അർജന്റീന യുവതാരത്തെ വാനോളം പുകഴ്ത്തി ലയണൽ മെസ്സി. ഇന്ന് അർജന്റീനയും ഇക്വേഡറും തമ്മിൽ നടന്ന ലോകകപ്പ് യോഗ്യത മത്സരത്തിനു ശേഷമാണ് യുവതാരം ക്രിസ്ത്യൻ റോമേരൊയെ മെസ്സി വാനോളം പുകഴ്ത്തിയത്. ഇന്ന് നടന്ന ലോകകപ്പ് യോഗ്യത മത്സരത്തിൽ ഏക ഗോളിന് അർജന്റീന പരാജയപ്പെടുത്തിയത്.
78 ആം മിനിറ്റിൽ ലയണൽ മെസ്സി നേടിയ ഫ്രീകിക്കാണ് അർജന്റീനയെ വിജയത്തിലെത്തിച്ചത്. മത്സരത്തിൽ മികച്ച പ്രകടനമാണ് റോമേരൊ കാഴ്ചവച്ചത്. പ്രതിരോധനിലയിൽ മിന്നും പ്രകടനം കാഴ്ചവച്ച താരം ഇക്വഡറിന്റെ പല നീക്കങ്ങളും നിഷ്പ്രഭമാക്കിയിരുന്നു. ഇതിന് പിന്നാലെയാണ് യുവ താരത്തിന് മെസ്സിയുടെ പ്രശംസയെത്തിയത്. അവൻ ലോകത്തിലെ തന്നെ ഏറ്റവും മികച്ച പ്രതിരോധനിരതാരമാണെന്നാണ് മെസ്സിയുടെ പ്രശംസ.
പ്രീമിയർ ലീഗ് ക്ലബ് ടോട്ടൻ ഹാം ഹോട്സ്പറിന്റെ താരമാണ് ഈ 25 കാരൻ.അർജന്റീന ദേശീയ ടീമിനായി ഇതിനോടകം 22 മത്സരങ്ങളും താരം കളിച്ചിട്ടുണ്ട്. അർജന്റീന അണ്ടർ 20 ടീമിന്റെയും ഭാഗമായിരുന്നു റോമേരൊ. അർജന്റീനയുടെ കോപ്പ- അമേരിക്ക, ഖത്തർ ലോകകപ്പ് തുടങ്ങിയ നേട്ടങ്ങളിലും ഈ താരം ഭാഗമായിരുന്നു. അർജന്റീന ദേശീയ ടീമിൽ വലിയ ഭാവിയാണ് ഈ താരത്തിന് കണക്കാക്കുന്നത്.
🚨🚨🎙️| Lionel Messi: “Cristian Romero is the best defender in the world.” 🇦🇷 pic.twitter.com/KQY3VlXUvh
— CentreGoals. (@centregoals) September 8, 2023
അതേസമയം, ലോകകപ്പ് യോഗ്യത മത്സരങ്ങളിൽ ബോളിവിയാണ് ഇനി അർജന്റീനയുടെ എതിരാളികൾ. സെപ്റ്റംബർ 13 ന് ഇന്ത്യൻ സമയം രാത്രി 1:30 ന് ബൊളീവിയായിലാണ് മത്സരം