ഖത്തർ വേൾഡ് കപ്പിൽ അർജന്റീനയുടെ ഗ്രൂപ്പ് മത്സരങ്ങൾ ഇനി കാണാൻ സാധിക്കില്ല|Qatar 2022 |Argentina

ഖത്തറിൽ നടക്കുന്നത് അർജന്റീനയുടെ സൂപ്പർ താരം ലയണൽ മെസ്സിയുടെ അവസാന ലോകകപ്പ് ആയതിനാൽ, നവംബറിൽ ആരംഭിക്കുന്ന കായിക മാമാങ്കത്തിൽ ടിക്കറ്റ് വിൽപ്പനയിൽ ഏറ്റവും ഡിമാൻഡ് ഉള്ള കളികൾ അർജന്റീനയുടെ തായി മാറി.മെസ്സി അവസാനമായി ലോകകപ്പിൽ കളിക്കുന്നത് കാണണമെന്ന ലോകമെമ്പാടുമുള്ള ഫുട്ബോൾ ആരാധകരുടെ ആഗ്രഹമാണ് അർജന്റീന മത്സരങ്ങൾക്കുള്ള ടിക്കറ്റിന്റെ ആവശ്യം വർധിപ്പിച്ചത്. ലോകമെമ്പാടുമുള്ള ദശലക്ഷക്കണക്കിന് ഫുട്ബോൾ ആരാധകർക്ക് അർജന്റീനയുടെ ഗ്രൂപ്പ് സ്റ്റേജ് ടിക്കറ്റിനായി ആഗ്രഹം പ്രകടിപ്പിച്ചെത്തിയത്.

ലോകകപ്പ് ടിക്കറ്റ് വിൽപനയുടെ ആദ്യ ഘട്ടം കഴിഞ്ഞപ്പോൾ അർജന്റീനയുടെ ഗ്രൂപ്പ് മത്സരങ്ങളുടെ ടിക്കറ്റുകൾക്കാണ് ഏറ്റവും കൂടുതൽ ഡിമാൻഡ് ലഭിച്ചതെന്ന് ടൂർണമെന്റ് സംഘാടക സമിതി തന്നെ പറഞ്ഞു. ഗ്രൂപ്പ് ഘട്ടത്തിൽ സൗദി അറേബ്യ, മെക്സിക്കോ, പോളണ്ട് എന്നിവരുമായാണ് അർജന്റീനയുടെ മത്സരം. ലോകകപ്പിന്റെ രണ്ടാം റൗണ്ട് ടിക്കറ്റ് വിൽപ്പന ഓഗസ്റ്റിൽ അവസാനിച്ചപ്പോൾ, അർജന്റീന vs മെക്സിക്കോ, അർജന്റീന vs സൗദി അറേബ്യ എന്നീ മത്സരങ്ങളുടെ ടിക്കറ്റുകൾ പൂർണമായും വിറ്റുതീർന്നതായി ടൂർണമെന്റ് സംഘാടക സമിതി അറിയിച്ചു.

ഇപ്പോൾ ലോകകപ്പ് ടിക്കറ്റുകളുടെ മൂന്നാം ഘട്ട വിൽപ്പനയാണ് നടക്കുന്നത്. മൂന്നാം ഘട്ട ടിക്കറ്റ് വിൽപ്പന ആരംഭിച്ചപ്പോൾ 500,000 ടിക്കറ്റുകൾ ലഭ്യമായിരുന്നു. ടിക്കറ്റുകളെല്ലാം നിമിഷനേരം കൊണ്ട് തീർന്നു. അർജന്റീനയും പോളണ്ടും തമ്മിലുള്ള മത്സരത്തിന്റെ ടിക്കറ്റുകൾ ഏറ്റവും വേഗത്തിൽ വിറ്റുതീർന്നു. സൂപ്പർ താരങ്ങളായ ലയണൽ മെസ്സിയും റോബർട്ട് ലെവൻഡോസ്‌കിയും തമ്മിലുള്ള മത്സരം കാണാനുള്ള അവസരമാണിത്. ഇതോടെ ലയണൽ മെസ്സിയുടെ അഞ്ചാം ലോകകപ്പ് ഗ്രൂപ്പ് മത്സരങ്ങൾ കാണാനുള്ള ആളുകളുടെ അവസരം പൂർണമായും അവസാനിച്ചു.

അർജന്റീനയുടെ ഗ്രൂപ്പ് സ്റ്റേജ് മത്സരങ്ങളുടെ ടിക്കറ്റുകൾ വിറ്റുതീർന്നെങ്കിലും റൗണ്ട് ഓഫ് 16 ലേക്ക് യോഗ്യത നേടിയാൽ മാത്രമേ ആരാധകർക്ക് അർജന്റീനയുടെ മത്സരങ്ങൾ കാണാൻ അവസരം ലഭിക്കൂ. ഈ ലോകകപ്പ് നേടാനുള്ള ഫേവറിറ്റ് ലിസ്റ്റിലുള്ള ടീമാണ് അർജന്റീന എന്നതിൽ സംശയമില്ല. എന്നിരുന്നാലും, അൽബിസെലെസ്റ്റിന്റെയും പാരീസ് സെന്റ് ജെർമെയ്‌ന്റെയും പ്രധാന താരമായ ലയണൽ മെസ്സിയെ കാണുന്നതിന് ആരാധകർ അർജന്റീന മത്സരങ്ങൾക്കുള്ള ടിക്കറ്റ് എടുക്കാൻ തിടുക്കം കൂട്ടുന്നു.