ആവേശകരമായ പോരാട്ടത്തിനൊടുവിൽ ക്രൊയേഷ്യ പെനാൽറ്റി ഷൂട്ട് ഔട്ടിൽ കീഴടക്കി നേഷൻസ് ലീഗിൽ കിരീടം ഉയർത്തി സ്പെയിൻ. നിശ്ചിത സമയത്തും എക്സ്ട്രാ ടൈമിലും സ്കോർ 0 -0 ആയതോടെയാണ് മത്സരം പെനാൽറ്റി ഷൂട്ട് ഔട്ടിലേക്ക് നീണ്ടത്. പെനാൽറ്റി ഷൂട്ട് ഔട്ടിൽ 5-4 എന്ന സ്കോറിനായിരുന്നു സ്‌പെയിനിന്റെ വിജയം.
യൂറോ 2012 ന് ശേഷമുള്ള സ്‌പെയിനിന്റെ പ്രധാന കിരീടമാണ് നേഷൻസ് ലീഗ്.സൂപ്പർ താരം മോഡ്രിച്ചിന്റെയും ക്രോയേഷ്യയുടെയും ആദ്യ പ്രധാന കിരീടത്തിനായുള്ള കാത്തിരിപ്പ് തുടരുകയാണ്.2018 ലെ ലോകകപ്പിൽ റണ്ണേഴ്‌സ് അപ്പും 2022 ൽ മൂന്നാമതും ആയ സ്ലാറ്റ്‌കോ ഡാലിക്കിന്റെ ടീം ഒരിക്കലും ഒരു പ്രധാന ട്രോഫി നേടിയിട്ടില്ല. നേഷൻസ് ലീഗ് വിജയം ക്യാപ്റ്റൻ ലൂക്കാ മോഡ്രിച്ചിന്റെ തിളങ്ങുന്ന അന്താരാഷ്ട്ര കരിയറിൽ വലിയ നേട്ടമാവുമെന്നു കരുതിയെങ്കിലും നിരാശയായിരുന്നു ഫലം.
യൂറോ 2024 യോഗ്യതാ മത്സരത്തിൽ സ്‌കോട്ട്‌ലൻഡിനോട് തോറ്റതിന് ശേഷം മാർച്ചിൽ കടുത്ത വിമർശനങ്ങൾക്ക് ശേഷം പുതിയ സ്‌പെയിനിന്റെ പരിശീലകൻ ലൂയിസ് ഡി ലാ ഫ്യൂണ്ടെയുടെ ആത്മവിശ്വാസം ഉയർത്തുന്നതാണ് ഈ വിജയം. പെനാൽറ്റി ഷൂട്ട് ഔട്ടിൽ ബ്രൂണോ പെറ്റ്‌കോവിച്ചിന്റെ കിക്ക് രക്ഷപ്പെടുത്തിയ സ്പാനിഷ് ഗോൾകീപ്പർ ഉനൈ സൈമൺ വിജയത്തിൽ നിർണായക പങ്ക് വഹിച്ചു.ഡാനി കാർവാജൽ പനേങ്ക പെനാൽറ്റി ചിപ്പ് ചെയ്ത് സ്പെയിനിനു വിജയം നേടിക്കൊടുത്തു.