2026 വേൾഡ് കപ്പിന് മുന്നോടിയായി യുഎസ്എയിൽ കോപ്പ അമേരിക്ക വിരുന്നെത്തുന്നു |Copa America

2026 വേൾഡ് കപ്പിന് മുന്നോടിയായി യുണൈറ്റഡ് സ്റ്റേറ്റ്സ് ഓഫ് അമേരിക്കയിൽ (യുഎസ്എ) ഫുട്ബോൾ മാമാങ്കം അരങ്ങേറുന്നു.2024-ൽ കോപ്പ അമേരിക്കയുടെ അടുത്ത പതിപ്പിന് യുഎസ്എ ആതിഥേയത്വം വഹിക്കും.CONMEBOL-ൽ നിന്നുള്ള 10 ടീമുകളും CONCACAF-ൽ നിന്നുള്ള ആറ് ടീമുകളും പങ്കെടുക്കും.

ഇരു കോൺഫെഡറേഷനുകളും ചേർന്ന് ടൂർണമെന്റ് സംഘടിപ്പിക്കുമെന്ന് നോർത്ത്, സെൻട്രൽ അമേരിക്ക, കരീബിയൻ എന്നീ രാജ്യങ്ങളുടെ കോൺഫെഡറേഷനായ കോൺകാകാഫ് അറിയിച്ചു.2021ൽ ബ്രസീലിനെ തോൽപ്പിച്ച് നിലവിലെ ചാമ്പ്യനായാണ് ലയണൽ മെസ്സിയുടെ നേതൃത്വത്തിലുള്ള അർജന്റീന മത്സരത്തിനിറങ്ങുന്നത്.2023/24 കോൺകാകാഫ് നേഷൻസ് ലീഗിലൂടെ ഈ മത്സരത്തിന് യോഗ്യത നേടാനുള്ള അവസരം CONCACAF രാജ്യങ്ങൾക്ക് ലഭിക്കും.എട്ട് വർഷത്തിനിടെ രണ്ടാം തവണയാണ് യുഎസ്എ കോപ്പ അമേരിക്ക ചാമ്പ്യൻഷിപ്പിന് ആതിഥേയത്വം വഹിക്കുന്നത്.

2016-ൽ കോപ്പ അമേരിക്കയുടെ 100-ാം വാർഷികം ആഘോഷിക്കുന്ന ഒരു പ്രത്യേക പതിപ്പ് നടന്നിരുന്നു.ഈസ്റ്റ് റഥർഫോർഡിലെ മെറ്റ്ലൈഫ് സ്റ്റേഡിയത്തിൽ നടന്ന ഫൈനലിൽ ലയണൽ മെസ്സിയുടെ അർജന്റീനയെ പരാജയപ്പെടുത്തി ചിലി വിജയിച്ചു.2024-ലെ വേദികൾ നിശ്ചയിച്ചിട്ടില്ല, എന്നാൽ പ്രധാന NFL സ്റ്റേഡിയങ്ങൾ 2026 ലോകകപ്പിനുള്ളത് പോലെ തന്നെ ഉപയോഗിക്കപ്പെടാനാണ് സാധ്യത. 2016ൽ ഒർലാൻഡോയിലെ ക്യാമ്പിംഗ് വേൾഡ് സ്റ്റേഡിയമായിരുന്നു ഏറ്റവും ചെറിയ വേദി.

ലോകകപ്പിനും യൂറോപ്യൻ ചാമ്പ്യൻഷിപ്പിനും പിന്നിൽ ദേശീയ ടീമുകളുടെ ഏറ്റവും പ്രധാനപ്പെട്ട മൂന്നാമത്തെ ടൂർണമെന്റാണ് കോപ്പ അമേരിക്ക.യുണൈറ്റഡ് സ്‌റ്റേറ്റ്‌സ്, മെക്‌സിക്കോ, കാനഡ എന്നീ രാജ്യങ്ങൾ സംയുക്തമായാണ് 2026 ലെ വേൾഡ് കപ്പിന് അതിത്യത്വം വഹിക്കുന്നത്.മത്സരങ്ങളിൽ ഭൂരിഭാഗവും യുഎസിൽ കളിക്കും.ഖത്തറിൽ നടന്ന ലോകകപ്പ് വിജയത്തിന് ശേഷം മെസ്സി ആദ്യമായി ഒരു പ്രധാന ടൂർണമെന്റിൽ കളിക്കുന്നത് 2024 കോപ്പയിൽ കാണാം സാധിക്കും.