❝ആർക്കും റൊണാൾഡോയെ വേണ്ട , മാഞ്ചസ്റ്റർ യുണൈറ്റഡിനും 37 കാരനെ വേണമെന്ന് എനിക്ക് ഉറപ്പില്ല❞

ഇതിഹാസ സ്‌ട്രൈക്കർ ക്രിസ്റ്റ്യാനോ റൊണാൾഡോ റയൽ മാഡ്രിഡ് വിട്ടതിനുശേഷവും അദ്ദേഹം തന്റെ ഗോൾ സ്കോറിങ് തുടർന്ന് കൊണ്ടേയിരുന്നു. സ്പാനിഷ് ക്ലബ് വിട്ടതിനു ശേഷം എല്ലാം പോർച്ചുഗീസ് സൂപ്പർതാരത്തിന്റെ പ്ലാൻ അനുസരിച്ചാണോ നടന്നതെന്ന സംശയം എല്ലാവരിലുമുണ്ട്.

അഞ്ച് തവണ ബാലൺ ഡി ഓർ ജേതാവ് യുവന്റസിലേക്ക് മാറിയതിനെത്തുടർന്ന് 134 മത്സരങ്ങളിൽ നിന്ന് 101 ഗോളുകൾ നേടി. എന്നാൽ ചാമ്പ്യൻസ് ലീഗിൽ നിരാശാജനകമായ പ്രകടനമാണ് താരത്തിൽ നിന്നും ഉണ്ടായത്.കൂടാതെ പത്ത് വർഷത്തിനിടെ ആദ്യമായി യുവന്റസ് സീരി എ കിരീടം കൈവിടുമ്പോൾ 37-കാരൻ അവിടെ ഉണ്ടായിരുന്നു.കഴിഞ്ഞ വര്ഷം വേനൽക്കാലത്ത് പ്രീമിയർ ലീഗിലേക്ക് മടങ്ങിയതിന് ശേഷം റൊണാൾഡോ മാഞ്ചസ്റ്റർ യുണൈറ്റഡിനായി 24 ഗോളുകൾ കൂടി ചേർത്തു.എന്നിരുന്നാലും അവർക്ക് ആറാം സ്ഥാനത്തേക്ക് മാത്രമേ എത്താൻ സാധിച്ചുള്ളൂ.

ഈ സീസണിൽ ചാമ്പ്യൻസ് ലീഗ് എന്ന ലക്ഷ്യം മുൻ നിർത്തി ക്ലബ് വിടാനുള്ള ആഗ്രഹം അദ്ദേഹം പല തവണ യുണൈറ്റഡിനെ അറിയിക്കുകയും ചെയ്തു. റൊണാൾഡോ പ്രീസീസൺ ഗെയിമിൽ മാത്രമാണ് യുണൈറ്റഡിന് വേണ്ടി കളിച്ചത്.റെഡ് ഡെവിൾസിൽ നിന്ന് പുറത്തുപോകാനുള്ള റൊണാൾഡോയുടെ ഉദ്ദേശ്യത്തെയും പെരുമാറ്റത്തെയും പല ഫുട്ബോൾ പണ്ഡിറ്റുകളും ചോദ്യം ചെയ്യുന്നു. സ്‌കൈസ്‌പോർട്‌സ് പണ്ഡിതനായ ജാമി കാരാഗർ ചർച്ചയെ കൂടുതൽ മുന്നോട്ട് കൊണ്ടുപോയി, ഓൾഡ് ട്രാഫോർഡിലേക്കുള്ള തിരിച്ചുവരവിന് പിന്നിലെ യുക്തി താൻ ഒരിക്കലും കണ്ടിട്ടില്ലെന്ന് വിശദീകരിച്ചു, യൂറോപ്പിലെ മറ്റൊരു ക്ലബ്ബും ഈ 37-കാരനെ തങ്ങളുടെ ഡഗൗട്ടിൽ ആഗ്രഹിക്കുന്നില്ലെന്ന് കൂട്ടിച്ചേർത്തു.

“റൊണാൾഡോ ഒരു വിചിത്ര സൈനിംഗ് ആണെന്ന് ഞാൻ എപ്പോഴും കരുതുന്നു.റൊണാൾഡോ മാഞ്ചസ്റ്റർ യൂണൈറ്റഡിനായി മികച്ച പ്രകടനം നടത്തിയാലും ഈ സാഹചര്യം വരുമെന്ന് എനിക്ക് എപ്പോഴും തോന്നിയിരുന്നു” കാരഗർ മെട്രോയോട് പറഞ്ഞു.”ഈ സീസണിൽ അദ്ദേഹത്തിന് ഇപ്പോൾ 37- 38 വയസ്സുണ്ട്, റൊണാൾഡോ ഇപ്പോഴും ഒരു മികച്ച ഗോൾ സ്‌കോററാണ്, പക്ഷേ അവൻ അതേ കളിക്കാരനല്ല. ഈ നിമിഷം യൂറോപ്പിലെ മറ്റൊരു ക്ലബ്ബും അവനെ ആഗ്രഹിക്കുന്നില്ല” അദ്ദേഹം കൂട്ടിച്ചേർത്തു.

“എന്നാൽ യുണൈറ്റഡിന് അവനെ പുറത്താക്കാൻ കഴിയുമെന്ന് തോന്നുന്നില്ല, അതിനാൽ ഇപ്പോൾ മറ്റ് ക്ലബ്ബുകൾക്ക് അവനെ ആവശ്യമില്ല.നിങ്ങൾ ടെൻ ഹാഗിനോട് ചോദിച്ചാൽ, അയാൾക്ക് റൊണാൾഡോ വേണമെന്ന് ഞാൻ കരുതുന്നില്ല. മാഞ്ചസ്റ്റർ യുണൈറ്റഡിലെ ഡ്രസ്സിംഗ് റൂമിന് ഇപ്പോൾ ക്രിസ്റ്റ്യാനോ റൊണാൾഡോയെ വേണമെന്ന് എനിക്ക് ഉറപ്പില്ല” കരാഗർ പറഞ്ഞു.