‘എന്നെ സംബന്ധിച്ചിടത്തോളം യൂറോ കപ്പ് ലോകകപ്പിനേക്കാൾ ബുദ്ധിമുട്ടാണ്’ : കൈലിയൻ എംബാപ്പെ | Kylian Mbappe
യൂറോയും ലോകകപ്പും തമ്മിലുള്ള താരതമ്യത്തെക്കുറിച്ച് സംസാരിച്ചിരിക്കുകയാണ് ഫ്രഞ്ച് സൂപ്പർ താരം കൈലിയൻ എംബാപ്പെ.ഫ്രാൻസിന് അവരുടെ വരാനിരിക്കുന്ന യൂറോ കാമ്പെയ്‌നിൽ നിർണായകമാവുന്ന കളിക്കാരനാണ് പുതിയർ റയൽ മാഡ്രിഡ് ഫോർവേഡ്.”എന്നെ സംബന്ധിച്ചിടത്തോളം യൂറോ കപ്പ് ലോകകപ്പിനേക്കാൾ സങ്കീർണ്ണമാണ്” എംബപ്പേ പറഞ്ഞു.
ലോകകപ്പ് ടീമുകളേക്കാൾ യൂറോയിൽ പങ്കെടുക്കുന്ന ടീമുകൾ പരസ്പരം കൂടുതൽ പരിചിതരാണെന്നും എംബാപ്പെ വിശദീകരിച്ചു. അവർ പരസ്പരം തന്ത്രപരമായി പരിചിതരും സമാനമായ ബ്രാൻഡ് ഫുട്ബോൾ കളിക്കുന്നവരാണെന്നും പറഞ്ഞു. “ലോകകപ്പിൽ കൂടുതൽ സമ്മർദ്ദമുണ്ടെങ്കിലും. എന്നാൽ ഇവിടെ എല്ലാ ടീമുകൾക്കും പരസ്പരം അറിയാം, ഞങ്ങൾ എപ്പോഴും പരസ്പരം കളിക്കുന്നു. തന്ത്രപരമായി ഇത് വളരെ സാമ്യമുള്ള ഫുട്ബോൾ ആണ് ടീമുകൾ കളിക്കുന്നത്’എംബാപ്പെ പറഞ്ഞു.
ഫ്രഞ്ച് ടീമിനെ മൂന്നാം യൂറോ കിരീടത്തിലേക്ക് നയിക്കാനാണ് 25-കാരൻ ശ്രമിക്കുന്നത്. നെതർലൻഡ്‌സ്, ഓസ്ട്രിയ, പോളണ്ട് എന്നിവയ്‌ക്കൊപ്പം ടൂർണമെൻ്റിലെ ഏറ്റവും വെല്ലുവിളി നിറഞ്ഞ ഗ്രൂപ്പുകളിലൊന്നിൻ്റെ ഭാഗമാണ് ഫ്രാൻസ്.2020 ലെ യൂറോപ്യൻ ചാമ്പ്യൻഷിപ്പിൻ്റെ 16-ാം റൗണ്ടിൽ സ്വിറ്റ്‌സർലൻഡിനോട് പരാജയപെട്ടാണ് ഫ്രാൻസ് പുറത്തായത്.ആവേശകരമായ 120 മിനിറ്റ് ഫുട്‌ബോളിന് ശേഷം ഇരുടീമുകളും 3-3ന് സമനിലയിൽ പിരിഞ്ഞു.
ഒടുവിൽ, പെനാൽറ്റികളിൽ സ്വിസ് വിജയിക്കാനായി നിർണായകമായ ഒരു സേവ് നടത്തിയതിനാൽ യാൻ സോമർ നായകനായി.2029 വരെ അഞ്ച് വർഷത്തെ കരാറിൽ ഒപ്പുവെച്ചതിനാൽ ജൂൺ 3 ന് Kylian Mbappe ഒരു റയൽ മാഡ്രിഡ് കളിക്കാരനായി ഔദ്യോഗികമായി പ്രഖ്യാപിക്കപ്പെട്ടു. Vinicius Junior, Jude Bellingham, Rodrygo Goes എന്നിവരോടൊപ്പം റയൽ മാഡ്രിഡിൻ്റെ മുൻനിരയെ ശക്തിപ്പെടുത്താൻ ഫ്രഞ്ച് ഫോർവേഡ് ഉണ്ടാവും.