സാമ്പത്തിക പ്രതിസന്ധികൾക്കിടയിലും ബാഴ്‌സലോണയുടെ ട്രാൻസ്ഫർ ഫണ്ടിന്റെ ‘ഉറവിടം’ എന്താണ്?

മാഞ്ചസ്റ്റർ സിറ്റിയിൽ നിന്ന് സ്പാനിഷ് ഫോർവേഡ് ഫെറാൻ ടോറസിനെ വിജയകരമായി സൈൻ ചെയ്യുമ്പോൾ ക്ലബ് പ്രസിഡന്റ് ജോവാൻ ലാപോർട്ട ഉപയോഗിച്ച വാക്കുകളായിരുന്നു ‘ബാഴ്‌സലോണ തിരിച്ചെത്തി’. ഇപ്പോൾ, ബൊറൂസിയ ഡോർട്ട്മുണ്ട് സ്ട്രൈക്കർ എർലിംഗ് ഹാലാൻഡിനായി ക്ലബ് ശ്രമം തുടങ്ങി എന്ന റിപ്പോർട്ടുകളും പുറത്തുവന്നിട്ടുണ്ട്.എന്നിരുന്നാലും, ഈ മുഴുവൻ ട്രാൻസ്ഫർ സാഗയ്ക്കിടയിലുള്ള പ്രാഥമിക ചോദ്യം അവശേഷിക്കുന്നു, “ഈ കളിക്കാരെ എങ്ങനെ താങ്ങാൻ ബാഴ്സലോണയ്ക്ക് കഴിയും?”

ബാഴ്‌സലോണയുടെ സാമ്പത്തിക പ്രശ്‌നങ്ങൾ ഫുട്‌ബോൾ ലോകത്ത് നിന്ന് മറഞ്ഞിട്ടില്ല. 2021-ൽ ലയണൽ മെസ്സിക്ക് ഒരു കോൺട്രാക്ട് എക്സ്റ്റൻഷൻ നൽകാൻ ക്ലബ്ബിന് കഴിയാതിരുന്നത് അവരുടെ വർദ്ധിച്ചുവരുന്ന കടം മൂലമാണ്, അതേസമയം കടുത്ത സാമ്പത്തിക പ്രതിസന്ധികൾക്കിടയിൽ അന്റോയിൻ ഗ്രീസ്മാനും അത്ലറ്റിക്കോ മാഡ്രിഡിന് വിറ്റു. ജെറാർഡ് പിക്വെ, സെർജിയോ ബുസ്‌ക്വെറ്റ്‌സ്, ജോർഡി ആൽബ തുടങ്ങിയ മുതിർന്ന കളിക്കാരും ബാഴ്‌സലോണയുടെ ഫണ്ട് സന്തുലിതമാക്കാൻ വൻതോതിൽ ശമ്പളം വെട്ടിക്കുറച്ചതായി റിപ്പോർട്ടുണ്ട്.

ഈ സാമ്പത്തിക പ്രതിസന്ധികൾക്കിടയിലും ബാഴ്‌സ ഇതിനകം 55 മില്യൺ യൂറോയ്ക്ക് മാഞ്ചസ്റ്റർ സിറ്റിയിൽ നിന്നും ടോറസിനെ സ്വന്തമാക്കുകയും ചെയ്തു. ഇതിനു പിന്നാലെയാണ് സൂപ്പർ ഹാളണ്ടിന് പിന്നാലെ ബാഴ്സലോണ ഇറങ്ങിയിരിക്കുന്നത്.ESPN അനുസരിച്ച്, ബാഴ്‌സലോണയ്ക്ക് 1.35 ബില്യൺ യൂറോയിലധികം കടമുണ്ട്. കഴിഞ്ഞ വർഷം മാത്രം, അവർക്ക് 481 ദശലക്ഷം യൂറോയുടെ നഷ്ടം സംഭവിച്ചു, അതിനാൽ, മെസ്സിയെയും ഗ്രീസ്മാനെയും പോലുള്ള വലിയ വരുമാനക്കാരെ വിൽക്കാൻ നിരബന്ധിതരായി.പുതിയ കൈമാറ്റങ്ങൾക്കായി ബാഴ്‌സലോണക്ക് പണം എവിടെ നിന്ന് വരുന്നു? എന്ന ചോദ്യമാണ് ഉയർന്നു വരുന്നത്.

ബാഴ്സലോണ ഗോൾഡ്മാൻ സാച്ചിൽ നിന്ന് 600 മില്യൺ യൂറോ വായ്പ എടുത്തതായി റിപ്പോർട്ട്. മാത്രമല്ല, സാമ്പത്തിക സ്ഥാപനം ക്ലബ്ബിന് അവരുടെ പുതിയ സ്റ്റേഡിയത്തിന്റെ പുനർവികസനത്തിനായി 1.5 ബില്യൺ യൂറോ കൂടി നൽകും.ടോറസിനായി മാഞ്ചസ്റ്റർ സിറ്റിയിൽ നിന്നും ഒപ്പിടാൻ സാധിച്ചെങ്കിലും ശമ്പളം ഇപ്പോഴും ഒരു തടസ്സമാണ്, അതുകൊണ്ടാണ് ടോറസിനെ ഒരു കളിക്കാരനായി ഇതുവരെ രജിസ്റ്റർ ചെയ്യാൻ ബാഴ്‌സയ്ക്ക് കഴിയാത്തത്. ഫിലിപ് കൗട്ടീഞ്ഞോ,സെന്റർ ബാക്ക് സാമുവൽ ഉംറ്റിറ്റി,ഔസ്മാൻ ഡെംബെലെ എന്നി വലിയ വേതനമുള്ള താരങ്ങളെ ഒഴിവാക്കാനുള്ള പദ്ധതിയുമായി ബാഴ്സ മുന്നോട്ട് പോവുകയാണ്. ഇതോടെ ബാഴ്സലോണയുടെ മ്പള പരിധി പ്രശ്നത്തിന് പരിഹാരമാവും.ലുക്ക് ഡി ജോങ്, മെംഫിസ് ഡിപേ എന്നിവരും ക്ലബിൽ നിന്ന് പുറത്തായേക്കുമെന്ന് റിപ്പോർട്ട് ഉണ്ട്.

ഹാലാൻഡിനെ പിന്തുടരുന്നത് ബാഴ്‌സലോണയ്ക്ക് വലിയ സാമ്പത്തിക പ്രശ്‌നമുണ്ടാക്കുന്നു. ഏകദേശം 81 മില്യൺ യൂറോയ്ക്ക് പ്ലെയർ ലഭ്യമാകുമെന്നാണ് റിപ്പോർട്ട്. ടോറസിന്റെ കാര്യത്തിലെന്നപോലെ, ആ ട്രാൻസ്ഫർ ഫീസ് അടയ്ക്കുന്നത് ബാഴ്‌സലോണയ്ക്ക് ഒരു വലിയ ചോദ്യമായിരിക്കില്ല, പക്ഷേ ശമ്പളം ആയിരിക്കും പ്രശ്‍നം .എന്നാൽ കൂടുതൽ താരങ്ങൾ പുറത്തു പോയാൽ മാത്രമേ ബാഴ്‌സമെ ഹാളണ്ടിനെ കുറിച്ച് ചിന്തിക്കാൻ സാധിക്കു. എന്നാൽ ഈ പദ്ധതികൾ നടപ്പിലാക്കുന്നത് കടലാസിൽ കാണുന്നതിനേക്കാൾ വളരെ ബുദ്ധിമുട്ടുള്ള കാര്യമായിരിക്കും.