“റൊണാൾഡോയുമായി ചേരില്ല ; മാഞ്ചസ്റ്റർ യുണൈറ്റഡ് താരം ക്ലബ് വിടുന്നു “

ഇംഗ്ലീഷ് പ്രീമിയർ ലീഗിലെ വളർന്നു വരുന്ന യുവതാരങ്ങളിൽ ഏറ്റവും മുൻപന്തിയിൽ നിൽക്കുന്ന താരമാണ് മാഞ്ചെസ്റ്റർ യുണൈറ്റഡ് താരം മസോൺ ഗ്രീൻവുഡ്‌.2019-ൽ പാരീസ് സെന്റ് ജെർമെയ്‌നെതിരെ (പിഎസ്ജി) ടീമിനായി അരങ്ങേറ്റം കുറിച്ചതു മുതൽ ഗ്രീൻവുഡ് മാഞ്ചസ്റ്റർ യുണൈറ്റഡിന്റെ സ്ഥിരം കളിക്കാരനായി മാറി. 20-കാരൻ 122 മത്സരങ്ങളിൽ നിന്നായി 34 ഗോളുകളും 12 അസിസ്റ്റുകളും നടിയിട്ടുണ്ട്.

എന്നാൽ മേസൺ ഗ്രീൻവുഡിന് ക്രിസ്റ്റ്യാനോ റൊണാൾഡോയുമായി ഭിന്നിപ്പുണ്ടെന്നും ഓൾഡ് ട്രാഫോർഡിൽ നിന്ന് മാറാൻ ശ്രമിച്ചേക്കുമെന്ന് എൽ നാഷനൽ [ദ മിറർ വഴി] റിപ്പോർട്ട് ചെയ്യുന്നു.പുതിയ ഇടക്കാല റെഡ് ഡെവിൾസ് ബോസ് റാൽഫ് റാങ്‌നിക്കിന്റെ കീഴിൽ 20- കാരന് ടീമിൽ ഇടം ലഭിച്ചില്ല.’തീയറ്റർ ഓഫ് ഡ്രീംസ്’ ഉപേക്ഷിക്കാൻ ഗ്രീൻവുഡ് തയ്യാറാണെന്ന് സൂചിപ്പിക്കുന്ന ഒരു റിപ്പോർട്ടാണ് ഇപ്പോൾ പുറത്തുവന്നിരിക്കുന്നത്. ഫസ്റ്റ്-ടീം അവസരങ്ങളുടെ അഭാവത്തിലും റൊണാൾഡോ തന്നെക്കാൾ മുമ്പായി തിരഞ്ഞെടുക്കപ്പെടുന്നതിൽ നിരാശയുണ്ടെന്ന് പറയപ്പെടുന്നു.

ഈ സീസണിന്റെ തുടക്കത്തിൽ ഒലെ ഗുന്നർ സോൾസ്‌ജെയറിനു കീഴിൽ ഇംഗ്ലണ്ട് ഇന്റർനാഷണൽ പ്രധാന കളിക്കാരനായിരുന്നു. എന്നിരുന്നാലും, മാഞ്ചസ്റ്റർ യുണൈറ്റഡിന്റെ ഇടക്കാല മാനേജരായി റാൽഫ് റാംഗ്നിക്കിന്റെ വരവിനു ശേഷം മേസൺ ഗ്രീൻവുഡ് അവസരം ഇല്ലാതെയായി.ഡ്രസ്സിംഗ് റൂമിൽ ക്രിസ്റ്റ്യാനോ റൊണാൾഡോയുടെ സ്വാധീനത്തിൽ ഫോർവേഡ് അതൃപ്തനാണെന്ന് പറയപ്പെടുന്നു. ക്രിസ്റ്റ്യാനോ റൊണാൾഡോ എപ്പോഴും ടീംഷീറ്റിലെ ആദ്യ പേര് കാരൻ ആയതിനാൽ മേസൺ ഗ്രീൻവുഡിന് തൃപ്തിയില്ലെന്ന് റിപ്പോർട്ടുണ്ട്. മാഞ്ചസ്റ്റർ യുണൈറ്റഡ് ഡ്രസ്സിംഗ് റൂമിന്റെ നിയന്ത്രണം പോർച്ചുഗൽ ഇന്റർനാഷണൽ ഏറ്റെടുത്തതിലും അദ്ദേഹം അസ്വസ്ഥനാണ്.

മാഞ്ചസ്റ്റർ യുണൈറ്റഡിന്റെ അവസാന രണ്ട് പ്രീമിയർ ലീഗ് മത്സരങ്ങളിലും ഗ്രീൻവുഡ് ബെഞ്ചിൽ ആയിരുന്നു . റാൾഫ് റാങ്‌നിക്കിന്റെ കീഴിലുള്ള തന്റെ അവസ്ഥയിൽ താരം ഇപ്പോൾ കൂടുതൽ നിരാശനാണ്. ജർമ്മൻ തന്ത്രജ്ഞനു കീഴിൽ കളിക്കാനുള്ള സമയക്കുറവിൽ മേസൺ ഗ്രീൻവുഡ് അസ്വസ്ഥനാണ്.കളിക്കാനുള്ള സമയക്കുറവിലും ക്രിസ്റ്റ്യാനോ റൊണാൾഡോയുടെ സ്വാധീനത്തിലും അസന്തുഷ്ടനായ മേസൺ ഗ്രീൻവുഡ് മാഞ്ചസ്റ്റർ യുണൈറ്റഡ് വിടാനുള്ള സാധ്യത പരിഗണിക്കുന്നതായി റിപ്പോർട്ട്. മറ്റ് ക്ലബ്ബുകളിൽ നിന്ന് ട്രാൻസ്ഫർ താൽപ്പര്യം ആകർഷിക്കാൻ കഴിയുമെന്ന് യുവാവിന് അറിയാം.ആഴ്‌സണൽ, ബാഴ്‌സലോണ, യുവന്റസ് എന്നിവർക്ക് ഗ്രീൻവുഡിനോടുള്ള താൽപര്യം നേരത്തെ തന്നെ അറിയിച്ചിട്ടുണ്ട്. യുവ താരത്തിന്റെ നിലവിലെ സാഹചര്യം അടുത്ത വർഷം ക്ലബ് വിടുന്നതിലേക്ക് നയിക്കുമോ എന്ന് കണ്ടറിയണം.

ക്രിസ്റ്റ്യാനോ റൊണാൾഡോയും മേസൺ ഗ്രീൻവുഡും മാഞ്ചസ്റ്റർ യുണൈറ്റഡിൽ നല്ല ബന്ധം പുലർത്തിയിരുന്നില്ലെന്നാണ് റിപ്പോർട്ടുകൾ പറയുന്നത്. ലിവർപൂളിനോട് 5-0ന് തോറ്റതിന് ശേഷം ഓൾഡ് ട്രാഫോർഡിലെ യുവതാരങ്ങളുടെ മനോഭാവത്തെ 36 കാരൻ ചോദ്യം ചെയ്തിരുന്നു. ഈ സീസണിൽ ഒരുമിച്ച് കളിക്കുമ്പോഴെല്ലാം പന്ത് പാസ് ചെയ്യാതെ ഷൂട്ട് ചെയ്യുന്ന മേസൺ ഗ്രീൻവുഡിന്റെ പ്രവണതയിൽ പോർച്ചുഗൽ ഇന്റർനാഷണലും നിരാശനാണ്.മേസൺ ഗ്രീൻവുഡിന് ക്രിസ്റ്റ്യാനോ റൊണാൾഡോയോട് അതൃപ്തി ഉണ്ടെന്ന് റിപ്പോർട്ട് ചെയ്യപ്പെട്ട സാഹചര്യത്തിൽ, സാഹചര്യം എങ്ങനെ മാറുമെന്ന് കണ്ടറിയണം. സമീപ വർഷങ്ങളിൽ മാഞ്ചസ്റ്റർ യുണൈറ്റഡ് അക്കാദമിയിൽ നിന്ന് പുറത്തുവന്ന ഏറ്റവും ആവേശകരമായ പ്രതിഭകളിൽ ഒരാളായാണ് ഇംഗ്ലീഷുകാരനെ കാണുന്നത്, റെഡ് ഡെവിൾസ് അവനെ നഷ്ടപ്പെടുത്താൻ ആഗ്രഹിക്കുന്നില്ല.