യുവേഫ ചാമ്പ്യൻസ് ലീഗ് കിരീടം നേടുക എന്ന ആശയത്തിൽ തന്റെ ക്ലബ്ബിന് താൽപ്പര്യമില്ലെന്ന് പിഎസ്ജി മാനേജർ ലൂയിസ് എൻറിക് പറഞ്ഞു. ആ ചിന്ത ടീമിന് തിരിച്ചടികൾ മാത്രമേ ഉണ്ടാകുകയുള്ളൂ എന്നും അദ്ദേഹം പറഞ്ഞു.2011-ൽ ഖത്തർ സ്‌പോർട്‌സ് ഇൻവെസ്റ്റ്‌മെന്റ്‌സ് ഏറ്റെടുത്തതിനുശേഷം, ഒമ്പത് തവണ ലീഗ് ജേതാക്കളായ PSG ഫ്രാൻസിലെ ഏറ്റവും വിജയകരമായ ക്ലബ്ബായി മാറിയിരുന്നു.
ഫ്രാൻസിലെ എല്ലാ ആഭ്യന്തര കപ്പ് മത്സരങ്ങളിലും അവർ വിജയിച്ചിട്ടുണ്ടെങ്കിലും ഇതുവരെ ചാമ്പ്യൻസ് ലീഗ് നേടാനായിട്ടില്ല.ഇംഗ്ലീഷ് ടീമായ ന്യൂകാസിൽ യുണൈറ്റഡും ഏഴ് തവണ ജേതാവായ ഇറ്റലിയുടെ എസി മിലാനും ഉൾപ്പെടുന്ന ദുഷ്‌കരമായ ഗ്രൂപ്പിലെ ആദ്യ മത്സരത്തിൽ ഡോർട്ട്മുണ്ടിനെ നേരിടുമ്പോൾ ഫ്രഞ്ച് ചാമ്പ്യന്മാർ കിരീടത്തിനായുള്ള അന്വേഷണം പുനരാരംഭിക്കുകയാണ്.
“ഒരു ക്ലബ്ബ് എന്തെങ്കിലും കാര്യങ്ങളിൽ അഭിനിവേശം കാണിക്കുമ്പോൾ, അത് ഒരിക്കലും ഒരു നല്ല ലക്ഷണമല്ല. നിങ്ങൾക്ക് അഭിലാഷം ഉണ്ടായിരിക്കണം, എന്നാൽ ജീവിതത്തിന്റെ ഒരു മേഖലയിലും ആസക്തി ഉണ്ടാവാൻ പാടില്ല ,അത് നന്നായി പ്രവർത്തിക്കില്ല,” ലൂയിസ് എൻറിക് തിങ്കളാഴ്ച പാർക് ഡെസ് പ്രിൻസസിലെ ഗെയിമിന് മുന്നോടിയായി മാധ്യമപ്രവർത്തകരോട് പറഞ്ഞു.
“മത്സരം എങ്ങനെ പോകുന്നുവെന്ന് നിങ്ങൾ കാത്തിരുന്ന് കാണണം. ഫുട്ബോൾ ഒരു അത്ഭുതകരമായ കായിക വിനോദമാണ്, ഏത് ഫലവും സാധ്യമാണ്. അവിശ്വസനീയമായ ഒരു ഗെയിം കളിക്കാനും തോൽക്കാനും മോശമായി കളിച്ച് വിജയിക്കാനും കഴിയും. ഒരു ക്ലബ് എന്ന നിലയിൽ, ഞങ്ങൾ എല്ലാ മത്സരങ്ങളും കളിക്കുന്നത് വിജയിക്കാനാണ് ” പരിശീലകൻ പറഞ്ഞു.
BICYCLE KICK, KYLIAN MBAPPÉ 🚲😳 pic.twitter.com/6GW8pdpIdo
— Ligue 1 English (@Ligue1_ENG) September 17, 2023
ലൂയിസ് എൻറിക്വെയുടെ കീഴിൽ തങ്ങളുടെ അഞ്ച് ലീഗ് മത്സരങ്ങളിൽ രണ്ടെണ്ണം ജയിച്ച പിഎസ്ജി അഞ്ച് മത്സരങ്ങൾ കഴിഞ്ഞപ്പോൾ എട്ട് പോയിന്റുമായി ലീഗ് 1-ൽ അഞ്ചാം സ്ഥാനത്താണ്.വെള്ളിയാഴ്ച നൈസിനോട് 3-2ന് പരാജയപ്പെട്ടിരുന്നു.എന്നാൽ തന്റെ ആദ്യ സീസണിലെ ഉയർച്ച താഴ്ചകൾ സാധാരണമാണെന്ന് ലൂയിസ് എൻറിക് പറഞ്ഞു.