‘എപ്പോഴാണ് വിരമിക്കുന്നത്?’ :സൂചനകൾ നൽകി ക്രിസ്റ്റ്യാനോ റൊണാൾഡോ |Cristiano Ronaldo

കഴിഞ്ഞ സീസണിലെ നിരാശാജനകമായ പ്രകടനത്തിന് ശേഷം സൂപ്പർ താരം ക്രിസ്റ്റ്യാനോ റൊണാൾഡോ അൽ നാസറിനായി മിന്നുന്ന പ്രകടനമാണ് പുറത്തെടുക്കുന്നത്.ഈ സീസണിൽ സൗദി ടീമിനായി ഇതുവരെ 12 മത്സരങ്ങളിൽ നിന്ന് 12 ഗോളുകളും 6 അസിസ്റ്റുകളും 38 കാരൻ നേടിയിട്ടുണ്ട്.

കഴിഞ്ഞ ദിവസം ഡമാകിനെതിരായ സൗദി പ്രൊ ലീഗ് മത്സരത്തിൽ ഗംഭീര ഫ്രീകിക്കിൽ നിന്ന് സ്‌കോർ ചെയ്‌ത് അൽ നാസറിനെ റൊണാൾഡോ വിജയത്തിലെത്തിച്ചിരുന്നു. മത്സര ശേഷം സംസാരിച്ച വിരമിക്കൽ തീയതിയെക്കുറിച്ച് സൂചന നൽകിയിരിക്കുകയാണ്.“ഈ സീസണിലും അടുത്ത സീസണിലും ഞാൻ കളിക്കും. അതിനുശേഷം, എന്റെ ശരീരത്തിന് തുടരാൻ കഴിയുമോ ഇല്ലയോ എന്ന് ഞാൻ കാണണം, ”പോർച്ചുഗീസ് സൂപ്പർ താരം മാധ്യമങ്ങളോട് പറഞ്ഞു.

എന്നാൽ അൽ നാസറിലല്ലാതെ മറ്റൊരിടത്തും അദ്ദേഹം തന്റെ കരിയർ പൂർത്തിയാക്കുമെന്ന് തോന്നുന്നില്ല.“ആരാധകർ എന്നെ സന്തോഷിപ്പിക്കുന്നു, ഞാൻ അവരെ സന്തോഷിപ്പിക്കുന്നു. എനിക്ക് 38 വയസ്സായി, ഞാൻ ഇപ്പോഴും ടീമിനെ സഹായിക്കുന്നു, ഞാൻ ഇപ്പോഴും ഉപയോഗപ്രദമാണ്. അതിന് ഞാൻ നന്ദിയുള്ളവനായിരിക്കണം. എന്റെ കരിയറിന്റെ ഉന്നതിയിലെത്താൻ എന്നെ സഹായിച്ചത് കഠിനാധ്വാനമാണ്, പക്ഷേ എന്റെ ടീം ഇല്ലായിരുന്നുവെങ്കിൽ അതൊന്നും സാധ്യമാകുമായിരുന്നില്ല” റൊണാൾഡോ കൂട്ടിച്ചേർത്തു.

2023 ന്റെ തുടക്കത്തിൽ സൗദി അറേബ്യയിലേക്ക് മാറുന്ന ആദ്യത്തെ ഉയർന്ന കളിക്കാരനായി റൊണാൾഡോ മാറിയിരുന്നു.2025 വരെയുള്ള രണ്ടര വർഷത്തേ കരാറിലാണ് താരം അൽ നാസറിൽ ചേർന്നത്.അപ്പോഴേക്കും അദ്ദേഹത്തിന് 40 വയസ്സ് തികയും. അതിനു ശേഷം സ്പോർട്സ് ഉപദേശക റോൾ ഏറ്റെടുക്കാൻ സാധ്യതയുണ്ട്.

പോർച്ചുഗൽ ക്യാപ്റ്റൻ കഴിഞ്ഞ സീസണിൽ സൗദി പ്രോ ലീഗ് ക്ലബിനായി എല്ലാ മത്സരങ്ങളിലും 19 കളികളിൽ നിന്ന് 14 തവണ സ്കോർ ചെയ്തു, 2023-24 ൽ 12 മത്സരങ്ങളിൽ നിന്ന് 12 ഗോളുകൾ നേടിയിട്ടുണ്ട്, ഒമ്പത് ലീഗ് മത്സരങ്ങളിൽ നിന്ന് 11 ഗോളുകൾ നേടിയിട്ടുണ്ട്.ശനിയാഴ്ചത്തെ ഫലം അൽ നാസറിനെ പട്ടികയിൽ മൂന്നാം സ്ഥാനത്തേക്ക് ഉയർത്തി , ലീഡർമാരായ അൽ ഹിലാലിനേക്കാൾ നാല് പോയിന്റ് പിന്നിലാണ് അവർ.