ഡി യോങ് എന്ന് യുണൈറ്റഡിലേക്ക് വരും? ആരാധകനെ ട്രോളി കാമുകി

കഴിഞ്ഞ സമ്മറിലായിരുന്നു മാഞ്ചസ്റ്റർ യുണൈറ്റഡ് പരിശീലകനായി കൊണ്ട് എറിക്ക് ടെൻ ഹാഗ് എത്തിയിരുന്നത്.ആ സമ്മർ ട്രാൻസ്ഫർ വിൻഡോയിൽ മാഞ്ചസ്റ്റർ യുണൈറ്റഡും ടെൻ ഹാഗും ഏറ്റവും കൂടുതൽ ശ്രമിച്ചിരുന്നത് ബാഴ്സലോണയുടെ ഡച്ച് താരമായ ഫ്രങ്കി ഡി യോങ്ങിനെ സ്വന്തമാക്കാൻ വേണ്ടിയായിരുന്നു.എന്നാൽ അത് ഫലം കണ്ടിരുന്നില്ല.

താരത്തെ ഒഴിവാക്കാൻ ബാഴ്സക്ക് താല്പര്യമുണ്ടായിരുന്നുവെങ്കിലും ക്ലബ് വിടാൻ ഒരുക്കമല്ലെന്ന് ക്ലബ്ബ് അറിയിക്കുകയായിരുന്നു. ഇനി ഭാവിയിൽ എപ്പോഴെങ്കിലും ഡി യോങ് ടെൻ ഹാഗുമായി ഒരിക്കൽ കൂടി ഒരുമിക്കുമോ എന്നുള്ളത് ആരാധകർ ചർച്ച ചെയ്യുന്ന കാര്യമാണ്. ഇതുമായി ബന്ധപ്പെട്ട ഒരു രസകരമായ കാര്യം കഴിഞ്ഞ ദിവസം സംഭവിച്ചിട്ടുണ്ട്.

അതായത് ഡിയോങ്ങിന്റെ കാമുകയായ മിക്കി കിമീനി തന്റെ ഇൻസ്റ്റഗ്രാമിൽ ഒരു ചോദ്യത്തരവേള സംഘടിപ്പിച്ചിരുന്നു.അതിൽ ഒരു യുണൈറ്റഡ് ആരാധകന്റെ ചോദ്യം,ഫ്രങ്കി ഡി യോങ് എന്നാണ് മാഞ്ചസ്റ്ററിലേക്ക് വരുന്നത് എന്നുള്ളതായിരുന്നു. മാഞ്ചസ്റ്റർ യുണൈറ്റഡിലേക്ക് ഡി യോങ് എന്ന് വരുമെന്നായിരുന്നു ചോദ്യകർത്താവ് ഉദ്ദേശിച്ചിരുന്നത്.

എന്നാൽ വളരെ രസകരമായ മറുപടിയാണ് താരത്തിന്റെ കാമുകി നൽകിയിട്ടുള്ളത്. യൂറോപ ലീഗിൽ നടക്കുന്ന റൌണ്ട് 32 മത്സരത്തിൽ മാഞ്ചസ്റ്റർ യുണൈറ്റഡും എഫ്സി ബാഴ്സലോണയും തമ്മിലാണ് ഏറ്റുമുട്ടുക.ഇതിന്റെ രണ്ടാം പാദ മത്സരം ഫെബ്രുവരി ഇരുപത്തിമൂന്നാം തീയതി മാഞ്ചസ്റ്റർ യുണൈറ്റഡിന്റെ മൈതാനമായ ഓൾഡ് ട്രഫോഡിൽ വെച്ചാണ് ഈ മത്സരം നടക്കുക. ഈ മത്സരത്തിനു വേണ്ടി ഡി യോങ് മാഞ്ചസ്റ്ററിൽ എത്തുമെന്നാണ് ഡി യോങ്ങിന്റെ കാമുകി അറിയിച്ചിട്ടുള്ളത്.

അതായത് ആ മത്സരത്തിന്റെ ഫിക്സ്ചർ പങ്കുവെച്ചുകൊണ്ട് 23-2 I guess എന്നാണ് താരത്തിന്റെ കാമുകി മറുപടി നൽകിയിട്ടുള്ളത്.ഡി യോങ് മാഞ്ചസ്റ്റർ നഗരത്തിൽ എത്തുന്ന കാര്യമാണ് മിക്കി പറഞ്ഞിട്ടുള്ളത്. ഏതായാലും ഈ സ്ക്രീൻഷോട്ട് ട്വിറ്റർ ഉൾപ്പെടെയുള്ള സോഷ്യൽ മീഡിയയിൽ വളരെയധികം ചർച്ച ചെയ്യപ്പെട്ടിട്ടുണ്ട്.