ബ്ലാസ്റ്റേഴ്സിന് വലിയ തിരിച്ചടി, ഡിമിട്രിയോസ് ഡയമന്റകോസ് മൂന്നു മാസം പുറത്ത്|Kerala Blasters

കഴിഞ്ഞ സീസണിൽ കേരള ബ്ലാസ്റ്റേഴ്‌സ് ആക്രമണത്തിന് നേതൃത്വം നൽകിയ ഗ്രീക്ക് സ്‌ട്രൈക്കർ ഡിമിട്രിയോസ് ഡയമന്റകോസ് പരിക്കേറ്റ് പുറത്ത്. താരത്തിന് മൂന്നു മാസത്തോളം പുറത്തിരിക്കേണ്ടി വരുമെന്നാണ് പുറത്ത് വരുന്ന റിപ്പോർട്ടുകൾ.പരിശീലനത്തിനിടയിലാണ് ദിമിക്ക് പരിക്കേൽക്കുന്നത്.

ഡ്യൂറൻഡ് കപ്പിൽ ദിമി ബ്ലാസ്റ്റേഴ്സിന് വേണ്ടി കളിച്ചിരുന്നില്ല. ഇതോടെ യുഎഇയിൽ നടക്കുന്ന കേരള ബ്ലാസ്റ്റേഴ്‌സ് പ്രീസീസൺ ദിമിട്രിയോസ് ഡയമന്റകോസിന് നഷ്ടമാകും.ബ്ലാസ്റ്റേഴ്‌സിന്റെ പുതിയ ഓസ്‌ട്രേലിയൻ സൈനിങ്‌ ജൗഷുവ സോട്ടിരിയോയും പരിക്ക് മൂലം നഷ്ടമായിരുന്നു.ഹീറോ ഇന്ത്യൻ സൂപ്പർ ലീഗ് 2022-ൽ 24 മത്സരങ്ങളിൽ നിന്ന് നേടിയ 12 ഗോളുകൾ താരം നേടിയിരുന്നു.

കേരള ബ്ലാസ്റ്റേഴ്‌സ് എഫ്‌സി തുടർച്ചയായ സീസണുകളിൽ ഐഎസ്‌എൽ പ്ലേ ഓഫിലേക്ക് യോഗ്യത നേടിയപ്പോൾ അദ്ദേഹത്തിന്റെ സംഭാവനകൾ നിർണായകമായിരുന്നു.എന്നാൽ പ്ലേഓഫ് മത്സരത്തിൽ ബെംഗളൂരു എഫ്‌സിയോട് പരാജയപ്പെടുകയാണ് ഉണ്ടായത്.2022-ൽ കേരള ബ്ലാസ്റ്റേഴ്‌സ് എഫ്‌സിയിൽ ചേർന്ന ഡയമന്റകോസിന്റെ ഐഎസ്‌എൽ 2022-23 സീസണിൽ അവിസ്മരണീയമായ കാമ്പെയ്‌ൻ ഉണ്ടായിരുന്നു.

ക്ലബിന്റെ ടോപ് സ്കോററായി സീസൺ അവസാനിപ്പിച്ചു, ഐ‌എസ്‌എൽ 2022-2023 സീസണിൽ ഗോൾഡൻ ബൂട്ട് ജേതാവായി ഉയർന്നുവന്ന ഒഡീഷ എഫ്‌സിയുടെ ഡീഗോ മൗറിസിയോയേക്കാൾ രണ്ട് ഗോളുകൾ കുറവ് മാത്രമാണ് താരം നേടിയത്.