“പിഎസ്ജി, മാഞ്ചസ്റ്റർ സിറ്റി, ബാഴ്സലോണ , സ്പോർട്ടിങ് ലിസ്ബൺ..” ; ക്രിസ്റ്റ്യാനോ റൊണാൾഡോയുടെ അടുത്ത ക്ലബ് ഏതായിരിക്കും?

നീണ്ട പന്ത്രണ്ടു വർഷത്തിന് ശേഷം ഒരു അപ്രതീക്ഷിത നീക്കത്തിലൂടെയാണ് ക്രിസ്റ്റ്യാനോ റൊണാൾഡോ മാഞ്ചസ്റ്റർ യുണൈറ്റഡിലേക്ക് തിരിച്ചെത്തിയത്.എന്നാൽ ഏറെ നാളായി കാത്തിരുന്ന ഈ ഒത്തുചേരൽ മിക്ക റെഡ് ഡെവിൾസ് ആരാധകരും പ്രതീക്ഷിച്ചത്ര കാലം നിലനിൽക്കാൻ സാധ്യതയില്ല.യുവന്റസിൽ നിന്ന് പ്രീമിയർ ലീഗ് ടീമിൽ തിരിച്ചെത്തി ഏതാനും മാസങ്ങൾക്കുള്ളിൽ ക്രിസ്റ്റ്യാനോ റൊണാൾഡോ ഓൾഡ് ട്രാഫോർഡിൽ നിന്ന് പുറത്തുകടക്കാൻ ഒരു വഴി തേടുമെന്ന സൂചനകൾ ലഭിച്ചിരിക്കുകയാണ്.

മാഞ്ചസ്റ്റർ യുണൈറ്റഡ് നിലവിൽ പ്രതിസന്ധിയിലാണ്, മോശം പ്രകടനങ്ങളും ഫലങ്ങളും പ്രീമിയർ ലീഗ് കിരീടപ്പോരാട്ടത്തിൽ നിന്ന് പിന്നിലേക്ക് പോയിരിക്കുകയാണ്. പോയിന്റ് ടേബിളിൽ താഴേക്ക് പോയത് റൊണാൾഡോക്കും ആശങ്കയായി. വ്യക്തിപരമായി റൊണാൾഡോ മികച്ച പ്രകടനമാണ് നടത്തുന്നത്. ഒലെ ഗുന്നർ സോൾസ്‌ജെയറിന്റെ ടീം തുടർച്ചയായ ഹോം ഗെയിമുകളിൽ മാഞ്ചസ്റ്റർ സിറ്റിയോട് 2-0 നും ലിവർപൂളിനോട് 5-0 നും പരാജയപെട്ടതോടെ പോയിന്റ് ടേബിളിൽ ആറാമതായി മാറി.2022/23 ലെ ചാമ്പ്യൻസ് ലീഗ് യോഗ്യത നേടാതിരിക്കുകയ്യും ചെയ്താൽ റൊണാൾഡോയെ മറ്റൊരു നീക്കത്തിന് പ്രേരിപ്പിച്ചേക്കാം. അടുത്ത സീസണിൽ യൂറോപ്പ ലീഗിൽ കളിക്കുന്നത് റൊണാൾഡോ താല്പര്യപെടുന്നില്ല.

മാധ്യമങ്ങളിലെ ഊഹാപോഹങ്ങൾ റൊണാൾഡോയെ സാധ്യമായ നിരവധി ലക്ഷ്യസ്ഥാനങ്ങളുമായി ബന്ധിപ്പിച്ചിട്ടുണ്ട്. അവയിൽ റൊണാൾഡോ നാല് ചാമ്പ്യൻസ് ലീഗ് കിരീടങ്ങൾ നേടിയിട്ടുള്ള റയൽ മാഡ്രിഡും ഉൾപ്പെടുന്നു .എന്നാൽ ബെർണബ്യൂ ബോർഡ് ഇപ്പോൾ പരിഗണിക്കുന്ന ഒരു ഓപ്ഷനല്ലെന്ന് AS വൃത്തങ്ങൾ സ്ഥിരീകരിച്ചു.കഴിഞ്ഞ വേനൽക്കാലത്ത് മാഞ്ചസ്റ്റർ സിറ്റി റൊണാൾഡോയ്ക്ക് വേണ്ടിയുള്ള നീക്കവുമായി വളരെയധികം ബന്ധപ്പെട്ടിരുന്നു, എന്നാൽ യുണൈറ്റഡ് അവരുടെ താൽപ്പര്യം പ്രകടിപ്പിക്കുകയും സർ അലക്സ് ഫെർഗൂസന്റെ ഒരു ഫോൺ കോൾ റൊണാൾഡോയെ ഓൾഡ്‌ ട്രാഫൊഡിലെത്തിച്ചു. എന്നാൽ യുണൈറ്റഡിന്റെ എതിരാളികളായ സിറ്റിയിലേക്ക് റൊണാൾഡോ പോകുവാനുള്ള സാധ്യത കുറവാണ്.

റൊണാൾഡോ ഒരു പുതിയ വെല്ലുവിളി തേടാൻ തീരുമാനിച്ചാൽ പിഎസ്ജി തീർച്ചയായും മത്സരത്തിലുണ്ടാകും. ലിയോ മെസ്സി, നെയ്മർ, റൊണാൾഡോ എന്നിവരുടെ ഫ്രണ്ട് ത്രീയെക്കുറിച്ച് ലീഗ് 1 ഭീമൻമാരുടെ ഉടമകൾ പണ്ടേ സ്വപ്നം കണ്ടു തുടങ്ങിയതാണ് .അർജന്റീന ക്യാപ്റ്റൻ ബാഴ്‌സലോണ വിട്ട് പാരീസിലേക്ക് മാറിയതിന് ശേഷം ഇപ്പോൾ ആ ത്രിമൂർത്തിയുടെ മൂന്നിൽ രണ്ട് ഭാഗവും ഉണ്ട്. അടുത്ത വേനൽക്കാലത്ത് കൈലിയൻ എംബാപ്പെ ക്ലബ് വിടുകയാണെങ്കിൽ, റൊണാൾഡോ ഒരു കട്ട്-പ്രൈസ് റീപ്ലേസ്‌മെന്റും ആയി മാറും. റോണോയുടെ ഗണ്യമായ ചാമ്പ്യൻസ് ലീഗ് അനുഭവവും യൂറോപ്യൻ ചാമ്പ്യന്മാരാകുന്നതിൽ അഭിനിവേശമുള്ള ഒരു ക്ലബ്ബിന് ബോണസായിരിക്കും.

അടുത്ത വര്ഷം റൊണാൾഡോയ്ക്ക് 37 വയസ്സ് തികയും മുൻകാലങ്ങളിൽ, മാഞ്ചസ്റ്റർ യുണൈറ്റഡ് ഫോർവേഡ് തന്റെ ബാല്യകാല ക്ലബ്ബായ സ്പോർട്ടിംഗ് സിപിയിൽ വിരമിക്കുമെന്ന് സൂചന നൽകിയിരുന്നു.2020-ൽ, ഇന്റർ മിയാമി ഉടമ ഡേവിഡ് ബെക്കാം ക്ലബ്ബിന്റെ ബ്രാൻഡ് നാമം ഉയർത്താൻ ലയണൽ മെസ്സി, ക്രിസ്റ്റ്യാനോ റൊണാൾഡോ തുടങ്ങിയ താരങ്ങളെ കൊണ്ടുവരാൻ ആഗ്രഹം പ്രകടിപ്പിച്ചിരുന്നു.അത്കൊണ്ട് തന്നെ എംഎസ്എൽ ഒരു നീക്കത്തിനും സാധ്യതയുണ്ട്.

അടുത്ത ഒരു സാധ്യത ബാഴ്സലോണക്കാണ്‌ .ഇത് ഫലത്തിൽ അസാധ്യമാണെന്ന് തോന്നിയേക്കാം, പക്ഷേ ഫുട്ബോളിൽ ഒന്നും തള്ളിക്കളയേണ്ടതില്ല. വാസ്തവത്തിൽ, റൊണാൾഡോയെ ലാലിഗ സാന്റാൻഡറിലേക്ക് തിരികെ കൊണ്ടുവരാനുള്ള ബ്ലൂഗ്രാനയുടെ അവസരമാണിതെന്ന് മുൻ ബാഴ്സലോണ ഡയറക്ടർ ടോണി ഫ്രീക്സ അഭിപ്രായപ്പെട്ടിരുന്നു.”അത്തരം ഭ്രാന്തിന് സമയമുണ്ടെങ്കിൽ അത് ഇപ്പോഴുണ്ട്,”റൊണാൾഡോ ബാഴ്‌സലോണയിലേക്കുള്ള സാധ്യതയെക്കുറിച്ച് ചോദിച്ചപ്പോൾ ഫ്രീക്സ പറഞ്ഞു.