റയൽ മാഡ്രിഡിന്റെ സൂപ്പർതാരം ബൂട്ടഴിക്കുന്നു….

വിരമിക്കൽ സൂചന നൽകി റയൽ മാഡ്രിഡിന്റെ ബെൽജിയം സൂപ്പർതാരം ഈഡൻ ഹസാർഡ്. 32 കാരനായ താരം നിലവിൽ സ്പാനിഷ് വമ്പൻമാരായ റയലിന്റെ ഭാഗമാണ്. 2019 ലാണ് പ്രീമിയർ ലീഗ് ക്ലബ്ബായ ചെൽസിയിൽ നിന്നും താരത്തെ റയൽ മാഡ്രിഡ് സ്വന്തമാക്കുന്നത്.

എന്നാൽ റയലിൽ മികച്ച പ്രകടനം നടത്താൻ താരത്തിന് സാധിച്ചില്ല. പരിക്കുകളും മോശം പ്രകടനവും മൂലം താരം പലപ്പോഴായും റയലിന്റെ സൈഡ് ബെഞ്ച്ലായിരുന്നു. താരത്തിന് 2024 വരെ റയലുമായി കരാറുണ്ട്.ഈ സീസണിലും താൻ റയൽ മാഡ്രിഡിൽ തുടരുമെന്ന് അറിയിച്ച ഹസാർഡ് ഈ സീസണിന് ശേഷം താൻ വിരമിക്കുമെന്ന സൂചനയും മാധ്യമപ്രവർത്തകർക്കും മുമ്പാകെ നൽകി.

അടുത്ത സീസണിലും താൻ റയൽ മാഡ്രിഡിൽ തുടരുമെന്നും ക്ലബ്ബിന്റെ വലിയ ലക്ഷ്യങ്ങളിൽ ഭാഗമാകാൻ തന്റേതായ സഹായം നൽകാൻ താൻ ആഗ്രഹിക്കുന്നുവെന്നും അദ്ദേഹം വെളിപ്പെടുത്തി. ചിലപ്പോൾ അടുത്തത് തന്റെ അവസാന സീസൺ ആയിരിക്കുമെന്ന ഹസാഡിന്റെ വാക്കുകൾ അദ്ദേഹത്തിന്റെ വിരമിക്കലിനെ പറ്റിയുള്ള സൂചനയും നൽകുന്നു.

ഫ്രഞ്ച് ക്ലബ്ബായ ലില്ലെയിൽ നിന്നും 2012 ലാണ് ഹസാർഡിനെ ചെൽസി സ്വന്തമാക്കുന്നത്. 2019 വരെ ചെൽസിയിൽ കളിച്ച ഹസാർഡിന്റെ കരിയറിലെ ഏറ്റവും മികച്ച പ്രകടനങ്ങളൊക്കെ ചെൽസിയുടെ ജേഴ്സിയിലായിരുന്നു. പിന്നീട് തുടർച്ചയായ പരിക്കുകൾ താരത്തിന്റെ പ്രകടനത്തെ ബാധിക്കുകയായിരുന്നു.