‘കൈലിയൻ എംബാപ്പെ റയൽ മാഡ്രിഡിലേക്കോ ?’ : പ്രതികരണവുമായി പരിശീലകൻ കാർലോ ആഞ്ചലോട്ടി | Real Madrid | Kylian Mbappe

താനും തൻ്റെ ടീമും നിലവിൽ കൈലിയൻ എംബാപ്പെയെ ചുറ്റിപ്പറ്റിയുള്ള ക്ലബിലേക്കുള്ള ട്രാൻസ്ഫർ റിപ്പോർട്ടുകളെക്കുറിച്ച് ചിന്തിക്കുന്നില്ലെന്നും ജൂൺ 1-ന് നടക്കാനിരിക്കുന്ന യുവേഫ ചാമ്പ്യൻസ് ലീഗ് ഫൈനലിലാണ് തങ്ങളുടെ ശ്രദ്ധ മുഴുവൻ എന്നും റയൽ മാഡ്രിഡ് മാനേജർ കാർലോ ആൻസലോട്ടി പറഞ്ഞു. കഴിഞ്ഞ ദിവസം നടന്ന ലീഗ് മത്സരത്തിൽ ന് ഗ്രാനഡക്കെതിരെ നാല് ഗോളുകളുടെ വിജയം റയൽ മാഡ്രിഡ് നേടിയിരുന്നു.

ജൂൺ 2 ന് ബൊറൂസിയ ഡോർട്ട്മുണ്ടിനെതിരായ ചാമ്പ്യൻസ് ലീഗ് ഫൈനലിനുള്ള തയ്യാറെടുപ്പിലാണ് റയൽ മാഡ്രിഡ്.ഈ സീസൺ അവസാനത്തോടെ പിഎസ്ജി വിടാനുള്ള എംബാപ്പെയുടെ തീരുമാനം ഫുട്ബോൾ ലോകത്ത് വീണ്ടും വലിയ കോളിളക്കം സൃഷ്ടിച്ചിരിക്കുകയാണ്.ഫ്രഞ്ച് തലസ്ഥാനത്ത് തൻ്റെ കരാർ നീട്ടുന്നില്ലെന്ന് പ്രഖ്യാപിച്ച് എംബാപ്പെ തൻ്റെ പിഎസ്ജി ടീമംഗങ്ങൾക്കും സ്റ്റാഫിനും ആരാധകർക്കും ഒരു വിടവാങ്ങൽ സന്ദേശം പോസ്റ്റ് ചെയ്തു.

എംബാപ്പെ തൻ്റെ തീരുമാനം വെളിപ്പെടുത്തിയ ഉടൻ താരത്തിന്റെ റയൽ മാഡ്രിഡിലേക്കുള്ള ട്രാൻസ്ഫറുമായി ബന്ധപ്പെട്ട വാർത്തകൾ പുറത്ത് വരാൻ തുടങ്ങി. എന്നാൽ 15-ാമത് യുസിഎൽ ട്രോഫി നേടുകയെന്ന ലക്ഷ്യത്തിൽ നിന്ന് റയൽ മാഡ്രിഡ് വ്യതിചലിക്കുന്നില്ലെന്ന് ലീഗിലെ തൻ്റെ ടീമിൻ്റെ വിജയത്തിന് ശേഷം ആൻസലോട്ടി വ്യക്തമാക്കി.“ഇത് ഇപ്പോൾ ഞാൻ കണക്കിലെടുക്കാത്ത ഒരു പ്രശ്നമാണ്.

ഞങ്ങൾക്ക് ഒരുപാട് കാര്യങ്ങൾ ചെയ്യാനുണ്ട്: ഇന്ന് ഞങ്ങൾ കളിച്ചു.ജൂൺ 1 വരെ, ഞങ്ങൾ എന്താണ് ചിന്തിക്കേണ്ടതെന്ന് ഞങ്ങൾക്ക് വളരെ വ്യക്തമാണ്” അൻസലോട്ടി പറഞ്ഞു.UCL ക്വാർട്ടർ ഫൈനലിലും സെമി ഫൈനലിലും യഥാക്രമം മാഞ്ചസ്റ്റർ സിറ്റി, ബയേൺ എന്നിവരെ പരാജയപ്പെടുത്തിയ ശേഷമാണ് റയൽ ഫൈനലിൽ സ്ഥാനം നേടിയത്.