❝ക്രിസ്റ്റ്യാനോ റൊണാൾഡോ മാഞ്ചസ്റ്റർ യുണൈറ്റഡിൽ തുടരുന്നതാണോ നല്ലത്?❞| Cristiano Ronaldo
മാഞ്ചസ്റ്റർ യുണൈറ്റഡിൽ ചേരാൻ ക്രിസ്റ്റ്യാനോ റൊണാൾഡോ യുവന്റസുമായി വേർപിരിഞ്ഞ് ഏഴ് മാസങ്ങൾക്ക് ശേഷം, അടുത്ത സീസണിൽ തങ്ങളുടെ സൂപ്പർ താരമില്ലാതെ ടീം മെച്ചപ്പെടുമോ എന്ന് ചിന്തിക്കുന്ന നിരവധി റെഡ് ഡെവിൾസ് ആരാധകരുണ്ട്.
ചാമ്പ്യൻസ് ലീഗിലെ ഗ്രൂപ്പ് മത്സരത്തിലെ നിർണായക വിജയ ഗോളുൾപ്പെടെ ഈ സീസണിൽ ഇതുവരെ മൊത്തം 18 ഗോളുകൾ പോർച്ചുഗീസ് ഫോർവേഡ് വലയിലാക്കിയിട്ടുണ്ട്, എന്നാൽ 2022 ൽ നാല് തവണ മാത്രമാണ് അദ്ദേഹം സ്കോർ ചെയ്തത്.പരിമിതമായ പ്രതിരോധ സംഭാവനകൾ കാരണം റൊണാൾഡോ കഴിഞ്ഞ കുറച്ച് മാസങ്ങളായി വിമർശനങ്ങളുടെ ഉയരത്തിലാണ്.അദ്ദേഹത്തിന്റെ ഭാവി ഇപ്പോൾ അനിശ്ചിതത്വത്തിലാണ്.
“റൊണാൾഡോ ഗോളുകൾ നേടിയിട്ടുണ്ട് , ചാമ്പ്യൻസ് ലീഗിൽ സീസണിന്റെ തുടക്കത്തിൽ തന്നെ അദ്ദേഹം പ്രധാനപ്പെട്ട ഗോളുകൾ നേടി, ടോട്ടൻഹാമിനെതിരെ ഹാട്രിക് നേടി, എന്നാൽ നിങ്ങൾ ക്ലബിന്റെ ഭാവിയിലേക്കാണ് നോക്കുന്നതെങ്കിൽ, ഈ അടുത്ത രണ്ടോ മൂന്നോ വർഷങ്ങളിൽ ഏറ്റവും മികച്ചത് ചെയ്യാനും മാഞ്ചസ്റ്റർ യുണൈറ്റഡിനെ ഉയർത്താനും നിങ്ങൾ ചെറുപ്പകാരായ കളിക്കാർക്കൊപ്പം പോകണമെന്ന് ഞാൻ കരുതുന്നു റൊണാൾഡോ തന്റെ ഇരുപതുകളിൽ അല്ല എന്നും ” മാഞ്ചസ്റ്റർ യുണൈറ്റഡ് ഇതിഹാസം വെയ്ൻ റൂണി റൊണാൾഡോയെകുറിച്ച് അടുത്തിടെ സ്കൈ സ്പോർട്സിനോട് പറഞ്ഞു.
അടുത്ത സീസണിൽ അയാക്‌സ് ബോസ് എറിക് ടെൻ ഹാഗിനെ മാഞ്ചസ്റ്റർ യുണൈറ്റഡ് പരിശീലകനായി നിയമിക്കാനുള്ള സാധ്യത കൂടുതലാണ്.നിലവിലെ പരിശീലകൻ റാൽഫ് റാങ്‌നിക്ക് ക്ലബിൽ ഒരു കൺസൾട്ടിംഗ് റോൾ ഏറ്റെടുക്കുകയും ചെയ്യും.നിലവിലെ കരാറിൽ 12 മാസം ശേഷിക്കുന്നതിനാൽ അടുത്ത സീസണിലേക്കുള്ള ഡച്ച്‌കാരന്റെ പദ്ധതികളിൽ റൊണാൾഡോ ഭാഗമാകുമോ എന്നത് അനിശ്ചിതത്വത്തിലാണ്. അതേസമയം, ടെൻ ഹാഗ് റൊണാൾഡോയെ വിട്ടയക്കണമെന്ന് ടിവി പണ്ഡിറ്റ് ജാമി കരാഗർ അവകാശപ്പെട്ടു.
നിലവിൽ ഇംഗ്ലീഷ് പ്രീമിയർ ലീഗിൽ പോയിന്റ് ടേബിളിൽ ഏഴാം സ്ഥാനത്താണ്. അടുത്ത സീസണിൽ ചാമ്പ്യൻസ് ലീഗ് കളിക്കാനുള്ള സാദ്ധ്യതകൾ വളരെ വിദൂരമാണ്. ഇക്കാരണം കൊണ്ട് തന്നെ 37 കാരനായ റൊണാൾഡോ ഓൾഡ് ട്രാഫൊഡിൽ തുടരാൻ തലപര്യം കാണിക്കില്ല. ക്രിസ്റ്റ്യാനോ റൊണാൾഡോ ഒരു ദശാബ്ദത്തിനിടെ ആദ്യമായി ഒരു സീസൺ ട്രോഫിരഹിതമായി പൂർത്തിയാക്കാൻ ഒരുങ്ങുകയാണ് .പോർച്ചുഗീസ് താരം യുണൈറ്റഡിൽ അനാവശ്യമായ കൂട്ടിച്ചേർക്കലായിരുന്നുവെന്നും റെഡ് ഡെവിൾസിനെ തന്റെ ശക്തിയിൽ കളിക്കുന്നതിനുപകരം ഒരു ടീമായി കളിക്കുന്നതിൽ നിന്ന് തടഞ്ഞുവെന്നും വിശ്വസിക്കുന്നവരുണ്ട്.