വിനീഷ്യസിന്റെ ഇൻസ്റ്റാഗ്രാം പോസ്റ്റിൽ ബാഴ്‌സലോണയെ പരിഹസിച്ച് മാഡ്രിഡിൽ ജനിച്ച അലജാൻഡ്രോ ഗാർനാച്ചോ

റയൽ മാഡ്രിഡിനോട് ബാഴ്‌സലോണയുടെ നിരാശാജനകമായ കോപ്പ ഡെൽ റേ തോൽവി അവരുടെ വിമർശകർക്ക് കളിയാക്കാൻ ധാരാളം പുതിയ കാര്യങ്ങൾ നൽകിയിരുന്നു.ഹോം ഗ്രൗണ്ടിൽ എതിരില്ലാത്ത നാല് ഗോളിന്റെ തോൽവിയാണു ബാഴ്സലോണ ഏറ്റുവാങ്ങിയത്.ഏതാണ്ട് അരനൂറ്റാണ്ടിനിടയിൽ ആദ്യമായാണ് ബാഴ്സലോണ ലോസ് ബ്ലാങ്കോസിനെതിരെ നാല് ഗോളുകൾക്ക് പരാജയപ്പെടുന്നത്.

ബെർണബ്യൂവിൽ നടന്ന ആദ്യ പാദത്തിൽ ഒരു ഗോളിന്റെ വിജയം നേടിയ കറ്റാലൻമാർ രണ്ടാം പാദത്തിലേക്ക് കടക്കാൻ ഫേവറിറ്റുകളായിരുന്നു. എന്നിരുന്നാലും, സ്‌പോട്ടിഫൈ ക്യാമ്പ് നൗവിൽ, കരീം ബെൻസെമയുടെ ഹാട്രിക്കും വിനീഷ്യസിന്റെ ഗോളും സാവി ഹെർണാണ്ടസിന്റെ ടീമിനെ പുറത്താക്കി.എൽ ക്ലാസിക്കോയ്ക്ക് ശേഷം മത്സരത്തിൽ മികച്ച പ്രകടനം പുറത്തെടുത്ത വിനീഷ്യസ് ജൂനിയർ “Comeback and final = Real Madrid”(“തിരിച്ചുവരലും + ഫൈനലും = റയൽ മാഡ്രിഡ്”)ഇൻസ്റ്റാഗ്രാമിൽ എഴുതി.

അതിലും ശ്രദ്ധേയമായിരുന്നു ഗാർനാച്ചോയുടെ മറുപടി.മാഡ്രിഡ് ആയിരുന്നു ജന്മസ്ഥലം എന്നാൽ പ്രൊഫഷണൽ തലത്തിൽ അർജന്റീനയ്ക്ക് വേണ്ടി കളിക്കുന്ന 18-കാരൻ “Normal” (സാധാരണ )എന്ന് പ്രതികരിച്ചു, തുടർന്ന് രണ്ട് ചിരിക്കുന്ന ഇമോജികൾ. അദ്ദേഹത്തിന്റെ പരാമർശം ബാഴ്‌സലോണ അനുകൂലികളിൽ നിന്ന് വേണ്ടത്ര സ്വീകരിച്ചിട്ടില്ലെന്ന് അനുമാനിക്കാം. ട്വീറ്റ് വൈറലായതോടെ സോഷ്യൽ മീഡിയയിൽ അദ്ദേഹത്തിനെതിരെ തിരിഞ്ഞിരിക്കുകയാണ്‌ അവർ.

ഈ വർഷം ബാഴ്‌സലോണയ്‌ക്കെതിരെ യുവതാരം പ്രശ്‌നമുണ്ടാക്കുന്നത് ഇതാദ്യമല്ല. ഫെബ്രുവരിയിൽ യൂറോപ്പ ലീഗിൽ സ്പാനിഷ് ടീമിനെതിരെ യുണൈറ്റഡ് നേടിയ വിജയത്തിന് ശേഷം പെഡ്രിയുടെ ആഘോഷം അനുകരിച്ച് ഗാർനാച്ചോ ആരാധകരെ പ്രകോപിതരാക്കിയിരുന്നു.