ഇത്തവണത്തെ ബാലൺ ഡി ഓർ പുരസ്‌കാരത്തിനായി ലയണൽ മെസ്സിക്കും ഏർലിങ് ഹാലണ്ടിനും ഇടയിൽ വലിയ മത്സരമാണ് നടക്കുന്നത്.പ്രീമിയർ ലീഗിലും യുവേഫ ചാമ്പ്യൻസ് ലീഗിലും കിരീടം നേടാനുള്ള മുന്നേറ്റത്തിലാണ് മാഞ്ചസ്റ്റർ സിറ്റി. എർലിംഗ് ഹാലൻഡിന്റെ പ്രകടനങ്ങളാണ് ഈ സീസണിൽ സിറ്റിയുടെ മുന്നേറ്റത്തിന് പിന്നിൽ.
കഴിഞ്ഞ വർഷം അർജന്റീനയ്‌ക്കൊപ്പം ഫിഫ ലോകകപ്പ് നേടിയ മെസ്സി പിഎസ്ജിക്ക് വേണ്ടി മിന്നുന്ന പ്രകടനമാണ് നടത്തിയത്.എന്നാൽ റയൽ മാഡ്രിഡ് ഗോൾ കീപ്പർ തിബോട്ട് കോർട്ടോയിസ് 2022 ലെ ബാലൺ ഡി ഓർ നേടാൻ അർഹനായിരുന്നുവെന്ന് ഞ്ചസ്റ്റർ സിറ്റി ഹെഡ് കോച്ച് പെപ് ഗ്വാർഡിയോള അഭിപ്രായപ്പെട്ടു.റയൽ മാഡ്രിഡിനെ 14-ാമത് ചാമ്പ്യൻസ് ലീഗ് കിരീടത്തിലേക്കും ലാ ലിഗ ട്രോഫിയിലേക്കും നയിച്ചതിന് ശേഷം കോർട്ടോയിസിന്റെ റയൽ മാഡ്രിഡിന്റെ സഹതാരം കരിം ബെൻസെമയാണ് ആ വര്ഷം ബാലൺ ഡി ഓർ നേടിയത്.
ബെൻസെമയും അർഹതയുള്ള വിജയിയായിരുന്നെങ്കിലും കോർട്ടോ കൂടുതൽ അർഹനായിരുന്നവെന്ന് ഗാർഡിയോള അഭിപ്രായപ്പെട്ടു.“കഴിഞ്ഞ വർഷം അവർ കോർട്ടോയിസിന് ബാലൺ ഡി ഓർ നൽകിയിരുന്നെങ്കിൽ, അതും അർഹിക്കുമായിരുന്നു,” അദ്ദേഹം പറഞ്ഞു.സീസണിലെ ഏറ്റവും മികച്ച ഗോൾകീപ്പർ എന്ന നിലയിൽ യാഷിൻ ട്രോഫി സമ്മാനിച്ചെങ്കിലും ബാലൺ ഡി ഓർ റാങ്കിംഗിൽ വിചിത്രമായി ഏഴാം സ്ഥാനത്താണ് ഫിനിഷ് ചെയ്തത്.
🗣️ Pep Guardiola: “If they had given the Ballon d'Or to Courtois last year it would also have been deserved.” #UCL pic.twitter.com/6gHzBCtazX
— Madrid Zone (@theMadridZone) May 17, 2023
ഈ സീസണിലെ ചാമ്പ്യൻസ് ലീഗിൽ നിന്ന് തന്റെ ടീം റയൽ മാഡ്രിഡിനെ പുറത്താക്കുന്നത് കണ്ടതിന് ശേഷമാണ് ഗ്വാർഡിയോള ഈ അഭിപ്രായപ്രകടനം നടത്തിയത്. നാല് ഗോളുകൾ വഴങ്ങിയെങ്കിലും കാർലോ ആൻസലോട്ടിയുടെ ടീമിലെ മികച്ച കളിക്കാരനായിരുന്നു കോർട്ടോയിസ്.സ്കോർഷീറ്റിൽ കയറാൻ കുറഞ്ഞത് മൂന്ന് മാന്യമായ അവസരങ്ങളെങ്കിലും ഉണ്ടായിരുന്ന എർലിംഗ് ഹാലൻഡിന്റെ ശ്രമങ്ങളെ അദ്ദേഹം പ്രത്യേകിച്ച് പരാജയപ്പെടുത്തി.