ക്രിസ്റ്റ്യാനോ റൊണാൾഡോയെ സാക്ഷിയാക്കി പോർച്ചുഗീസ് ടീമിനെതിരെ അൽ നസ്റിന് തകർപ്പൻ വിജയം..

അഞ്ച് തവണ ബാലൻ ഡി ഓർ ജേതാവായ സൂപ്പർ താരം ക്രിസ്റ്റ്യാനോ റൊണാൾഡോയുടെ നാടായ പോർച്ചുഗലിൽ വെച്ച് നടക്കുന്ന സൗദി അറേബ്യൻ വമ്പൻമാരായ അൽ നസ്റിന്റെ രണ്ടാം പ്രീസീസൺ സൗഹൃദ മത്സരത്തിലും തകർപ്പൻ വിജയം. ഒന്നിനെതിരെ അഞ്ച് ഗോളുകൾക്കായിരുന്നു അൽ നസ്റിന്റെ വിജയം.

ആദ്യ മത്സരത്തിൽ പോർച്ചുഗീസ് ക്ലബ്ബിനെതിരെ രണ്ട് ഗോളുകൾക്ക് വിജയം നേടിയ അൽ നസ്ർ രണ്ടാം മത്സരത്തിലും പോർച്ചുഗീസ് ക്ലബ്ബായ ഫാരെൻസിനെതിരെ മികച്ച വിജയം നേടി. ആദ്യ പകുതി 1-2 സ്കോറിന് പിരിഞ്ഞെങ്കിലും രണ്ടാം പകുതിയിൽ അൽ നസ്ർ മൂന്നു ഗോളുകൾ കൂടി അധികം സ്കോർ ചെയ്തു.

ടാലിസ്ക, സാഹ്ലോലി തുടങ്ങിയ താരങ്ങൾ ഗോളുകൾ സ്കോർ ചെയ്തപ്പോൾ പോർച്ചുഗീസ് ക്ലബ്ബിനെതിരായ വിജയം അൽ നസ്ർ ആഘോഷിക്കുകയായിരുന്നു. അതേസമയം സൂപ്പർ താരം ക്രിസ്റ്റ്യാനോ റൊണാൾഡോ ഈ മത്സരത്തിൽ കളിച്ചില്ലെങ്കിലും ടീമിനെ ഗാലറിയിൽ ഇരുന്ന്കൊണ്ട് സപ്പോർട്ട് ചെയ്തിരുന്നു.

പോർച്ചുഗലിൽ വെച്ച് നടക്കുന്ന അടുത്ത സൗഹൃദ മത്സരത്തിൽ ലാലിഗ ക്ലബ്ബായ സെൽറ്റ വിഗോയുമായാണ് അൽ നസ്ർ ഏറ്റുമുട്ടുന്നത്. പോർച്ചുഗീസ് പരിശീലകനായ കാസ്ട്രോ അൽ നസ്റിന്റെ പുതിയ പരിശീലകനായി വന്നതിന് ശേഷം വരുന്ന സൗദി പ്രോ ലീഗ് സീസണിലും കിരീടം നേടുമെന്ന് പ്രതീക്ഷകൾ അൽ നസ്ർ ആരാധകർക്ക് ഉണ്ട്.