ലാലിഗ സീസൺ അവസാനിക്കുന്നത് വരെ കാർലോ ആൻസലോട്ടിക്കായി ബ്രസീൽ കാത്തിരിക്കും

ദേശീയ ടീമിന്റെ മുഖ്യ പരിശീലകനാകാൻ ബ്രസീലിയൻ ഫുട്ബോൾ ഫെഡറേഷൻ തെരഞ്ഞെടുത്തത് നിലവിലെ റയൽ മാഡ്രിഡ് പരിശീലകൻ കാർലോ ആൻസലോട്ടിയെയാണ്.പരിശീലകനറെ ഉത്തരത്തിനായി സ്പാനിഷ് ആഭ്യന്തര സീസണിന്റെ അവസാനം വരെ കാത്തിരിക്കാൻ സിബിഎഫ് തയ്യാറാണ്.റയൽ മാഡ്രിഡ് പരിശീലകൻ ബ്രസീലിന്റെ ഒന്നാം നമ്പർ ഓപ്ഷനായി തുടരുമെന്ന് സിബിഎഫ് പ്രസിഡന്റ് എഡ്നാൾഡോ റോഡ്രിഗസ് സ്ഥിരീകരിച്ചു.

” ലാ ലീഗ് അവസാനിക്കുന്നത് വരെ ഞങ്ങൾ കാത്തിരിക്കും. ഇതിനകം ബാഴ്സലോണ കിരീടം നേടിയിട്ടുണ്ട് , പക്ഷേ മത്സരം അവസാനിക്കുന്നത് വരെ ഞങ്ങൾ കാത്തിരിക്കും”റോഡ്രിഗസ് പറഞ്ഞു.ബ്രസീലിയൻ ദേശീയ ടീമിന്റെ ഭാവി രൂപപ്പെടുത്താൻ സഹായിക്കുന്ന ഒരാളായാണ് അൻസെലോട്ടിയെ കാണുന്നത് എന്ന് സിബിഎഫ് പറഞ്ഞു.അദ്ദേഹം വളരെ ഉയർന്ന പരിഗണനയിലാണ്, നിലവിലെ അന്താരാഷ്ട്ര കളിക്കാരിൽ പലരെയും അദ്ദേഹത്തിന് ഇതിനകം അറിയാമെന്നത് ഒരു ബോണസാണ്.

“സീനിയർ ടീമിന് മാത്രമല്ല, പ്രായപൂർത്തിയാകാത്ത ടീമുകൾക്കും, അതായത് അണ്ടർ 23, അണ്ടർ 20, അണ്ടർ 17 എന്നിവയ്‌ക്കായി ഒരു പ്രോജക്റ്റ് ഉള്ള ഒരാളെ ഞങ്ങൾ ആഗ്രഹിക്കുന്നു,” റോഡ്രിഗസ് വിശദീകരിച്ചു.”ആൻസലോട്ടി ആ കാഴ്ചപ്പാടുള്ള ഒരു പരിശീലകനാണ്, പുതിയ പ്രതിഭകളെ കളിക്കാൻ ധൈര്യമുണ്ട്.അതുകൊണ്ടാണ് ബ്രസീലിന് ഉയർന്ന കഴിവുള്ള നിരവധി പരിശീലകരുണ്ടെങ്കിലും അൻസെലോട്ടിയെ തെരഞ്ഞെടുത്തത്”റോഡ്രിഗസ് വിശദീകരിച്ചു.ജൂണിൽ കാര്യങ്ങളെക്കുറിച്ച് വ്യക്തമായ ധാരണ ലഭിക്കുമെന്ന് സിബിഎഫ് പ്രതീക്ഷിക്കുന്നു.

എന്നാൽ ആൻസലോട്ടി പ്ലാൻ എ ആണെങ്കിൽ, പ്ലാൻ ബി അല്ലെങ്കിൽ പ്ലാൻ സി ആരായിരിക്കാം?ഡോറിവൽ ജൂനിയർ, ഫെർണാണ്ടോ ദിനിസ് തുടങ്ങിയ ചില ബ്രസീലിയൻ പേരുകൾ ഒപ്പം പോർച്ചുഗീസ് കോച്ച് ആബേൽ ഫെരേരയും ലിസ്റ്റിലുണ്ട്.സെപ്റ്റംബറിൽ അടുത്ത ലോകകപ്പിനുള്ള യോഗ്യതാ കാമ്പെയ്‌നിൽ പുതിയ പരിശീലകന് കീഴിലാവും ബ്രസീൽ ഇറങ്ങുക.