ചെൽസിയെയും ആരാധകരെയും ഞെട്ടിച്ച അഭിമുഖമായിരുന്നു സ്റ്റാർ സ്‌ട്രൈക്കർ റൊമേലു ലുക്കാക്കുവിന്റേത്.കഴിഞ്ഞ ആഴ്‌ച സ്കൈ ഇറ്റാലിയയ്‌ക്ക് നൽകിയ അനധികൃത അഭിമുഖത്തിൽ തന്റെ വിവാദ പരാമർശങ്ങളുടെ പേരിൽ ബൽജിയൻ ബ്ലൂസ് ടീമിൽ താത്കാലികമായി പുറത്തായിരുന്നു. എന്നാൽ കഴിഞ്ഞ ദിവസം സ്‌ട്രൈക്കർ റൊമേലു ലുക്കാക്കുവും മാനേജർ തോമസ് ടുച്ചലും തമ്മിൽ നടന്ന ചർച്ചയിൽ പ്രശ്നനങ്ങൾ പരിഹരിക്കുകയും ചെയ്തു.
ഇന്ന് നടക്കുന്ന കാരബാവോ കപ്പ് സെമിഫൈനലിന്റെ ആദ്യ പാദത്തിൽ ചെൽസി ആതിഥേയരായ ടോട്ടൻഹാം ഹോട്‌സ്പറിനെ നേരിടുമ്പോൾ റൊമേലു ലുക്കാക്കു ടീമിലേക്ക് മടങ്ങിവരും.റൊമേലു ലുക്കാക്കുവുമായുള്ള പ്രശ്‌നങ്ങള്‍ പരിഹരിച്ചുത്തോടെ കാരബാവോ കപ്പിനുള്ള ടീമില്‍ ലുക്കാക്കുവിനെ ഉള്‍പ്പെടുത്തുമെന്നും ടുഷേല്‍ പറഞ്ഞു. രാത്രി ഒന്നേകാലിനാണ് മത്സരം നടക്കുന്നത്. ചെല്‍സിയുടെ മൈതാനത്താണ് മത്സരം.
റൊമേലു ലുക്കാക്കു ചെൽസി ബോസ് തോമസ് ടുച്ചലിന്റെ സംവിധാനത്തെ ചോദ്യം ചെയ്യുകയും ഒരു ദിവസം തന്റെ പഴയ ക്ലബായ ഇന്റർ മിലാനിലേക്ക് മടങ്ങിവരുമെന്ന് താൻ പ്രതീക്ഷിക്കുന്നതായി വെളിപ്പെടുത്തുകയും ചെയ്തു.റൊമേലു ലുക്കാക്കുവിന്റെ ഈ വാക്കുകളാണ് പ്രശ്‌നങ്ങള്‍ക്ക് തുടക്കമിട്ടത്.ഇതിന് പിന്നാലെ ലിവര്‍പൂളുമായുള്ള നിര്‍ണായക മത്സരത്തിനുള്ള ടീമില്‍ നിന്ന് ലുക്കാക്കുവിനെ ടുഷേല്‍ ഒഴിവാക്കി. ടീം മാനേജ്‌മെന്റ് ഇടപെട്ട് നടത്തിയ ചര്‍ച്ചയില്‍ ലുക്കാക്കു മാപ്പ് പറഞ്ഞതോടെയാണ് പ്രശ്‌നങ്ങള്‍ക്ക് പരിഹാരമായത്.
ചെൽസിയുടെ ഡയറക്ടറായ മറീന ഗ്രാനോവ്‌സ്കായ, ലുക്കാക്കുവിനേയും തുഷേലിനെയും അന്തരീക്ഷം ക്ലിയർ ചെയ്യാൻ സഹായിക്കുന്നതിൽ പ്രധാന പങ്കുവഹിച്ചതായി റിപ്പോർട്ടുകൾ സൂചിപ്പിക്കുന്നു. വർദ്ധിച്ചുവരുന്ന പരിക്കുകളും കോവിഡ് -19 ബാധയും കണക്കിലെടുത്ത് ലുക്കാക്കുവിന്റെ തിരിച്ചുവരവ് ബ്ലൂസിന് ഗണ്യമായ ഉത്തേജനം നൽകും.
“I’m sorry, guys”. Romelu Lukaku official message to Chelsea fans shared by club channels 🔵⤵️ #CFC pic.twitter.com/7m3vfvXDfR
— Fabrizio Romano (@FabrizioRomano) January 4, 2022
അതേസമയം, കഴിഞ്ഞ സീസണിൽ ഇന്റർ മിലാനിൽ സീരി എ നേടിയ റൊമേലു ലുക്കാക്കു ബുധനാഴ്ചത്തെ മത്സരം കളിക്കുമെന്ന് ടോട്ടൻഹാം മാനേജർ അന്റോണിയോ കോണ്ടെ പ്രത്യാശ പ്രകടിപ്പിച്ചു. “എല്ലാ കളിക്കാരും ലഭ്യമായ ഒരു ടീമിനെതിരെ കളിക്കുന്നത് എല്ലായ്പ്പോഴും നല്ല കാര്യമാണെന്ന് ഞാൻ കരുതുന്നു. കളി കാണുന്ന ആളുകൾക്ക്, മികച്ച കളിക്കാരെ പിച്ചിൽ കാണുന്നത് നല്ലതാണെന്ന് ഞാൻ കരുതുന്നു,” ഇറ്റാലിയൻ പറഞ്ഞു. ഇന്റർ മിലാനിലെ രണ്ടു വർഷത്തെ ജീവിതം അവസാനിപ്പിച്ച് 28-കാരനായ സ്‌ട്രൈക്കർ 97.5 മില്യൺ പൗണ്ടിന്റെ ക്ലബ്ബ് റെക്കോർഡിനായി ചെൽസിയിലേക്ക് മാറി. ഈ സീസണിൽ ചെൽസിക്ക് വേണ്ടി റൊമേലു ലുക്കാക്കു 18 മത്സരങ്ങൾ കളിച്ചു, ഏഴ് ഗോളുകൾ നേടി,