ചാമ്പ്യൻസ് ലീഗെന്ന് കേട്ടാൽ തിളക്കും ചോര റൊണാൾഡോയുടെ സിരകളിൽ |Cristiano Ronaldo

അൽ നസറിനു വേണ്ടി ക്രിസ്ത്യാനോ റൊണാൾഡോയുടെ തകർപ്പൻ ഫോം തുടരുന്നു,AFC ചാമ്പ്യൻസ് ലീഗ് ആദ്യ റൗണ്ട് മത്സരത്തിൽ തുടർച്ചയായി രണ്ടാം വിജയം സ്വന്തമാക്കി ഗ്രൂപ്പിൽ ഒന്നാം സ്ഥാനത്താണ് ക്രിസ്ത്യാനോ റൊണാൾഡോയുടെ അൽ-നസർ.

താജികിസ്താൻ ക്ലബ്ബായ എഫ്സി ഇസ്തിക്ലോൽനെതിരെ റിയാദിൽ ഹോം ഗ്രൗണ്ടിൽ കളിച്ച അൽ നസർ ഒരു ഗോളിന് പിന്നിട്ടിരിക്കെയാണ് ക്രിസ്ത്യാനോ റൊണാൾഡോയുടെ മനോഹരമായ വീക്ക് ഫൂട്ട് ഗോൾ പിറന്നത്.44 ആം മിനുട്ടിൽ സെനിൻ സെബായ് നേടിയ ഗോളിൽ ഇസ്തിക്ലോൾ ലീഡ് നേടി അൽ നാസറിനെ ഞെട്ടിച്ചു.

കളിയുടെ 66 മിനിട്ടിലാണ് ക്രിസ്ത്യാനോ റൊണാൾഡോ തന്റെ എ എഫ് സി ചാമ്പ്യൻസ് ലീഗിലെ ആദ്യ ഗോൾ നേടിയത്. പിന്നീട് ബ്രസീലിയൻ താരം ടലിസ്ക്ക ഇരട്ട ഗോളുകൾ നേടി മത്സരം സ്വന്തം വരുതിയിലാക്കി.ഈ ജയം അൽ നാസറിനെ മൂന്ന് പോയിന്റിന്റെ ലീഡോടെ അവരെ ഗ്രൂപ്പ് ഇ-യിൽ ഒന്നാമതെത്തിക്കുകയും ചെയ്തു.63-ാം മിനിറ്റിൽ ഒമിദ് അലിഷായുടെ ഗോളിൽ ഖത്തറിന്റെ അൽ ദുഹൈലിനെതിരെ 1-0ന് വിജയിച്ച ഇറാന്റെ പെർസെപോളിസ് ഗ്രൂപ്പിൽ രണ്ടാം സ്ഥാനം ഉറപ്പിച്ചു.

നിലവിൽ യുവേഫ ചാമ്പ്യൻസ് ലീഗിലെ എക്കാലത്തെയും ടോപ് സ്കോറർ സ്ഥാനത്താണ് ക്രിസ്ത്യാനോ റൊണാൾഡോ, ഏഷ്യയിൽ വന്നശേഷം ഏഷ്യയിലെ ചാമ്പ്യൻസ് ലീഗിലും ഗോളോടെ തുടക്കം കുറിച്ചിരിക്കുകയാണ് ക്രിസ്ത്യാനോ റൊണാൾഡോ. തന്റെ കരിയറിലെ 855-മത്തെ ഗോൾ നേട്ടമാണ് ക്രിസ്ത്യാനോ റൊണാൾഡോ ഇന്നലെ രാത്രി റിയാദിൽ ആഘോഷിച്ചത്.