ക്രിസ്റ്റ്യാനോ റൊണാൾഡോ ഗോൾ നേടിയിട്ടും എഎഫ്‌സി ചാമ്പ്യൻസ് ലീഗിൽ നിന്നും അൽ നാസർ പുറത്ത് | Cristiano Ronaldo

എഎഫ്‌സി ചാമ്പ്യൻസ് ലീഗിൻ്റെ ക്വാർട്ടർ ഫൈനലിൽ യുഎഇയുടെ അൽ ഐനിനോട് തോറ്റ് പുറത്തായി ക്രിസ്റ്റ്യാനോ റൊണാൾഡോയുടെ അൽ നാസർ.കിംഗ് സൗദ് സ്റ്റേഡിയത്തിൽ നടന്ന മത്സരത്തിൽ പെനാൽറ്റി ഷൂട്ട് ഔട്ടിലാണ് യുഎഇ ക്ലബ് അൽ ഐൻ വിജയം സ്വന്തമാക്കിയത്.ആദ്യ പാദത്തിൽ ഐനിൻ്റെ സൗഫിയാനെ റഹിമി നേടിയ ഒരു ഗോളിന് അൽ നാസർ പരാജയപ്പെട്ടിരുന്നു.

ഇന്നലെ നടന്ന മത്സരത്തിൽ ആദ്യ പകുതിയിൽ 28-ാം മിനിറ്റിലും 45-ാം മിനിറ്റിൽ നേടിയ ഗോളുകൾക്ക് അൽ ഐൻ ലീഡ് നേടി. ആദ്യ പാദത്തിൽ ഗോൾ നേടിയ സൗഫിയാനെ റഹിമി തന്നെയാണ് രണ്ടു ഗോളുകളും നേടിയത്. ഒന്നാം പകുതിയുടെ ഇഞ്ചുറി ടൈമിൽ അൽ നാസർ ഒരു ഗോൾ മടക്കി.അബ്ദുൽറഹ്മാൻ ഗരീബാണ് അൽ നാസറിനായി ഗോൾ നേടിയത്. രണ്ടാം പകുതിയിൽ അൽ നാസറിന്റെ തിരിച്ചുവരവാണ് കാണാൻ സാധിച്ചത്. 51 ആം മിനുട്ടിൽ ഖാലിദ് ഈസയുടെ സെല്ഫ് ഗോളിൽ അൽ നാസർ സ്കോർ 2 -2 ആക്കി മാറ്റി.61-ാം മിനിറ്റിൽ അൽ നാസറിന് മുന്നിലെത്താനുള്ള അവസരം ലഭിച്ചെങ്കിലും ഗോൾ കീപ്പർ മാത്രം മുന്നിൽ നിൽക്കെ ക്രിസ്റ്റ്യാനോ റൊണാൾഡോയുടെ ഷോട്ട് പുറത്തേക്ക് പോയി.

72-ാം മിനിറ്റിൽ ബ്രസീലിയൻ ലെഫ്റ്റ് ബാക്ക് അലക്‌സ് ടെല്ലസ് ഫ്രീകിക്കിലൂടെ നേടിയ ഗോളിലൂടെ അൽ നാസറിനെ മുന്നിലെത്തിച്ചു.കളി അധിക സമയത്തേക്ക് നീണ്ടു എന്നാൽ പകരക്കാരനായി ഇറങ്ങിയ അയമാൻ യഹ്യ 98-ാം മിനിറ്റിൽ ചുവപ്പ് കാർഡ് കണ്ടപ്പോൾ നാസറിന് വൻ നഷ്ടം സംഭവിച്ചു. നിമിഷങ്ങൾക്കകം 103-ാം മിനിറ്റിൽ സൂപ്പർ സബ് അൽ ഷംസി അൽ ഐനിന് വേണ്ടി ഗോൾ നേടി. 116-ാം മിനിറ്റിൽ ഡിഫൻഡർ സയീദ് ജുമ റൊണാൾഡോയെ ബോക്‌സിനുള്ളിൽ വീഴ്ത്തി നാസറിന് പെനാൽറ്റി ലഭിച്ചു.റൊണാൾഡോ അത് ഗോളാക്കി മാറ്റുകയും സ്കോർ 4 -3 ആയി ഉയർത്തുകയും ചെയ്തു.

അതോടെ ഗെയിം പെനാൽറ്റി ഷൂട്ടൗട്ടിലേക്ക് കടക്കുകയും ചെയ്തു. ഷൂട്ട് ഔട്ടിൽ നാസറിൻ്റെ ബ്രോസോവിച്ച്, ടെല്ലെസ്, ഒട്ടാവിയോ എന്നിവർ പെനാൽറ്റികൾ നഷ്‌ടപ്പെടുത്തി.അൽ ഐൻ അതിൻ്റെ മൂന്ന് കളിക്കാരായ റഹീമി, കാക്കു, ഷംഷി എന്നിവർ സ്‌കോർ ചെയ്‌തതിനാൽ സ്‌കോർ ചെയ്‌തു. റൊണാൾഡോ ഗോളാക്കി മാറ്റിയതോടെ പെനാൽറ്റി ഷൂട്ടൗട്ട് 1-3ന് അവസാനിച്ചെങ്കിലും ഹോം സൈഡിന് അത് പര്യാപ്തമായിരുന്നില്ല.അൽ ഐൻ എഎഫ്‌സി ചാമ്പ്യൻസ് ലീഗിൻ്റെ സെമിഫൈനലിലേക്ക് യോഗ്യത നേടി.