തോൽവി സഹിക്കാനായില്ല , പൊട്ടിക്കരഞ്ഞ് കൊണ്ട് അൽ നാസ്സർ സൂപ്പർ താരം ക്രിസ്റ്റ്യാനോ റൊണാൾഡോ | Cristiano Ronaldo

സൗദി കപ്പ് ഫൈനലിൽ എതിരാളികളായ അൽ-ഹിലാലിനെതിരെ പെനാൽറ്റിയിൽ അൽ നാസർ പരാജയപ്പെട്ടതിന് ശേഷം ക്രിസ്റ്റ്യാനോ റൊണാൾഡോ പൊട്ടിക്കരഞ്ഞു. അൽ നാസർ പെനാൽറ്റിയിൽ വീണതോടെ റൊണാൾഡോ മൈതാനത്ത് കുഴഞ്ഞുവീണു.രണ്ട് സേവുകളുമായി മൊറോക്കൻ ഗോൾകീപ്പർ യാസിൻ ബൗനൗ അൽ-ഹിലാലിൻ്റെ ഹീറോയായി.

ജോർജ് ജീസസിൻ്റെ ടീം 19-ാം തവണയാണ് കിരീടം നേടുന്നത്.ഇരു ടീമുകളും 90 മിനിറ്റിനുശേഷം 1-1 ന് സമനിലയിൽ പിരിഞ്ഞത്തോടെ മത്സരം പെനാൽറ്റി ഷൂട്ട് ഔട്ടിലേക്ക് നീങ്ങിയത്.മത്സരം തുടങ്ങി ഏഴാം മിനിറ്റിൽ അലക്സാണ്ടർ മെട്രോവിച്ചിന്റെ ഗോളോടെ ഹിലാൽ ലീഡ് നേടി .കിംഗ് അബ്ദുല്ല സ്‌പോർട്‌സ് സിറ്റിയിൽ കിരീടാവകാശി മുഹമ്മദ് ബിൻ സൽമാൻ്റെ സാന്നിധ്യത്തിൽ മാൽകോമിൻ്റെ ക്രോസ് ഹെഡ് ചെയ്‌തപ്പോൾ മിട്രോവിച്ച് ഏഴ് മിനിറ്റിനുശേഷം അൽ-ഹിലാലിനെ മുന്നിലെത്തിക്കുകയായിരുന്നു.

56-ാം മിനുട്ടിൽ അൽ നസ്ർ ഗോൾകീപ്പർ ഒസ്പിനക്ക് ചുവപ്പ് കാർഡ് കണ്ടതോടെ നസ്ർ 10 പേരായി ചുരുങ്ങി.രണ്ടാം പകുതിയിലും അൽ നാസർ അവസരങ്ങൾ സൃഷ്ടിച്ചു.റൊണാൾഡോയുടെ ഉജ്ജ്വലമായ സൈക്കിൾ ശ്രമം വലതു പോസ്റ്റിൽ തട്ടി മടങ്ങി. 87-ാം മിനുട്ടിൽ അൽ ഹിലാൽ താരം അൽ ബുലൈഹിക്ക് ചുവപ്പ് കാർഡ് കണ്ടു.88-ാം മിനുട്ടിൽ അയ്മനിലൂടെ അൽ നസറിന് സമനില ഗോൾ നേടി . തൊട്ടടുത്ത മിനുട്ടിൽ അൽ ഹിലാലിന്റെ കലിഡൗ കൗലിബാലിക്കും ചുവപ്പ് കാർഡ്. ഇതോടെ അൽ ഹിലാൽ ഒന്‍പത് പേരായി ചുരുങ്ങി. എക്സ്‍ട്രാ ടൈമിലും സമനില തുടർന്നതോടെ മത്സരം പെനാല്‍റ്റി ഷൂട്ടൗട്ടിലേക്ക് കടന്നു.

യുവതാരം മെഷാരി അൽ-നെമറിൻ്റെ പെനാൽറ്റി രക്ഷപ്പെടുത്തി ബൗനൂ അൽ ഹിലാലിനു കിരീടം നേടിക്കൊടുത്തു.മത്സരത്തിനൊടുവിൽ പൊട്ടിക്കരഞ്ഞാണ് ക്രിസ്റ്റ്യാനോ ഗ്രൗണ്ട് വിട്ടത്. പോർച്ചുഗീസ് സൂപ്പർതാരത്തിന് വ്യക്തിഗത തലത്തിൽ മികച്ച സീസണായിരുന്നു ഉണ്ടായിരുന്നത്, പക്ഷേ അദ്ദേഹം അത് ട്രോഫിരഹിതമായി അവസാനിപ്പിച്ചു, അത് അദ്ദേഹത്തെ അസ്വസ്ഥനാക്കി.39 കാരനായ സൗദി പ്രോ ലീഗ് സീസണിലെ ഏറ്റവും കൂടുതൽ ഗോളുകൾ എന്ന റെക്കോർഡ് അടുത്തിടെ അവസാന ലീഗ് ഘട്ടത്തിൽ അൽ-ഇത്തിഹാദിനെതിരെ നേടിയിരുന്നു.

റൊണാൾഡോ ഒരു സീസണിൽ 35 ഗോളുകൾ നേടി, 2019 സീസണിൽ 34 ഗോളുകൾ നേടിയ മുൻ അൽ നാസർ താരമായ അബ്ദുറസാഖ് ഹംദല്ലയുടെ റെക്കോർഡ് അദ്ദേഹം തകർത്തു.രണ്ടാഴ്ച മുമ്പ് ചാമ്പ്യൻഷിപ്പ് നേടുകയും തിങ്കളാഴ്ച തോൽവിയറിയാതെ 34 റൗണ്ട് ലീഗ് പൂർത്തിയാക്കുകയും ചെയ്ത പ്രാദേശിക എതിരാളി അൽ-ഹിലാലിനേക്കാൾ 14 പോയിൻ്റ് പിന്നിലായി അൽ-നാസർ ലീഗിൽ രണ്ടാം സ്ഥാനത്തെത്തി.023-24 കാമ്പെയ്‌നിന് ഹൃദയഭേദകമായ അവസാനമുണ്ടായിട്ടും റൊണാൾഡോ അടുത്ത സീസണിലും ക്ലബ്ബിൽ തുടരുമെന്ന് അൽ നാസർ സിഇഒ ഗൈഡോ ഫിയംഗ സ്ഥിരീകരിച്ചു.