ലയണൽ മെസ്സി തന്റെ ഭാവിയെക്കുറിച്ച് അടുത്തയാഴ്ച തീരുമാനിക്കുമെന്ന് ബാഴ്‌സലോണ മാനേജർ സാവി ഹെർണാണ്ടസ് |Lionel Messi

ലയണൽ മെസ്സി തന്റെ ഭാവിയെക്കുറിച്ച് അടുത്തയാഴ്ച തീരുമാനിക്കുമെന്ന് ബാഴ്‌സലോണ മാനേജർ സാവി ഹെർണാണ്ടസ് അറിയിച്ചു. ഏഴ് തവണ ബാലൺ ഡി ഓർ ജേതാവ് അടുത്ത ആഴ്ച ഫ്രഞ്ച് ഭീമന്മാർക്ക് വേണ്ടി തന്റെ അവസാന മത്സരം കളിക്കുമെന്ന് അവരുടെ മാനേജർ ക്രിസ്റ്റോഫ് ഗാൽറ്റിയറും സ്ഥിരീകരിച്ചതിനാൽ അർജന്റീനിയൻ ഫോർവേഡ് പാരീസ് സെന്റ് ജെർമെയ്ൻ വിടുമെന്ന് ഉറപ്പായിരിക്കുകയാണ്.

സൗദി അറേബ്യയിൽ നിന്ന് ഓഫറുകൾ ഉള്ളതിനാൽ പിഎസ്‌ജിയുമായുള്ള കരാർ നീട്ടേണ്ടതില്ലെന്ന് മെസ്സി തീരുമാനിച്ചു, അതേസമയം ബാഴ്‌സലോണയും തങ്ങളുടെ ഇതിഹാസ താരത്തെ തിരികെയെത്താനുള്ള ആഗ്രഹം തുറന്നുപറഞ്ഞു. എന്നാൽ കറ്റാലൻ ഭീമന്മാർ ലാ ലിഗ ഒരു സാമ്പത്തിക ലാഭക്ഷമതാ പദ്ധതി അംഗീകരിക്കുന്നതിനായി കാത്തിരിക്കുകയാണ്.മെസ്സിക്ക് ബാഴ്‌സലോണയിൽ ചേരാനുള്ള വാതിലുകൾ തുറന്നിട്ടുണ്ടെന്ന് സാവി പറഞ്ഞു, എന്നാൽ ആദ്യം പിഎസ്ജിയിൽ തന്റെ സീസൺ പൂർത്തിയാക്കാൻ ആഗ്രഹിക്കുന്നുവെന്നും കരാർ അവസാനിക്കുമ്പോൾ അതിനെക്കുറിച്ച് സംസാരിക്കാമെന്നും നിർദ്ദേശിച്ചു.

“ഞാൻ ഇതിനകം പലതവണ പറഞ്ഞിട്ടുണ്ട് മെസ്സിക്ക് ഇവിടെ വാതിലുകൾ തുറന്നിരിക്കുന്നു, ഞാൻ പരിശീലകനാണ് അദ്ദേഹം വരാൻ തീരുമാനിച്ചാൽ ഞങ്ങളെ സഹായിക്കുമെന്ന് എനിക്കറിയാം, പക്ഷേ അവനെ വെറുതെ വിടണമെന്ന് ഞാൻ കരുതുന്നു. മെസ്സി അവിടെ സീസൺ അവസാനിപ്പിക്കുന്നു, അയാൾക്ക് പാരീസ് സെന്റ് ജെർമെയ്നിനോട് വളരെയധികം ബഹുമാനമുണ്ട് ഏറ്റവും മികച്ച രീതിയിൽ പൂർത്തിയാക്കാൻ ആഗ്രഹിക്കുന്നു. കരാർ പൂർത്തിയായതിനു ശേഷം പിന്നെ എവിടെ പോകണം, എവിടെ അവസാനിപ്പിക്കണം എന്ന് പറയാനുള്ള എല്ലാ അവകാശവും മെസിക്കുണ്ട്” സാവി മുണ്ടോ ഡിപോർട്ടീവോയോട് പറഞ്ഞു.

“ഉയർന്ന തലത്തിൽ തുടരാൻ അദ്ദേഹത്തിന് ഫുട്ബോൾ ഉണ്ടെന്നും അദ്ദേഹം ബാഴ്സയിൽ വരാനാണ് എല്ലാ കറ്റാലന്മാരും ആഗ്രഹിക്കുന്നത് വാതിലുകൾ തുറന്നിരിക്കുന്നു.അദ്ദേഹം നന്നായി ചെയ്യുമെന്ന് എനിക്ക് ബോധ്യമുണ്ട്, ”സാവി പറഞ്ഞു.തന്റെ ഭാവിയെക്കുറിച്ച് അടുത്തയാഴ്ച തീരുമാനമെടുക്കുമെന്ന് മെസ്സി അറിയിച്ചതായി ബാഴ്‌സലോണ മാനേജർ വ്യക്തമാക്കി.“അടുത്തയാഴ്ച അദ്ദേഹം ഒരു തീരുമാനമെടുക്കുമെന്നും എല്ലാവരും വെറുതെ വിടണമെന്നും അദ്ദേഹം എന്നോട് പറഞ്ഞു.അവസാനം അദ്ദേഹം അടുത്ത ആഴ്ച തീരുമാനിക്കും, ഇപ്പോൾ 200 അനുമാനങ്ങളുണ്ട്. അവസാനം മെസ്സി തന്റെ ഭാവി തീരുമാനിക്കും ഇവിടെ വാതിലുകൾ തുറന്നിരിക്കുന്നു, കൂടുതൽ ചർച്ചകളൊന്നുമില്ല” അദ്ദേഹം കൂട്ടിച്ചേർത്തു.