ജർമ്മൻ ഗോൾകീപ്പർ മാനുവൽ ന്യൂയർ ഇതുവരെ തിരിച്ചുവരാത്തതിനാൽ ബയേൺ മ്യൂണിക്ക് ഇപ്പോഴും ഫസ്റ്റ് ചോയ്സ് കീപ്പറെ തിരയുകയാണ്.മുൻ മാഞ്ചസ്റ്റർ യുണൈറ്റഡ് ഗോൾകീപ്പർ ഡേവിഡ് ഡി ഗിയയെ ടീമിലെത്തിക്കാനുള്ള ഒരുക്കത്തിലാണ് ബവേറിയൻ ഭീമൻമാർ.
ഡി ഗിയയയെ കൂടാതെ യുവന്റസ് കീപ്പർ വോയ്‌സിക് സ്‌സെസ്‌നിയിലും ബയേൺ താൽപ്പര്യമുള്ളവരാണ്.12 വർഷം ഓൾഡ് ട്രാഫോർഡിൽ ചെലവഴിച്ച ഡി ഗിയ ഈ സമ്മറിലാണ് മാഞ്ചസ്റ്റർ യുണൈറ്റഡ് വിട്ടു. ഈ വർഷം ആദ്യം ക്ലബ്ബുമായുള്ള കരാർ അവസാനിച്ചതിന് പിന്നാലെയാണ് സ്പെയിൻ ഗോൾകീപ്പർ മാഞ്ചസ്റ്റർ യുണൈറ്റഡ് വിട്ടത്. 2011-ൽ മാഞ്ചസ്റ്റർ യുണൈറ്റഡിൽ ചേർന്ന ഡി ഗിയ പ്രീമിയർ ലീഗിൽ 545 മത്സരങ്ങളിൽ 190 ക്ലീൻ ഷീറ്റുകൾ നേടി.
മാഞ്ചസ്റ്റർ യുണൈറ്റഡിലെ തന്റെ കാലത്ത്, ഡി ഗിയ പ്രീമിയർ ലീഗ്, എഫ്എ കപ്പ്, യുവേഫ യൂറോപ്പ ലീഗ്, രണ്ട് കാരബാവോ കപ്പ് കിരീടങ്ങൾ എന്നിവ നേടിയിട്ടുണ്ട്. വ്യക്തിഗത റെക്കോർഡുകളുടെ അടിസ്ഥാനത്തിൽ, 32-കാരൻ രണ്ട് പ്രീമിയർ ലീഗ് ഗോൾഡൻ ഗ്ലോവ് അവാർഡുകളും നാല് പ്ലെയേഴ്‌സ് പ്ലെയർ ഓഫ് ദി ഇയർ അവാർഡുകളും നേടി. ഡി ഗിയക്ക് നിലവിൽ ക്ലബ് ഇല്ലാത്തതിനാൽ ബയേൺ മ്യൂണിക്കിന് സുഗമമായി താരത്തെ സ്വന്തമാക്കാം.കഴിഞ്ഞ വർഷം ഡിസംബറിൽ നടന്ന അപകടം മൂലം ക്ലബ് ഇതിഹാസം ന്യൂയർ കളിക്കളത്തിൽ നിന്ന് വിട്ടുനിൽക്കുകയായിരുന്നു.
Bayern Munich 'interested' in former Manchester United goalkeeper David de Gea pic.twitter.com/qkTBEWjgJM
— Sky Sports Premier League (@Sky_SportPL) July 26, 2023
സ്കീയിങ്ങിനിടെ വലതു കാലിലെ ടിബിയയ്ക്കും ഫിബുലയ്ക്കും ഒടിവുണ്ടായതിനാൽ 2022-23 സീസണിൽ നിന്ന് അദ്ദേഹത്തെ ഒഴിവാക്കി.ന്യൂയറിന്റെ പരിക്ക് സൃഷ്ടിച്ച ശൂന്യത നികത്താൻ ബുണ്ടസ്ലിഗ ചാമ്പ്യന്മാർ ബൊറൂസിയ മോൺചെൻഗ്ലാഡ്ബാച്ചിന്റെ യാൻ സോമറിനെ സ്വന്തമാക്കിയിരുന്നു.സോമർ ഇതുവരെ 25 ഗെയിമുകളിൽ ബയേൺ മ്യൂണിക്കിനെ പ്രതിനിധീകരിച്ചിട്ടുണ്ട്, ഒന്നിലധികം മാധ്യമ റിപ്പോർട്ടുകൾ പ്രകാരം, സ്വിസ് ഇന്റർനാഷണൽ നിലവിൽ സീരി എ ക്ലബായ ഇന്റർ മിലാനിലേക്ക് പോവാൻ ഒരുങ്ങുകയാണ്.ന്യൂയർ തിരിച്ചെത്തിയാൽ ബയേൺ മ്യൂണിക്കിൽ ഒരു ബെഞ്ച്‌വാമർ ആകാൻ 34-കാരൻ ആഗ്രഹിക്കുന്നില്ല.