‘ഞങ്ങൾക്ക് വ്യത്യസ്ത മുൻഗണനകളുണ്ട്’ : നെയ്‌മറിന്റെ ക്യാമ്പ് നൗവിലേക്കുള്ള തിരിച്ചുവരവിനെക്കുറിച്ച് ബാഴ്‌സലോണ കോച്ച് സാവി

സ്പാനിഷ് ക്ലബിലേക്ക് നെയ്മറിന്റെ തിരിച്ചുവരവിനെക്കുറിച്ചുള്ള എല്ലാ ഊഹാപോഹങ്ങളും ബാഴ്‌സലോണ മുഖ്യ പരിശീലകൻ സാവി നിഷേധിച്ചു. പാരീസ് സെന്റ് ജെർമെയ്‌നുമായുള്ള ആറ് സീസൺ സ്‌പെല്ലിന് ശേഷം നെയ്‌മർ ഈ സമ്മറിൽ ബാഴ്‌സയിലേക്ക് തിരികെയെത്തും എന്ന വാർത്തകൾ കഴിഞ്ഞ ദിവസം പുറത്ത് വന്നിരുന്നു.

പോഡ്‌കാസ്റ്റ് ജിജാന്റേസ് എഫ്‌സിയിൽ സംസാരിക്കുമ്പോൾ ബാഴ്‌സലോണയുമായുള്ള നെയ്‌മറിന്റെ ട്രാൻസ്ഫറുമായുള്ള കിംവദന്തികൾക്ക് സാവി മറുപടി നൽകി.ബ്രസീലിയൻ താരം തന്റെ ഭാവി പദ്ധതികളിൽ ഉണ്ടാവില്ലെന്നും പരിശീലകൻ പറഞ്ഞു.അൻസു ഫാത്തി, റാഫിൻഹ, ഔസ്മാൻ ഡെംബെലെ, ഫെറാൻ ടോറസ് എന്നിവരെ ഉൾപ്പെടുത്തി ബാഴ്‌സലോണ ഇതിനകം തന്നെ ശക്തമായ അറ്റാക്കിംഗ് നിരയെ കെട്ടിപ്പടുത്തിട്ടുണ്ടെന്ന് സാവി പറഞ്ഞു.

“ഒരു സുഹൃത്തെന്ന നിലയിൽ എനിക്ക് നെയ്മറെ വളരെ ഇഷ്ടമാണ്. എന്നാൽ ഞങ്ങൾക്ക് വ്യത്യസ്ത മുൻഗണനകളുണ്ട്, ”സാവി പറഞ്ഞു.അടുത്ത സീസണിൽ മേജർ ലീഗ് സോക്കറിന്റെ (MLS) ഇന്റർ മിയാമിയിൽ ചേരാൻ പോകുന്ന ലയണൽ മെസ്സിയെ സ്വന്തമാക്കുന്നതിൽ ബാഴ്‌സലോണ പരാജയപ്പെട്ടതിനെ തുടർന്നാണ് നെയ്മറിന്റെ ക്യാമ്പ് നൗവിലേക്കുള്ള തിരിച്ചുവരവിനെക്കുറിച്ചുള്ള അഭ്യൂഹങ്ങൾ വികസിക്കാൻ തുടങ്ങിയത്.2017-ൽ പിഎസ്ജിയിൽ ചേരുന്നതിന് മുമ്പ് നെയ്മർ ബാഴ്‌സലോണയ്‌ക്കൊപ്പം നാല് സീസണുകളോളം ചെലവഴിക്കുകയും 2014-15 സീസണിൽ ലാ ലിഗ, കോപ്പ ഡെൽ റേ, ചാമ്പ്യൻസ് ലീഗ് എന്നിവ ഉൾപ്പെടുന്ന ട്രെബിൾ നേടുകയും ചെയ്തു.

ബ്രസീലിയൻ താരം ബാഴ്‌സലോണയിൽ 186 മത്സരങ്ങൾ കളിച്ചു, 105 തവണ സ്‌കോർ ചെയ്തു. മുൻ സ്പാനിഷ് മിഡ്‌ഫീൽഡർ 2015-ൽ ഖത്തറി ക്ലബ്ബായ അൽ സദ്ദിലേക്ക് തന്റെ ബേസ് മാറ്റുന്നതിന് മുമ്പ് നെയ്‌മർ രണ്ട് സീസണുകളിൽ സാവിയുമായി ബാഴ്‌സലോണ ഡ്രസ്സിംഗ് റൂം പങ്കിട്ടു.ഫ്രഞ്ച് ഭീമന്മാർ 198 മില്യൺ പൗണ്ടിന്റെ റെക്കോർഡ് തുക ഇടപാട് നടത്താൻ ചെലവഴിച്ചതിനാൽ നെയ്മറിന്റെ പിഎസ്ജിയിലേക്കുള്ള നീക്കം ട്രാൻസ്ഫർ വിപണിയിൽ വലിയ കോളിളക്കം സൃഷ്ടിച്ചു.

അതിനുശേഷം പിഎസ്ജിക്കായി 173 മത്സരങ്ങൾ കളിച്ച നെയ്മർ 77 അസിസ്റ്റുകൾ അടക്കം ആകെ 118 ഗോളുകൾ നേടി.ഈ സീസണിൽ ചാമ്പ്യൻസ് ലീഗിൽ നിന്ന് പാരീസ് ടീം വീണ്ടും പുറത്തായതോടെ നെയ്മറും പിഎസ്ജിയും തമ്മിലുള്ള ബന്ധം വഷളായി.ലീഗ് 1 ക്ലബിനായി ഏറെ കൊതിച്ച ചാമ്പ്യൻസ് ലീഗ് നേടുന്നതിൽ നെയ്മർ പരാജയപ്പെട്ടു.ബാഴ്‌സലോണയുടെ നിലവിലെ സാമ്പത്തിക സ്ഥിതി കണക്കിലെടുക്കുമ്പോൾ നെയ്മറിന്റെ ഉയർന്ന ശമ്പളം വഹിക്കാൻ സ്പാനിഷ് ക്ലബ്ബിന് ബുദ്ധിമുട്ടാണ്.