ബാഴ്സലോണക്ക് തോൽവി : ആഴ്സണലിന് സമനില : ലെവർകൂസനും അത്ലറ്റികോ മാഡ്രിഡിനും വിജയം | UEFA Champions League
യുവേഫ ചാമ്പ്യൻസ് ലീഗിൽ നിരാശാജനകമായ തുടക്കം ക്കുറിച്ച് ബാഴ്സലോണ. ഇന്നലെ നടന്ന മത്സരത്തിൽ മോണോക്കയോട് ഒന്നിനെതിരെ രണ്ടു ഗോളുകൾക്ക് ബാഴ്സലോണ പരാജയപെട്ടു. മത്സരത്തിന്റെ 10 ആം മിനുട്ടിൽ ഡിഫൻഡർ എറിക് ഗാർഷ്യ ചുവപ്പ് കാർഡ് കണ്ട് പുറത്തായതായാണ് ബാഴ്സക്ക് തിരിച്ചടിയായി മാറിയത്.പുതിയ കോച്ച് ഹാൻസി ഫ്ലിക്കിൻ്റെ കീഴിൽ ആദ്യത്തെ അഞ്ച് ലാലിഗ മത്സരങ്ങൾ വിജയിച്ച ബാഴ്‌സയ്ക്ക് ഈ സീസണിൻ്റെ മികച്ച തുടക്കത്തിന് ഫലം വിരാമമിട്ടു. മത്സരത്തിന്റെ 16 ആം മിനുട്ടിൽ മിഡ്‌ഫീൽഡർ മാഗ്‌നസ് അക്ലിയോച്ചിലൂടെ മൊണാക്കോ ലീഡ് നേടി.
പാരീസ് ഒളിമ്പിക്‌സിൽ ഫ്രാൻസിനെ പ്രതിനിധീകരിച്ച അക്ലിയോച്ചെ പെനാൽറ്റി ഏരിയയുടെ വലതുവശത്ത് നിന്ന് ദേശീയ ടീം കോച്ച് ദിദിയർ ദെഷാംപ്‌സിന് മുന്നിൽ നിന്നും സ്‌കോർ ചെയ്തു.കൗമാരക്കാരനായ സൂപ്പർതാരം ലാമിൻ യമൽ 28 ആം മിനുട്ടിൽ പെനാൽറ്റി ഏരിയയുടെ അരികിൽ നിന്ന് ഇടങ്കാൽ സ്ട്രൈക്കിലൂടെ ബാഴ്‌സയ്‌ക്കായി സമനില നേടി.സീസണിലെ അദ്ദേഹത്തിൻ്റെ നാലാമത്തെ ഗോളായിരുന്നു ഇത്.17 വർഷവും 68 ദിവസവും പ്രായമുള്ള ചാമ്പ്യൻസ് ലീഗ് ചരിത്രത്തിലെ ഏറ്റവും പ്രായം കുറഞ്ഞ രണ്ടാമത്തെ സ്‌കോററായി യമൽ മാറി.ജൂലായിൽ, ഫ്രാൻസിനെതിരെ സ്‌പെയിനിൻ്റെ സെമിഫൈനൽ വിജയത്തിൽ ഒരു തകർപ്പൻ ഗോൾ നേടിയപ്പോൾ യൂറോയിൽ സ്‌കോർ ചെയ്യുന്ന ഏറ്റവും പ്രായം കുറഞ്ഞ കളിക്കാരനായി യമൽ മാറിയിരുന്നു. എന്നാൽ 71 ആം മിനുട്ടിൽ 18-കാരനായ ഫോർവേഡ് ജോർജ്ജ് ഇലനിഖേന നേടിയ ഗോളിൽ മോണൊക്കെ വിജയം സ്വന്തമാക്കി.
യുവേഫ ചാമ്പ്യന്‍സ് ലീഗില്‍ ആഴ്സണലിന് സമനിലത്തുടക്കം. ടൂര്‍ണമെന്റിലെ ആദ്യ മത്സരത്തില്‍ ഇറ്റാലിയൻ ക്ലബ് അറ്റ്‌ലാന്റയ്‌ക്കെതിരെ ഗോള്‍രഹിത സമനില വഴങ്ങിയിരിക്കുകയാണ് ആഴ്സണൽ.ഗോള്‍കീപ്പര്‍ ഡേവിഡ് റയയുടെ അവിശ്വസനീയ പെനാല്‍റ്റി സേവാണ് ആഴ്സണലിന് സമനില സമ്മാനിച്ചത്.51-ാം മിനിറ്റിൽ മറ്റെയോ റെറ്റെഗുയിയുടെ സ്പോട്ട് കിക്ക് തടയാൻ സ്പാനിഷ് താരം രായ വലതുവശത്തേക്ക് താഴ്ന്ന് ഡൈവ് ചെയ്തു, തുടർന്ന് മുന്നേറ്റത്തിൻ്റെ ഫോളോ അപ്പ് ഹെഡർ തട്ടിയകറ്റി തൻ്റെ ടീമിന്റെ രക്ഷകനായി മാറി. അറ്റലാന്റയുടെ ബ്രസീലിയന്‍ മിഡ്ഫീല്‍ഡര്‍ എഡേഴ്‌സണെ, തോമസ് പാര്‍ട്ടി വീഴ്ത്തിയതിനായിരുന്നു റഫറി പെനാല്‍റ്റി വിധിച്ചത്. പരിക്കേറ്റ ക്യാപ്റ്റൻ മാർട്ടിൻ ഒഡെഗാർഡ് ഇല്ലാതെ ആഴ്സണൽ മികച്ച പ്രകടനം പുറത്തെടുത്തില്ലെങ്കിലും രായയുടെ മികവിന് ഒരു പോയിൻ്റുമായി അവർ ലണ്ടനിലേക്ക് മടങ്ങി.
ജര്‍മ്മന്‍ ചാമ്പ്യന്മാരായ ബയര്‍ ലെവര്‍കൂസന് ഡച്ച് ക്ലബ്ബായ ഫെയനൂര്‍ദിനെതിരെ നളന് ഗോളിന്റെ വമ്ബൻ ജയം സ്വന്തമാക്കി.തൻ്റെ ചാമ്പ്യൻസ് ലീഗ് അരങ്ങേറ്റത്തിൽ തന്നെ ഫ്ലോറിയൻ വിർട്സ് രണ്ട് ഗോളുകൾ നേടി, അലെജാൻഡ്രോ ഗ്രിമാൽഡോയും സ്കോർഷീറ്റിൽ ഇടം നേടി, ഒരു സെൽഫ് ഗോളും അടക്കം ലെവർകൂസൻ ഹാഫ് ടൈമിൽ 4-0ന് മുന്നിലായിരുന്നു.കഴിഞ്ഞ സീസണിൽ ഡച്ച് ലീഗ് റണ്ണേഴ്‌സ് അപ്പായ ഫെയ്‌നൂർഡ് കോച്ച് ആർനെ സ്ലോട്ട് ലിവർപൂളിലേക്ക് പോയതിനുശേഷം ഈ കാമ്പെയ്‌നിൽ ഫോം കണ്ടെത്താൻ പാടുപെടുകയാണ്.
മറ്റൊരു മത്സരത്തിൽ അത്ലറ്റിക്കോ മാഡ്രിഡ് ഒന്നിനെതിരെ രണ്ടു ഗോളുകൾക്ക് RB ലെപ്‌സിഗിനെന് തോൽപ്പിച്ചു.അതിവേഗ പ്രത്യാക്രമണത്തിനൊടുവിൽ സ്‌ട്രൈക്കർ ബെഞ്ചമിൻ സെസ്‌കോയുടെ ഹെഡറിൽ നാലാം മിനിറ്റിൽ ജർമ്മൻ ക്ലബ് ഞെട്ടിക്കുന്ന ലീഡ് നേടി.28-ാം മിനിറ്റിൽ അൻ്റോയിൻ ഗ്രീസ്മാൻ നേടിയ ഗോളിൽ അത്ലറ്റികോ സമനില പിടിച്ചു.90-ാം മിനിറ്റിൽ ഗ്രീസ്മാൻ നൽകിയ ക്രോസിൽ ഗിമെനെസ് ഹെഡറിലൂടെ നേടിയ ഗോൾ അത്ലറ്റികോക്ക് വിജയം നേടികൊടുത്തു.ഒക്ടോബറിൽ നടക്കുന്ന രണ്ടാം ചാമ്പ്യൻസ് ലീഗ് മത്സരത്തിൽ ലെപ്സിഗ് ടൂറിനിൽ യുവൻ്റസിനെ നേരിടുമ്പോൾ ബെൻഫിക്കയെ നേരിടാൻ അത്ലറ്റിക്കോ ലിസ്ബണിലേക്ക് പോകും.