“വിശ്രമമില്ലാതെ പരിശ്രമിച്ചാൽ വിജയം പിന്തുടരും എന്നതിന്റെ ഉദാഹരണമാണ് ബ്ലാസ്റ്റേഴ്‌സ് ഇന്നലെ നേടിയ ജയം”
വിജയം ഉറപ്പിക്കി തന്നെയാണ് കേരള ബ്ലാസ്റ്റേഴ്‌സ് ഇന്നലെ നിർണായക മത്സരത്തിൽ ചെന്നൈക്കെതിരെ ഇറങ്ങിയത്. എല്ലാ തരത്തിലും എതിരാളികളെ ബഹുദൂരം പിന്നിലാക്കിയാണ് ബ്ലാസ്റ്റേഴ്‌സ് ഇന്നലെ ജയിച്ചു കയറിയത്. പെരേര ഡയസിന്റെ ഇരട്ട ഗോളും ലൂണയുടെ തകർപ്പൻ ഗോളുമാണ് ബ്ലാസ്റ്റേഴ്സിന്റെ ജയം അനായാസമാക്കിയത്. വിജയത്തോടെ പ്ലെ ഓഫ് പ്രതീക്ഷകൾ സജീവമാക്കിയ ബ്ലാസ്റ്റേഴ്‌സ് ഇനിയുള്ള രണ്ടു മത്സരങ്ങളും വിജയിച്ചു മുന്നേറാനുള്ള ഒരുക്കങ്ങൾ ഇപ്പോൾ തന്നെ ആരംഭിച്ചു കഴിഞ്ഞിരിക്കുകയാണ്. മാർച്ച് രണ്ടിന് നടക്കുന്ന മുംബൈക്കെതിരെ നടക്കുന്ന മത്സരമാണ് ബ്ലാസ്റ്റേഴ്സിന്റെ വിധി നിര്ണയിക്കുന്നത്.
ചെന്നൈയിൻ എഫ്‌സിക്കെതിരെ കേരള ബ്ലാസ്റ്റേഴ്‌സ് മികച്ച മനോഭാവവും ആത്മവിശ്വാസവും പ്രകടിപ്പിച്ചു. നിരവധി അവസരങ്ങൾ ബ്ലാസ്റ്റേഴ്‌സ് സൃഷ്ടിച്ചെങ്കിലും ആദ്യ പകുതിയിൽ ഭാഗ്യം ഇല്ലാത്ത കൊണ്ട് മാത്രമാണ് ഗോൾ നേടാൻ സാധിക്കാതിരുന്നത്.പെരേര ഡിയസിന് തുടർച്ചയായി മികച്ച ഓപ്പണിംഗുകൾ ലഭിച്ചെങ്കിലും അവ പരിവർത്തനം ചെയ്യാൻ അദ്ദേഹത്തിന് കഴിഞ്ഞില്ല.ഒന്നും ശരിയാകാത്ത ആ ദിവസങ്ങൾ നമുക്കെല്ലാമുണ്ട്, എന്നാൽ വിശ്രമമില്ലാതെ പരിശ്രമിച്ചാൽ വിജയം പിന്തുടരും എന്ന തത്വത്തിൽ വിശ്വസിച്ച ഡയസ് രണ്ടാം പകുതിയിൽ ആഞ്ഞടിച്ചു.
രണ്ടാം പകുതിയിലെ രണ്ട് ഗോളുകളും ഡയസിന്റെ കഠിനാധ്വാനത്തിനുള്ള പ്രതിഫലമായിരുന്നു.ലീഡ് നേടിയ ശേഷം, ടീമിനെ കൂടുതൽ മികച്ചതാക്കാൻ കോച്ച് ഇവാൻ വുകോമാനോവിച്ച് ചില തന്ത്രപരമായ മാറ്റങ്ങൾ വരുത്തി.അൽവാരോ വാസ്‌ക്വസിനെ ഒരു അറ്റാക്കിംഗ് മിഡ്‌ഫീൽഡറായി വിന്യസിച്ചു, അതേസമയം അഡ്രിയാൻ ലൂണയോട് പ്രതിരോധത്തിനും മധ്യനിരക്കും ഇടയിലുള്ള സ്‌പെയ്‌സിലേക്ക് ഇറങ്ങാൻ ആവശ്യപ്പെട്ടു. മുന്നിൽ, ഭൂട്ടാനീസ് ടാർഗെറ്റ് മാൻ ചെഞ്ചോ ഗിൽറ്റ്‌ഷെനൊപ്പം രാഹുലും എത്തി.എഫ്‌സി ഗോവയ്ക്കും മുംബൈ സിറ്റി എഫ്‌സിക്കുമെതിരായ നിർണായക മത്സരങ്ങളിൽ മികച്ച കോമ്പിനേഷനുകൾ ഉണ്ടാക്കാനാണ് കോച്ച് ഇങ്ങനെ ചെയ്തതെന്ന് മനസ്സിലാക്കാൻ സാധിക്കും.
ബ്ലാസ്റ്റേഴ്സിന്റെ പ്രകടനങ്ങൾ ഒരു തുടക്കം മാത്രമായാണ് താൻ കണക്കാക്കുന്നത് എന്ന് പരിശീലകൻ ഇവാൻ പറഞ്ഞു.കുറച്ച് മാസങ്ങൾ ഒരുമിച്ച് കളിച്ചപ്പോൾ ൽകളിക്കാർ പരസ്പരം അറിഞ്ഞു വരികയാണ്, അവർ ലീഗുമായി പൊരുത്തപ്പെടുന്നു, അവർ നല്ല താളത്തിലായി, ഞങ്ങൾ ഇത് ഒരു തുടക്കമായാൺ കണാക്കാക്കുന്നത്. ഇത് ആരംഭം മാത്രം കോച്ച് പറഞ്ഞു.ഇവരെല്ലാം ഒരുമിച്ച് കളിക്കളത്തിൽ കളിക്കുന്നത് കാണുമ്പോൾ അഭിമാനം തോന്നും. ഇത് എന്നെ സന്തോഷിപ്പിക്കുന്നു, കാരണം അതാണ് ഫുട്ബോൾ. ഇത്തരത്തിലുള്ള കാര്യങ്ങൾ അടുത്ത സീസണിലും തുടരാൻ ഞങ്ങൾ ആഗ്രഹിക്കുന്നു അദ്ദേഹം കൂട്ടിച്ചേർത്തു.
