസസ്’ ; ജാപ്പനീസ് ഫുട്ബോൾ ടീമിന്റെ വിചിത്രമായ ഫ്രീ-കിക്ക്

‘റിംഗ്-എ-റിംഗ്-എ റോസസ്’ എന്നത് ഒരു നഴ്സറി റൈം മാത്രമല്ല ,ജാപ്പനീസ് സ്കൂൾ ടീം അത് ഫുട്ബോൾ മത്സരത്തിൽ നടപ്പിലാക്കി.ഓൾ ജപ്പാൻ ഹൈസ്‌കൂൾ ടൂർണമെന്റിനിടെ ജപ്പാനിലെ ഒരു ഹൈസ്‌കൂൾ ടീം തകഗാവ ഗകുൻ ‘റിംഗ്-എ-റിംഗ്-എ റോസസ് സ്റ്റൈൽ ഫ്രീ-കിക്ക് കണ്ടുപിടിച്ചു.

ഓൾ ജപ്പാൻ ഹൈസ്‌കൂൾ ടൂർണമെന്റിനിടെ എതിരാളികളായ സെയ്‌റിയോ ഹൈസ്‌കൂളിനെതിരെ ജപ്പാൻ ഫുട്‌ബോൾ ടീം തകഗാവ ഗകുവെൻ ഒരു തന്ത്രപരമായ ഫ്രീ കിക്ക് കണ്ടുപിടിച്ചു. രണ്ട് തകഗാവ കളിക്കാർ ഫ്രീ-കിക്ക് എടുക്കാനായി നിന്നു.അഞ്ച് ടീമംഗങ്ങൾ ബോക്‌സിന്റെ അങ്ങേയറ്റത്ത് സ്ഥാനം പിടിച്ചു. ഫ്രീകിക്ക് പ്രതിരോധിക്കാൻ സെറിയോ എതിരാളികൾ അണിനിരന്നപ്പോൾ, തകഗാവ കളിക്കാർ പെട്ടെന്ന് ഒരു വൃത്തത്തിൽ തുടർച്ചയായി കറങ്ങാൻ തുടങ്ങി.

സെയ്‌റിയോ കളിക്കാർക്ക് എന്താണ് സംഭവിക്കുന്നതെന്ന് മനസ്സിലാവുന്നതിലും മുൻപ് തന്നെ സെറിയോ ഗോൾകീപ്പറെ മറികടന്ന് തകഗാവ കളിക്കാരിൽ ഒരാൾ പന്ത് വലയിലാക്കി.സെറ്റ്-പീസ് പ്ലേ തീർച്ചയായും ഫലം കണ്ടു. സെറ്റ്-പ്ലേയുടെ ഒരു വീഡിയോ 1.3 ദശലക്ഷം ആളുകൾ കാണുകയും സോഷ്യൽ മീഡിയയിൽ വൈറൽ ആവുകയും ചെയ്തു.

ക്രിയേറ്റീവ് ഫ്രീ കിക്കുകളുടെ മറ്റൊരു ഉദാഹരണം നടപ്പിലാക്കിയത് 2017-ൽ ഫ്രാൻസ് വനിതകൾ റിംഗ്-എ-റിംഗ് റോസസ് ട്രിക്ക് ഉപയോഗിച്ച് കോർണറുകളിൽ നിന്ന് രണ്ട് തവണ സ്കോർ ചെയ്തിരുന്നു.ഇംഗ്ലീഷ് ഫുട്‌ബോളിൽ ഓൾഡ്‌ഹാം അത്‌ലറ്റിക്കിന്റെ ‘ബൗൺസിംഗ്’ ഫ്രീ കിക്ക് വീഡിയോ വൈറലായി. കഴിഞ്ഞ സീസണിൽ അറ്റ്ലാന്റ റയൽ മാഡ്രിഡിനെതിരെ 16 സെക്കൻഡ് ലെഗ് മത്സരത്തിൽ ‘മൂവിംഗ് വാൾ’ ഫ്രീ-കിക്ക് ഉപയോഗിക്കുകയും ചെയ്തു.